АКАФИСТ свт. Афанасию еп. Ковровскому
К О Н Д А К 1:
Избранный и верный во архиереех, последовавший всем сердцем Подвигоположнику Христу, во узах яко в вертограде пребывая, плод любви и веры в сердце возрастил. Сего ради поминая вольные страдания твоя, сице воспоем ти: Радуйся, Афанасие, священноисповедниче, светило земли Владимирския.
И К О С 1:
Ангелу подобный, измлада материю в благочестии воспитанный. Сергию преподобному уподобивыйся, чуждаясь шумных игр и озорства безчиния, возлюбивший чин и красоту церковного служения, бывший исполнителем, а не «слушателем забывчивым». Сего ради, подражателем твоим желая быти, воспеваем тако:
Радуйся, исповедание со исповедничеством соединивший;
Радуйся, страдания, Луке святителю подобно, возлюбивший.
Радуйся, соблазнов «сего века» не принявший;
Радуйся, подобно Иову, безропотно страдавший.
Радуйся, врагов своих евангельски простивый;
Радуйся, до смерти верный – венец Жизни получивый.
Радуйся, домостроитель, Церкви добре послуживый;
Радуйся, «друг друга тяготы», с благодарением носивый.
Радуйся, Афанасие, священноисповедниче, светило земли Владимирския.
К О Н Д А К 2:
Видимым образом шедший от поражения к поражению, невидимо возрастал от славы к славе. Уподобивыйся умом и сердцем Победителю смерти в следовании воли Пославшего Его. Ныне же имея от Господа благодать велию, возгреваешь и нас, почитающих тя, воспевать хвалебную песнь Создателю Богу: Аллилуиа.
И К О С 2:
Разумом и душею, от совершенства к совершенству в меру возраста Христова, возрастал еси. Духом Святым просвещаемый, крестной матери, вопросившей: «в чем игры твои, хочешь ли быть врачем?» - пророчески возвестил: «буду архиереем!» - Мы же, дивящееся о сем, похвальная воспеваем ти:
Радуйся, измлада Церковь возлюбивый;
Радуйся, богомудрием учащих поразивый.
Радуйся, «буду епископом», - в детстве пророчески сказавый;
Радуйся, родительницей пестуемый, в благочестьи возраставый.
Радуйся, зело восшествовать к спасенью восхотевый;
Радуйся, «паче всех врагов», и – «паче старец разумевый».
Радуйся, Слова Божьего, последователь усердный;
Радуйся, к ищущим спасенья, пастырь милосердный.
Радуйся, Афанасие, священноисповедниче, светило земли Владимирския.
К О Н Д А К 3:
Силою Свыше облек тя Господь, Апостольски возвещевающему: «Возлюбленные! Огненного искушения не чуждайтесь». – Будучи же «все для всех», Слово Божие сеял в уничижении. Ныне же, восставшему в славе, радостно воспоем: Аллилуиа.
И К О С 3:
Имея мудрость паче Соломоновой, кротость паче Давидовой, ревность паче Илии, со святителями Фаддеем, Никандром, Корнилием, с сонмом исповедников в заточении быша, в праздник святителя Димитрия – списателя Житий, возгласил службу «Всем Русским святым», яко песнь грядущей победы. Тако же и мы согласно возгласим ти:
Радуйся, от клевретов претерпевый поругание;
Радуйся, ни во что вменивый злострадания.
Радуйся, о спасеньи паствы – ревнование;
Радуйся, плодов духовных – дарование.
Радуйся, делами покаянье проповедовый;
Радуйся, путей пространных, отвергаться заповедовый.
Радуйся, таланты приумноживший еси;
Радуйся, молящийся о нас на небеси.
Радуйся, Афанасие, священноисповедниче, светило земли Владимирския.
К О Н Д А К 4:
Бурей богоборческой наказал Господь, некогда Святую Русь, ожидая покаяния от народа Своего. Ты же, об отступивших, яко новый Моисей, горько вопия, об очистительных скорбях благодаря Бога, воспевал: Аллилуиа.
И К О С 4:
Слыша о нестроениях Церкви Русской, ересью «обновленчества» воздвигаемых, сердцем глубоко скорбя о расхищаемых овцах стада Христова; дерзновенно отступивших обличая, верных наставляя, колеблемых укрепляя, душу свою полагал за други своя. Темже, видя неленостные подвиги твоя, радостно воспоем ти:
Радуйся, на кафедру столицы древния поставленный;
Радуйся, в сонме новомучеников прославленный.
