Адама духьала ваьннар
Дала а вийзавац.
ГIалгIай киц.
Везан Даьла, Хьо вIалла ца лоархIаш, Мухьамад-пайхамар (САС) ца везаш, гIандильгаь, ахчильгаь, бохчильгаь, кхаIа тIехьа баьна, Хьох ца кхераш, шоайла даржах лакхагI бола хьакимах ка эгаш, багIаш болча къам-дуъахой, къаман балохой, къаман ваьразий синошка, дегаьшка денал чудоссаделахь, эзделах дизалахь!1
Ва, Воккхан Даьла, гIалгIай дегаш хьасталахь!.. Iа кхеллача гIалгIай халкъа КъамДуъахой духхьал баьна, цун рузкъа бокъо йоацаш кульг тIа кхувдадеш, вIалла боарам боацаш из дуъаш, КъамЦаЛоархIарНаькъан Iаьдалхой а ваьразий а синош, дегаш яьккхалах IоцIенаделахь, юхькъолах мукъадахалахь, хьагIильгаш аратассалахь!..2
ЯI Аллахь, орстхой къаьста къам да яхаш яьсса фаташ еттачарна, гIалгIай халкъа юкъе бIеха цIур бехкачарна, гIалгIай лаьттах каеттачарна доастама, эсал корта бетачарна Хьай дарба делахь!.. Цар синошка, дегаьшка бIенаш даь Iаьржа курал-сонтал аратассалахь, цар синошка йоаца къаман яхь чу йоасса елахь!..
Везан Даьла, гIалгIашта юкъе цIено йелахь!.. БIеха цIераш йола халкъан-балохой, КъамДуъарьгхой, ДаьлаЦалоархIарНаькъан, КъаманМоастагIНаькъан, ХалкъЦаДезарНаькъан, цIенача новкъа бахалахь, сийрдача имане берзабелахь. Имане берза ца туге, имансизил са лацалахь, бехкача цIуран ка ма яьккхалахь!.. КъамДуъарьгхош лелаеча харцон, боарам боацаш леладеча къолашта, ца соцаш ийбеча кхаIашта юкъ хоадайелахь!..
Фаьрьгхой Хьамзат
Мангал бетта 15-ча дийнахь 2019-ча шера.3
http://www.proza.ru/2019/08/15/625
1. Ваьраз - предатель.
2. Юхькъол - лицемерие, двуличие. Это слово звучит, как афоризм, его буквальный перевод означает Кража лица, т.е. сокрытие истинного лица.
3. Мангал-бутт - август.
***
Сурта маIан - цу хьисапе гIалгIай халкъа букъа юкъе шалта етта гIалгIай Iаьдалхош - къаман боаккха балахош, шоаш цун юкъе бехкача цIураца, лелаеча харцонца, леладеча къолаца, ийбеча кхаIашца.