Ауруу, келиб туу санымы кючлегенсе,
Тюз джетгенлей къаушатыргъа излегенсе,
Тутханса сен, энди джарыкъ кёргюзтмем - деб,
Мен турама, санга санны кемиртмем - деб.
Ким биледи, бу джол мени эмермисе?
Уруб, джыгъыб, хорлам алыб кетермисе?..
Алкъын мени умутларым талпыудалла,
Тюзлюк къайтыб келир деген сакълаудалла.
Мурат ёлсе, ауруу алай келиученди,
Менде мурат, алкъын къанат кериученди,
Алай эсе, сен - азауну хорларыкъма,
Аллах салгъан чекге дери джашарыкъма.
Бусагъатда джырым-кюйюм ташда,тюзде,
Джыяр мадар этдим къыщда, джазда, кюзде...
Онг алма да ишлерими этдир манга,
Сора рахат бой салырма, ауруу, санга!