Радуйся, мучеников первохристианских превосшедый;
Радуйся, учению святых отцев последовый.
Радуйся, наследниче пажитей небесных;
Радуйся, агнче и пастырю овец словесных.
Радуйся, исповедников Первосвятителю;
Радуйся, добродетелей евангельских хранителю.
Радуйся, Афанасие, священноисповедниче, светило земли Владимирския.
К О Н Д А К 5:
Боготечною звездою следуя путем подвига за Подвигоположником Христом, будучи «яко к разбойникам сопричтен», увещевая оных: «и мы осуждены справедливо, потому что достойное по делам нашим приняли». Мы же с воскликновением: «Помяни мя Господи, когда приидеши во Царствие Твое». – Поим хвалебную песнь: Аллилуиа.
И К О С 5:
Видя, яко ересь обновленчества посягает на Церковь Христову, расхищая стадо верных; дерзновенно, яко пастырь душу полагающий за овцы, противостал еси. Темже, и мы, видя сие, в преизбыточестве сердец, в благодарении уста свои отверзая, согласно воспоем ти:
Радуйся, исповедников Первоиерарше;
Радуйся, ревнитель о Престоле Патриаршем.
Радуйся, властью данной тебе Свыше, ересь истребивый;
Радуйся, любовью «сына Громова» нечестье попаливый.
Радуйся, поспешник жития духовнаго;
Радуйся, ревнитель благочестия церковнаго.
Радуйся, стяжавший крин духовных дарований;
Радуйся, противник злословесных мудрований.
Радуйся, Афанасие, священноисповедниче, светило земли Владимирския.
К О Н Д А К 6:
Проповедию пути спасения послужило житие твое, егда умолял Христа, Моисею подобно, со Всеми святыми, о спасении Державы Российской. С благодарением претерпевая холод, глад, заточение – яко епитимию народу данную, за грехи цареубийства, братоубийства и попрания веры, непрестанно вопиял: Аллилуиа.
И К О С 6:
Возсиял еси, Афанасие, в подвиге страстотерпчества, Каменю отвергнутому строителями уподобился еси. Ныне же, яко адаманте непоколебимый, положения во главу угла земли Владимирския сподобился еси. Мы же изумевающе о сем, сице воспоем:
Радуйся, незлобием сердца жестокие спасавый;
Радуйся, безропотностью агнца, венцы Божии стяжавый.
Радуйся, чистоту церковного Ученья проповедовый;
Радуйся, «терпением спасайте души ваша», - исповедовый.
Радуйся, «изгнанья правды ради», - путь к спасению удобный;
Радуйся, Афанасию Великому подобный.
Радуйся, Афанасию Лубенскому тезоименитый;
Радуйся, двум Патриархам подражатель нарочитый.
Радуйся, Афанасие, священноисповедниче, светило земли Владимирския.
К О Н Д А К 7:
Хотящий первее благоугодити Богу, верный велению Истины, ставший «непоминающим» не по неведению, но – знавший тайну местоблюстителя, клявшегося яко Петр, в верности митрополиту Петру; сим обрек себя на гонения, заточение, безчестие, злострадания; кротце претерпев вси, Господу воспел: Аллилуиа.
И К О С 7:
Нового Завета чудо показа Господь, на тебе Владыко Афанасие, егда ненавидящим благотворил, проклинающих благословлял, за гонящих и обижающих молил: делом, а не словом являя любовь к врагам своим. Видя сие, и окамененные сердца, кающиеся прославляли тебя. Тако же и мы, яко сына Отца нашего Небесного, славим тя:
Радуйся, блаженств евангельских достигший;
Радуйся, премудрость паче Соломоновой постигший.
Радость, блаженства «нищих духом» возлюбивый;
Радуйся, все упование на Бога возложивый.
Радуйся, блаженства «чистых сердцем» вожделевый;
Радуйся, «изгнанье правды ради», претерпевый.
Радуйся, испытанный во множестве скорбех;
Радуйся, «яко мзда ваша многа на небесех».
Радуйся, Афанасие, священноисповедниче, светило земли Владимирския.
К О Н Д А К 8:
Странником был на земли Афанасие, посланный «яко агнец посреди волков» к погибающим «овцам Израилевым». Властью святительской попирая «аспида и скорпиона», словом возжигая светильники сердец. И, доныне, слыша милостивые словеса твоя, в благодаренье вышнем воспоем: Аллилуиа.
