ИНСАНИЯТДИЗ ВАРИТ1АН ВАЖИБЛУБ ВА МЯНФЯАЬТЛУБ
1. Фуж ву жилиин аьлимарин аьлим ва варит1ан гизаф аьгъювалар айир?
Икибашт1ан, Заанурин Гаф (Библия) аьгъюр.
2. Фу мяна а инсандиз гьаму дюньяйиъ яшамиш хьубкан?
Мяна гьадму вуки, чав шлин тереф дибиснаш аьгъю ап1уб. Хъа аьгъю гъабхьириз – дюнья багъдат!
3. Инсандин зат тямягь хътадабт1руб фу ву?
Ккунивал.
Ккунивал фу ву?
Гьаммишан жвуванурихъди хьуб.
Гьаммишан жвуванурихъди хьуб фу ву?
Ккунивал.
4. Дюньяйиъ айи инсаният швнуб пайназ пай шула?
Кьюб.
Сабпи пай – Заанурин (Иса Месигьдин, Ккунивалин) терефкрар.
Кьюбпи пай – имбуб варибдин (иблисвал айибдин – гьюкмарин ва динарин) терефкрар.
5. Дюньяйиъ варит1ан ужуб закон фунуб гьюкуматдинуб ву?
Гьарсаб гьюкми чаз закон дюзмиш дап1на, хъа Заанурин Гафназ варит1ан багахьди хьайиб фунуб закон вуш, гьадму ужуб ву ва дициб гьюкумат варит1ан гужлиб шулу, имбудар ухди-ухди ккадахьуру.
6. Инсанди дин хъап1ну ккундин?
Эгер учв инсан вуш, дугъу гьич саб жюрейинра дин хъап1идар, фицики Ккунивализ ва Яшайишдиз дин лазим дар.
7. Дин фу ву?
Сабпи нубатнаъ, дин, сар адмийи тмунурикан ксиб ктабгъуз к1ури арайиз дубхнайи шейъ ву. Чпин гьадму жини ляхнар ачухъ дархьбан бадали, дурари чпин дин ва дидин аьдтар, табиаьтдихъ ва аллагьарихъ хъит1ра.
Кьюбпи нубатнаъ, дин – адмийири чпикан кадагънайи ляхнар ву.
Заанурин ва Дугъан табиаьтдин, диндихъди гьич саб аьлакьара адар. Адмийири чпин дин Гьадгъак гуж-балайиинди кибт1ра ва гьаци инсаниятдиз гуч1ар ккаъра.
8. Дин хъап1райидариз гьадмукьанубдикан наънан аьгъя?
Жугьдарихъан гъудубгъуб ва Библияйиан аьгъю гъап1уб. Гьаци гъадагъу аьгъювалар, динар хъаърудари, гьякьвал вуйич к1ури, чпин ва чпин терефкрарин хайирназ, ишлетмиш ап1ура.
9. Эгер уву, урхурайир: "Гьаци вуйиб, увуз наънан аьгъю гъабхьунвуз?" – к1ури гьерхиш, куразавуз:
– узуз думу гьаци вуйиб, Ккунивал ккун гъап1ган, Библияйиан аьгъю гъабхьунзуз.
Учвузра, эгер Заанурин Гаф дурхну, Ккунивал ккун гъап1иш, варибдикан аьгъю хьибдичвуз ва аьлимарин аьлимар ктуч1видичвукан.
Мут1ан важиблу ва мянфяабтлу ляхин сарун айиб дар.