МУРАДХАН АМИРХАНОВ: ПИСАТЕЛЬ ВУЙИН, ДАРШИШ – ПАЙГЪАМБАР?
Улихьнаси му кас гъушну му уьмриан. Мялимвалиан. Хизандиан. Гъушну учв. Чаз аьгъяди. Марччарихъ хъайир нубатнаъ…
Аьгъдрудариз ц1ибди мялумат: Мурадхан Амирханов (1958 – 2018) табасаран машгьур писатель ву.
Дугъан мялимвалин заанвалар гьич фикирназкьан гъадагъидархьа, фицики писательвалин гьунарну, мицдар ляхнар, фук1а даруси дерккна.
Дугъкан ц1ибт1ан бик1ури гъахьундар ва гизафдариз, дугъридан, думу фуж вуш аьгъдар.
Гьаз гъапиш, дугъан фикрар, мимидар варидаринси, аьдатидар даруган. Хъа диндизна гьюкмиз ккуниси фикир дарап1ру касар, ул’ан идитуз гъитра дурарин терефкрари.
Фици машгьур ву гъапиган, машгьурвал – гъап1у ляхниинди ачухъ шулайиб ву.
Акв туври гъубзнайи ляхин дугъан, дидик1найи ва арайиз адагънайи китабариъ а.
Хъа инсанар хъаъра дугъкан хиялар ап1уз жарадар, му заманайи.
Узу дурар ктухидарза, хъа гьадму китабариан адагъури, дугъан гафар ихь арайиз хидиза.
Хъасин аьгъю хьибдичвуз, дугъридан, Мурадхан Амирханов фуж вуйиш ва фу бадали дугъу чан жан фида гъап1нуш.
Улихь миди к1ураза, ичв фикриъ ит1икьнайи аьрабарин пайгъамбар к1урайир, му касдин улихь, инсанари чпикан дюзмиш дап1найи шикилт1ан дар, хъа му кас, ичв уларикк, ухьусиб уьмур хъап1ри гъахьи, халис табасаран пайгъамбар ву. Гьаци вуйиган, фунурнур ухьу заанди дидисну ккунду?
Мунурин ушвниан адахьу гафар, гизаф пай ярккариз гъеерхьну.
Хъа мугъан уьмриъ учвну, дидиъ иштирак гъахьур, сар чан Селми юлдашт1ан гъахьундар.
Белки гьадгъан гьунарниинди дугъкан писатель ктуч1внушул…
Белки гьадгъан, аьяндарвалиинди ва заанвалихъди аьлакьйир айивализ дилигну, дугъкан пайгъамбар гъахьнушул…
Учву мурар, гьаци гафарсит1ан гьисаб дарап1ди, хъугъвал алдру инч1ра ккидипуб мумкин ву, хъа сац1иб аьгь дап1ну, мушвккансина, дугъу му дюньяйиин гъиту, дугъан дерин фикрариъ учв1ай ва учвлантина дурар, ичв уьмрар ц1ийи алауз, уьмриз кечирмиш ап1инай.
Ккумарин Казиев Шамилира, Мурадхандин гьунарарикан аьгъя-аьгъяди, ляхлаарин Кюребегахъди сат1иди саб китабдиъ, «Уьрин т1яаьмнаъ», гьеле 2005 йисан кмиди, гьамцдар гафар гъапнийи: «…Кюребег Алимагомедович Мурсалов ва Мурадхан Шевледханович Амирханов… – му писателарин бик1бан, уьмриз лигбан саягъ, художествойин стиль, хат1 шикиллу ап1ру дакъатарин ц1ийивал, кьувват гьарсарин хусуси вуди чануб ва мугагьназ литературайиъ текрар даршисиб ву… Мурадхан Амирхановдира хайлин хъуркьувалар гъазанмиш дап1на. Дугъаз гьамусдиз ихь литературайиъ дархьи жюрейин рякъюб, дих, хат1 а… Гьамци дугъан эсерари урхруриз уьмрин тяжруба тувру ва гьаддиинди думу гъюз имбу уьмриз рякъюз гьязур ап1уру…»
Мицдар гафар, гьелебела, шлихьан вушра пуз шлуб дар, фицики, дицир инсан, диндикканна гьюкмиккан асиллу дару, азад фикир айир, духьну ккунду.
