Садра Седредин базардал еке къал-макъалдин шагьид хьана. Кьве кас – картуфар маса къачурдини - гайиди, лап рик1ивай кк1анвай. Беденда къуват авай Седредин абурун арадиз гьахьна, сад садавай къакъудна. Ахпа ам къал-макъалдин себеб вуч ят1а чириз алахъна. Сидредин гъавурда акьурвал, ибурукай сада 10 кило картуфар маса къачуна к1вализ хъифена, са арадилай «вич табна, мушухда зур килодин т1имил ава» лугьуз, элкъвена хтана. Картуфар гайи касди тахсир хиве кьунач, картуфар хкайдаз «вун гьарамзада я» лагьана. «Картуфар са гьина ят1ани чуьнуьхна, гила зи патав атанва, киц1ин хва! – хъел кваз лагьана ада мадни. Зун базарда ацукьна сад лагьай йис туш, зун ина виридаз михьи, дуьз инсан тирди чизва!». Амма, картуфар хкай касди гьадалайни еке сеперариз эгеч1на. Гьа ик1, сада садаз мадни эдебсуз гафар лугьуз, эхирдай сада – садан хурар кьуна, кк1ана…
Седредина абур кьведни явашарна, ахпа сад садан къаншарда акъвазарна. Ада картуфар къачур касдин чиниз килигна, хабар кьуна : «Ви картуфрикай гьикьван кими хьанва?» «Зур кило» - жаваб гана ада. Ахпа ам картуфар гайи касдихъ элкъвена, терездал зур кило алцумиз туна. « Ви картуфрин къимет (мас) гьикьван я?» – лагьана хабар кьуна Седредина маса гайидавай. «Къад кепек» - жаваб гана а касди. «Ак1 хьайила, и еке къал-макъал ц1уд кепекдиз килигна я ман? Ма, къачу!» - Седредина жибиндай ц1уд кепекдин пул акъудна, са кьац1ай шей хьиз пара хъел кваз базардин дезгедал вегьена. Ахпа, ягьанатдалди муькуьдаз килигна, терезда авай картуфар адан мушухдиз эч1ирна…
П.С.Са бязи, культурадин дережа агъуз тир ксари, арайра авай алакъаяр хуьз тежез, гьар са гъвеч1и проблема суьрсетар вичел ч1угвадай «ч1улав т1еквендиз» элкъуьрда. Гена хъсан, чи арайра Седредин хьтин, четин проблемаяр регьятдиз гьализ жедай рухваяр ама.