И К О С 8:
Всем для всех быша; плачущим утешитель, скорбящим радование, радующимся сомолитвенник, недугующим целитель, всеми оставленными покровитель; приял от Господа благодать велию, ныне же на небеси предстательствуешь о всех вопиющих тебе тако:
Радуйся, глаголов Жизни вечной проповедниче;
Радуйся, честнейший иерархов исповедниче.
Радуйся, златословесные уста;
Радуйся, премудрость змия, и – святая простота.
Радуйся, уставов чтителю благоговейный;
Радуйся, по Истине ревнитель дерзновенный.
Радуйся, семейных нестроений скорый разрешитель;
Радуйся, монашествующих благой путеводитель.
Радуйся, Афанасие, священноисповедниче, светило земли Владимирския.
К О Н Д А К 9:
Всякое естество ангельское и человеческое удивися, егда в горниле скорбей, яко злато седмерицею переплавленное, сосудом благодати соделовыйся, Афанасие. Темже, видя вольные страдания твоя, яко в пятнадцатистепенных псалмех воспоем: Аллилуиа.
И К О С 9:
Ветии богомудрии дерзают восхвалить добродетели твоя, тайна которых: «Вся слава Дщере Царевы внутрь, рясны златыми одеяна и преиспещрена».
Но, и таковым не довлеет словес, дабы по достоянию восславить тя, Афанасие. Мы же, смиренно отверзающее уста, токмо воспоем:
Радуйся, в монашестве «Безсмертью» соименный;
Радуйся, к хранителям глаголов Жизни вечной, сопричтенный.
Радуйся, времен апокалипсиса подвижник;
Радуйся, познавший Бога сердцем, а не из скрижалей книжных.
Радуйся, во Истине непоколеблемо стоявший;
Радуйся, держащихся ученья Валаама, обличавший.
Радуйся, носящий в сердце Вифлеемскую звезду;
Радуйся, не оставивший «первую любовь твою».
Радуйся, Афанасие, священноисповедниче, светило земли Владимирския.
К О Н Д А К 10:
Спасти хотя душу свою, согласия гибельного с миродержителями «века сего» избегнул еси. В таинственном соработничестве со «Всеми святыми земли Русской» пребывая, исполнением Заповедей пути спасения проповедовал еси. Мы же, воспоминая подвиги твоя, воспоем Святейшему Богу: Аллилуиа.
И К О С 10:
Стена непоколебимая на камени веры утвержденная, от разлияния рек житейских, прибегающих к тебе, невредимо сохранил. Словом твоим, яко «сребро разженным», души очищая, сердца верных к подвигу крестоношения преклоняя, разум просвещая; скорби горькие претерпевати научал еси. Ныне же и мы, в благодарении, возглаголем тебе сице:
Радуйся, защитник благочестия, новый Михаиле;
Радуйся, любы времен последних, новый Гаврииле.
Радуйся, целителю сердец и душ погибших – Рафаиле;
Радуйся, свет разума и просвещенья духа, новый Урииле.
Радуйся, ходатай и молитвенник «за мир» - Селафииле;
Радуйся, «благословенье Божие на вы» - Варахииле.
Радуйся, славителю, подобный Иову – Иегудииле;
Радуйся, Архангелам подобный в разуме и силе.
Радуйся Афанасие, священоисповедниче, светило земли Владимирския.
К О Н Д А К 11:
Пение «Всем святым в земле Российской просиявшим» исповеднически возносил, не токмо в заточении с собратьями своими, но, яко – «правило веры и образ кротости», всей жизнью своей, в премудрости – веры, надежды
и любви, воспевая гимн благочестию. Тако же и мы, тебе смиренно подражая, воспоем Благому Богу: Аллилуиа.
И К О С 11:
Светоподательной лампадой возжегся в житии твоем, отче Афанасие, кротце претерпевая все неправды мира, славословя Бога, Иоанну Златоустому подобно. В молитвах, постах, бдениях, трудах о спасении пасомых, яко вертоградарь неустанный, до последних дней трудился еси; сего ради воспоем ти:
Радуйся, благоразумным девам уподобивыйся;
Радуйся, за терпенье славословим тебя.
Радуйся, исповедников столпе непоколебимый;
Радуйся, незлобием, сердец ожесточенье победивый.
