15....... ..................Г1АЛГ1А ВА СО - Г1АЛГ1А!
Ва нах ер вай даха диа (мир), доккха деце? Дукха хоза, ирча х1амаш, уйлаш гуш дахаце вай укха лаьтта, вай вахар д1ахьож – атта е хала. Из деррига г1алг1ачо довзаш хиннад, шийгахьа тешар долаш, хьалха Даьлах, т1аккха ше г1алг1а хилар доккхалдеш, ший да-нана дезаш цар йовхала, ший дезалах догдоахаш, царцар 1ийне ваг1а эшаш.
Дикача наха даьр диццалуш, цар оаг1ув хьаллаца уйла йолаш. Из деррига дикаш хестаде ловш, ший наьна мотт хьахозаш, лаьтта вахар, цун къамн метто д1атоадеш, деррига дикаш хулаш сийдайташ, доккхалдайташ ше г1алг1а хилара:
«Цох хов сона – оал цо беррига г1алг1ай лаьттар д1абовле а, со ца1 мара ца вусаш, х1аьта а, со г1алг1а ва-кха, вац со эрссий, вац со нохчо, вац со х1ире. Ва со, сайна ц1ана хета г1алг1а, ца1 мара веце а, наьна шур яьа, даь ц1ийх хьахинна г1алг1а. Ма дий, оалаш тха Дин дика да хьона е тха къам ч1оаг1а-сийдолаш да хьона, тха дина е къамах лоарх1аш хьат1аверза везар хьо.
- Ай, со ца1 мара воаца г1алг1а шоана д1ат1а мишта верзаргва, из сайдар, бочадар, хьамсардар леладеш лаьтта т1а ваьха д1аваргва со. Ма ала сога иза морг, ма дохаде са дог, со г1алг1а ва – вац со нохчо, эрссе е х1ире!!! Вита со, парг1ата са даха, г1алг1а волаш лергвар со!!! Маьржа дуне яъ, ма виталахь со Аллах1 сай Бусалба динах воацаш, сай къамах, меттах, даь-наьнах воацаш!!!»