....... К1АЬДА ХИЛА ШОЙЛА Мустафа Ганижеа
Ма1саге, кхалсаге болача доаг1аш да шоайла к1аьда-мерза хила, цунца хул догц1енал,цу нахаца денал, сабар хилар гучадоал. Цига мелал гучаяьлча новкъа хулаш, ца кхераш халонех е к1албисар. Цхьаннеца ниссалуш хилара ч1оаг1а е хоза хилар теркам бара, гонахьарча наха, дичо махбуча. Иштта шоай дог-уйлах доаккхал ду, цар шоай доаттаг1ех, цар котало хилча тоам хулаш. Цу шоаш безачарца бела, белха кийча хул уж догц1ена нах. Шоай наха доглазаш, фуннаг1а а даь царгар бала д1аайбе хьожаш. К1аьда хинна догц1ана хилар доаг1аш, из кхоачаш хилац, шоайбар мара бала боацача наха, уж мукъа ца хилара нах теркалбе. К1аьда-мерза хилар да нах безар, нахаца юкъара хилар. Эг1азухача наха гарга хилац догц1ена хилар.
Наьха вахарах хьагар да цунца бувзам болаш, цхьан купал (совокупность) йолаш. Шоашца к1аьда бараш, мотт товш бараш беза наха. Энжи сага халахул дег1алваха, цунца та. Тока эшксаьрг барзан байча увзалу нах, ток кхетар кхераш, иштта лоралу нах энжий сагах, цунца ийдам (отношение) лелабе хала хул. Ц1имхар саг нах болача чуваьлча, из наха хеталу берза тара.
Догц1енача сагаца атта хул фуннаг1а д1адахьак, хало а, атто а, мела хала мара из ца хилара. Царна юкъе тешам хул, дийлача кулга т1а уллар гуш мо. Цудухьа уж лорабала безаш хилац шойла оттача меттигашка. Цар шоайдар совг1ат даь хьадена хул. Уж мо нах лорабе безар-кха гонахьарча наха, царгар дунен вахара пайда боландаь…