ДАХАРАН ГУОНАШ…
ХIума а, хилам а
Сеццина лаьтташ дац.
ДогIа а догIу-кха
Цкъа гIийла, тIесерсаш,
Цкъа гуттара чIогIа,
Чухьаддачу хих тарлуш,
Йа махца, дарц хуьлий,
Йа лайца ийна…
Эвла хадош догIу Март
Сан жималлехь кхин дара.
Ткъа тахна-м цуо хьоьсту
Ша-тайпа сан дог-ойла…
Гуьйре а йара дуьххьара
Со винчу шарахь…
ХIинца тIейеънариг
Хила тарло тIаьххьара…
Бецан хелиг а дужий,
Дахкалой дIадолу…
Юха-бIаьста керланиг,
Иштта дуожа, долу…
Вахар а хуьлуш дац
Шерашца дуьстина…
Лелаш дерг рицкъ ма-ду…
Кхоьллинчо делла…
Цуьнан бустам, - даиман,
- Хьох даьлла беркат.
Юьхьенца хуьлу вай
Ненана кийрахь…
Цул тIаьхьа жимачо
Ког лаьтта луьйзу,
Амма тIаккха воьрзу стаг
Цу лаьттан кийра…
Дуьненчу волург а
Хастамца волийла.
ХIорачун Iер-вахар
Беркате хуьлийла.
Са Маьрша долуш,
Куьг Маьрша долуш,
Вуониг дIатеттина,
Хьанал дерг лохуш.
23.09.2021 ш.