Жижиг духкучохь

Хаваж Цинцаев
Жижиг духкучохь

          Мацах  цкъа,  цхьа  куро, лохачу дег1ехь велахь а,  шех  г1еххьачул  б1о  булуш  а  волу,  цхьа накъост  г1алахь  жижиг  эца  вахана  хилла.  Х1ара  ваг1анчу  жижиг   духкучу   меттехь   и  эца   веана  рог1ехь лаьтташ масийтта  божарех   стаг  а  хилла. Царна   юкъе  нисъелла  цхьа  жима, товш  зуда  а  хилла-кх.
          - Т1аьхьара  мила  ву?  – аьлла,  хатта  а  хаьттина,  шен рог1е  д1ах1оьттина,  бухарниш  санна,  жижиг  эца  веанарг. 
          Луьйш-олуш  хан а йойуш х1орш   лаьтташ,   тIевеанчо,  и   зуда   хьовзо   дагахь,   аьлла-кх:
          - Ва  зуда,  ахь  мукъане   а  х1ун   леладо   те,  х1окху  божаршна   юккъе   а еана, хьай ц1ахь ца 1аш, дуй  хьуна?..
          Т1ехьаьжна  а маттана ируо йолчух  тера  йолчу  зудчо,  кхунна  дуьхьал  а  йирзина, йела  а къежаш,  аьлла:
          - Ватта, сан Дела!  И  х1ун  къамел  ду?  Шуна  санна  жижиг  ца  деза сунаъ?
          - Дезахь,  хьан-сан  десара,  неха  зударша санна, хьай стаг ваийта ма веза, дуй  хьуна…
          - Стаг  ца  хилча  х1ун  да  деза  т1акха?  Шун  зударийн   санна,   массера  а  ма   бац стегарий…
          - Дера  беза,  дуй  хьуна,  хьайн  цхьа  г1айг1а  бан. Ца  хуьлча  т1е  далахь,  со а ву-кх  хьуна  кху меттехь  лаьтташ, бе д1а а ца хеташ, дуй  хьуна, - аьлла,  куро  хаьн  т1е  куьг  а  диллина,  д1ах1оьттина  накъост.
          - ?!
          - Бухахь  кхоъ  йолуш  ю,  хьо  цхьаъ  т1екхетарх  галдала  х1ума  а  дац,  дуй  хьуна- деца  хьуна...
          - Эс-сай… - аьлла ца йешаш зудчо,  коьртера когашка  кхаччалц  леррина  къонахчух  б1аьрг  а  тухуш. 
          Т1акха  т1етоьхна:
          - Хьо схьагушверг бен вуй иза?!  Цу Делан вазалора, хьан  йоьалг1а   зуда  а  хилла,  хьуна  рог1е  х1уьттучул,  кху метте,  йелла  д1айаллалц,  жижиг эца баьхкинчеран  рог1ехь  латта  реза  ма ю  со…  Хьуна  х1ун  моьтту  мотта?!