АттагIадар дите
халагIадар хьаде.
ГIалгIай киц
ГIалгIай Iаьдалхош «Ак» аьннад нохчий Iаьдалхошка. Наьха хIама дезар ях лазаро готтабаьбар уж. Хьалха санна Даьла дош дицдаь, Мухьаммад-пайхамар (;) хьехам бицбаь, ГIалгIай мехка катоха дагадехар царна! Цхьабаъкда, гIалгIай къонахаш дIакхайкадаьд царга: «Шоай бIеха тIодаш тха мехка тIа ма кхувдаде!..»*
ФунагI хуле а Мехка ГIонча волчун сийде, Къонах волчун га лаца, моастагI волчун са лаца! Дала харцо лелаеча Доалахошта, Iаьдалхошта кхайкаья вий дог раьза доалаш моге, тIехьа «Амин!» ала!..
ГIалгIай кицо йоах: «Во арадаьннача коа дика чудена моттиг яц» (Такого не бывало, чтоб добро туда пришло, откуда зло вышло). Ва нохчий, шун мехкар шун са меца Iаьдалхош арадоаха боарам боаца имансизий во дIасоцаде, Даьла эгIазгIоргволчо хIама никъ бехка, са лаца! Даьла раьза хургвар кхеде, леладе, лораде, кхайкаде иман, сакхетам, хьаькъал, денал, сабар дIаккхоачалда шун!..
Вай массанега кхоачаш да Малсагнаькъан Ахьмада сино, дега кхела дош. Вай дерригаш декхар цу дешай маIан синца, дегаца, уйланца хьатIаэца, иманаца, сакхетамца, хьаькъалца, деналца, сабарца лораде, чIоагIде:
«Ля Иляха илля Ллах», сийдола вежари!
«Мухаммаду расулю-Ллах», сийдола йижари!
«Ля Иляха илля Ллах», из дош дегчура даьнна
Ха вайга ма йоагIийла, сийдола вежари!
Дала диц ма лолда вай, сийдола вежари!
Дала диц ма лолда вай, сийдола йижари!
Из шийла Iаьржа лаьтта гIийла вайга кхайка,
Ший керахь вай дехаш, сийдола вежари!..
Даькъал наькъа тIа дейле, сийдола вежари,
Вай къинош цIенде вай, сийдола йижари!..
Цу Дала ца йеш йиса Iамал кхоачаш йе вай,
Вай Даьле дIадерзаш латт шоана, вежари...**
Фаьрьгхой Хьамзат
Аьтинг бетта 15-ча дийнахь 2022-ча шера
http://proza.ru/2022/06/15/1263
* Лаьттан гIулакх дувцаш да шо укхаза гIолла дIадолхе:
а)
б)
** Илли «Сийдола вежари, сийдола йижари!». Илланч - Хулагов Артур. https://www.youtube.com/watch?v=OEtFHC3XV5Y
+++
СуртатIара вар гIалгIай Iаьлдалхо ва Евлой Мухьамад.