Б У Т1 А КЬ Я Н Ч И Б И:
Имам Шамил
Имамла неш
Г1ябдуллагь – унра урши.
Наиб
Солдат
Ц А И Б И Л А Н Ц1 Б У КЬ
Сурат цаэсил
Хьунул адам шин ахъяс х1ерк1личи кариц1ур.
Хьунул Адам Ва, х1ела нешлис ват! Се бетаурли х1ед?
Солдат Вяхъилра… Агь !
Солдат аргъала дуи каркур.
Хьунул адам Иш урусла солдат виалра, кумек барес г1яг1ниси саби. Ишалара рургар сунечи х1ерси неш. Супел алра бак1или ах1ен. Бара лагизурси хъяша уили сай. Г1ябдуллагь кавкили ляркьяс.
Хьунул адамра г1ябдуллагьра уркурличил лябкьян.
Хьунул адам Гьари, дила урши, иш уркурличи катахъес кумекбара.
Г1ябдуллагь Зизи, ишк1ун урус пачала солдат сай – нушала душман.
Хьунул адам Ах1ен, гьанна иш вяхъибси язихъ сай. Се душмандеш дарес вируси ишини ? Каса, кумекла вии.
Г1ябдуллагь Зизи, наб х1ейги даршал г1ярчимаг дикахъес. Х1ед гьанх1ебиркулив Имам Шамилла буйрухъ: «Душмайс кумекла виубсилис даршал г1ярчимаг»?
Хьунул адам Гьанбиркули саби, дила урши. Амма даршал г1ярчимагла дяхъичирра, иш уршила Жан дурхъати сари. Дуалли дуаб дунъя
Чузир бархьдеш агарти.
Дуалли дуаб зубри
Чузир мардеш агарти.
Сурат к1иэсил
Халаси к1алг1я. Азбар биц1или муридуни.
Имам Шамил Ассаламу г1ялайкум, ва ррях1матуллагьи, ва ссалавату, ва баракатум !
Лебилра Ва г1ялайкум ассалам ! Имам Шамил Къиянси замана саби: дявти, гаши, дуунти ва дигубти шими. Гьар шайчирад чедашули урус пачала г1яскурти сари. Илдас нушала лебдеш, нушала азаддеш, нушала дубурти дуцес дигули сари.
Амма илдала селра бетх1ерар, сенах1енну нуша цаси хунк1 кьяйда ч1умали кадизурх1ели. Чула узби, дудешуни Дагъистан багьандан бургъух1ели, къаршибиркули саби цацабех1 х1явбуц1ира. Кьац1ла бут1алис илдани Ват1ан бирцули саби. Азаддеш дигахъеная, неш кьяйда. Илх1ели х1ушала г1ямру къугъадирар. Мургьиличира давлаличира х1уша дебали гъаммадирудая. Г1ях1илван Ват1ан дигехъеная. Ил агарх1ели, х1ушаб дубурлантас, г1ямру лерти ах1ен. Вершаби къирбирес г1яг1ниси саби. Нушала душмайс кумекла виубли, яра иличи урк1ец1и барибсилис даршал г1ярчимаг. Нуша ургав ца увухъи сай, суненира «валлагь, нуни адам кавшес х1ейрус» или, дявла замана г1ела вит1ак1или усалдеш чедаахъибси. Дус гьалав ил нуни каршахъаси, амма гьанна нушаб бургъанти биули ах1ен. Илбагьандан – даршал г1ярчимаг.
Жагьил адам дурайу. Къакъ ч1янк1убирахъу. Даршал г1ярчимаг дирхъу.
Наиб Х1урматла Имам, х1ела балгни Чевях1си Аллагьличи диути сари. Х1ечила хабар лебил дунъяли балули саби. Х1у нушаб дудеш сайри. Бура нушази ца сек1ал. Эгер хьунул адамли душмантас кумек баралли, илисра дирхъутив даршал г1ярчимаг?
Имам Шамил Дирхъути сари. Низам кьяйда, г1ядлу зегъа леблисалра цадех1 сари!
Наиб Набзи бурили саби, х1ела нешли к1ел жумяг1 гьалав урус пачала солдат верцахъили сай или. Ил гьанна аравиубли х1ела хъулив тевли сай бик1ар.
Имам Шамиль ца камси замана пикриулхъан.
Имам Шамил Дила неш риаб, царх1ил виаб, низам кьяйда – цадех1 сари. Амма даршал г1ярчимаг дила нешли гьандуцес х1ерирар. Илбагьандан илди наб дяхъяя ! Имам Шамилли х1ева чеббалта. Лебилра х1ербик1ахъули даршал г1ярчимаг дирхъу.