Перевод на чеченский язык стихотворения Розы Дахаевой «Стихи уходят».
Байташ дIайоьлху
Байташ сан дIайоьлху, реманаш санна,
Мох-дарце, аренга, маьршачу пана.
ХIусамехь сагатло аьрхачу церан,
Генара некъ хоржу, цахиларх шера...
Йишйоьхна тахана - йесалла гонах,
Цхьалла суна тарйелла ирчачу вонах.
Дахаран сурт хIоттош, дош лоху лорий,
Ас лаьтта дIадийнарг довр дац-кха олий.
Ткъа кхана байт соьга йазлур йу керла,
Дешнаш а кхиор ду сайн деган кхерчахь,
Къинхетам хастош дерг дош оьшу денна,
Дарбане ша долуш, дерг дагах кхеташ.
Поэзи, сан деган беркате хьаша,
Эсала, луьра а хилла хьо соьца,
Эхь-бехк сан лардина, луш синна кхача,
Очакхе некъ бо ас даима хьоьца.
ХIумма дац реманаш дIаэхарх генна,
Iаьвшшина йаздинарг зен дайна дац-кха,
Адамалла, маслаIат хастор ду денна,
ТIаккха со ирсечех лара йиш йу-кха.