Радуйся, светильник на «верху горы» поставленный;
Радуйся, в темницах и во узах, Богом не оставленный.
Радуйся, смиреньем, зла прилоги сокрушивый;
Радуйся, подобно Господу, гонителей простивый.
Радуйся, Афанасие, священноисповедниче, светило земли Владимирския.
К О Н Д А К 12:
Благодатью Божией преисполненный, последовый Сказавшему: «в мире будете иметь скорбь». – удостоился таинственных собеседований со Святыми земли Русския. Пред кончиною же своею, в яве узрев предстояние их на небесех, яко друзем своим возопил: Аллилуиа.
И К О С 12:
Славяще исповеднические подвиги твоя, святителю Афанасие, ублажаем святую кончину твою, и почитаем, яко светильника и чудотворца Всея земли Российския, о чесом, радости Пасхальной преисполнены, сице воспоем:
Радуйся, вослед отцев идущий неустанно;
Радуйся, светильник, на верху горы, горящий непрестанно.
Радуйся, для верных «Нерушимая стена»;
Радуйся, спасались тысячи окрест тебя.
Радуйся, «соле земли», и – «миру свет»;
Радуйся, вкусивший вместо елея – оцет.
Радуйся, проведший в заточеньи тридесят лет;
Радуйся, «сеющий слезами, радостью пожнет».
Радуйся, Афанасие, священноисповедниче, светило земли Владимирския.
К О Н Д А К 13:
О, многострадальный исповедниче Христов, святителю Афанасие! Приими милостиво, похвальное пение сие, от недостоинства нашего возносимое. Прибегающим к тебе с верою, молитвами твоими ниспосли: скорбей уменьшение, недугов исцеление, житейских нужд разрешение, жестоких сердец умягчение. Да, по слову твоему: «молитва всех вас спасет». – обрадованно воспоем: Аллилуиа.
(Читается трижды. Далее – Икос 1 и Кондак 1).
МОЛИТВА
О, многострадальне и благоглаголиве святителю и исповедниче Христов Афанасие, пастырю добрый овец пажитей Церкве Русския, Православия ревнителю, покаяния проповедниче, молитвы столпе, любве неиссякаемый источниче, цевнице Боговдохновенная! Ты, землею древнею и святою воспитанный, измлада сосуд избран Богу явился еси, ревностно служа Ему словесы и делы, молитвою теплою, постом неослабным, милостынею нелицемерною, Службе Божией зело прилежа, талант песнотворчества усердно умножил еси и многими духоносными пении Церковь Русскую украсил еси, наипаче же потрудился в прославлении святых земли русския, ихже пред кончиною купно с Господом зрети сподобился еси. Истины ради и кротости и правды достойно помаза тя во святители Владимирския благодать Святого Духа, еюже просвещен, проповедал еси Православия предания неуклонно посреде безбожных гонителей, аще и в заточениих, изгнаниих и горьких работах тридесят лет пребывал еси, поношения, озлобления и раны за Христа сладце претерпевая, ты, священное исповедания яко забрало восприим, богохульныя дерзновенно обличил еси и безплотныя враги посрамил еси, паству свою делы паче слов поучая, яко Богу подобает повиноватися паче человек. Темже блаженства изгнанных правды ради сподобився и Престолу Пренебесному предстоя, моли всеблагаго Бога нашего, да утвердит Церковь Русскую, ее пастырей непозыблемо в истинах веры, от ересей и расколов, да пребудут чада ея тверды во исповедании святаго Православия, претерпевая вся напасти времени, прославляя единым сердцем и едиными усты дивнаго во святых своих Бога, Отца и Сына и Святаго Духа, во веки веков.
ТРОПАРЬ, глас 4:
Славы Божия ревнителя и благолепия церковнаго блюстителя, тесным житием и многими подвиги великому иерарху Александрийскому подобниче, святителя Афанасия, исповедника Российскаго усердно восхвалим, вернии, сей бо присно молится о спасении земнаго Отечества своего. И о всех, живущих в нем, велегласно с любовию взывая: Русь Святая, храни веру Православную, в ней же тебе утверждение.
КОНДАК, глас 3:
Днесь Афанасий святитель, Христов исповедник и праведник, в невечернем царствии славы светло ликует и в сонме Всех Русских Святых всесоставным гласом победную песнь воспевая, прилежно молит о нас превечнаго Триединаго Бога.