Гаф ккимишра, касиб Шамилра, гьяйифки, Мурадханси, му гьюкминна диндин, халкь алдатмиш ап1ру т1улар аьгь ап1уз даршиди, мициб замана лазим дариз дупну, гъушур ву.
Гьаци вуйиб увуз наънан аьгъявуз гъапиган, к1уразачвуз, Шамил халуйихьна, «Терновый венец» китаб, му дюньяйикан мич кадабт1ну гьаз гъибик1унва к1ури узу гъушган, дугъу чан юк1в узуз айт1лан гъап1ну, ва гьаддихъантина дугъу чаз айина-адру сар дустди узу гъидисну, гьаз гъапиш, йиз гъавриъ ахърур сар увут1ан дарва, Рашид, гъапну. Гьаддихъанмина учу сат1иди ляхин ап1ури урусатдин шагьрариз гъягъюри гъахьунча. Гьелебела ич, халкь бадали ап1ури гъаши ляхнарикан му заманайиндари бик1уз гъитри адар, гьаз гъапиш, учу ич писательвалин жафайиъ, халкьдин девлетар ва к1улин фикрар т1араш дап1ну, чпин гьюкум ва дин зиина алдабгъу нягьякьваликан ачухъди к1уруган, дурариз даккунди ву ва чпикна тягьна гъюру ляхнарна гьядисйир, чпи дюзмиш ап1ру, писателарин уьмриан адагъури шулу.
Лигурайи гьялариан ихь статья ярхиб шула, шула к1ури гьап1арва, сабдихъди-саб, гьядисйир хъит1ну арайиз дуфнайиган. Шамилна узу сат1иди ляхин ап1ури гъахьнуш, Мурадханна узу сат1иди дуламиш гъашидар вуча – дугъан гъянаъ айи жини сир йиз ачрарихьант1ан ачухъ ап1уз шулдайи, фицики, узуси думура, я гьич саб диндиз, я гьич саб гьюкмиз мют1югълу кас дайи. Гьаз дар гъапиш, дурари, чпин интересар уьрхюри, Заанури, «Ужувлан Хабарнаанмина» декбккнайи уж’вал, халкьдихьна рубкьуз гъитрадайи. Я гьамусра, гъитри адар.
Мурадхандин «Гунт1» ихтилатнаан:
«…Мурарра (мал-марчч) дюрюрхруган, узу гъулаъ яшамиш гьаз шулайир ву?..» – мушваъ, азади фикир айирихьан хусусиди пуз шулу гьар жюрейиинди, хъа Мурадханди гъапунзуз: ляхни шадвалихъна хуру гъилихур, хъа гъилихурик кеп1на гьюкумна дин, чпи дилихди, гъилихурикан ктубт1уз ккунди.
«К1варар» ихтилатнаан: «…Варидари кьабул дап1найибдихъди гьюжат ап1убра гизаф читин ляхин ву…» – хъа му гафарин мяъна фу вуяв Мурадхан, к1ури гьерхиган: «сар явна йиз фикрар гьясбикк ккауз гъидритди, ихь к1ул’ин гьюкмина динди гъаравлар дерккнайиб гьарган фикирназ гъадабгъу ккунду» – гъапунзуз.
Хъа узу дугъаз, йиз вахтна, чан «Зигил» к1уру ихтлатнан гафариинди, дугъан, «гъаравлар дерккнайивалихъ» хъугъуз даккунди гьамци гъапнийза: «… Инсанар уччвудар, гьац1ар хявидар, саспидар машнак т1юрхъяр кайидар, хъа тмундарин хъюхъяр жикъидар, яна саб биц1и нукьсанра ктру инсан тек-бирра дихъурдар…»
Гьадмуган Муражханди гъапи: «…нукьсанваларилан, ап1урайи фикир асиллу вуйиш, милицайин жибдиъ айи швит1сир Александр Македонскийи, вари дюнья бисидайи».
«…Бязи муштарйир, – дибик1на Мурадханди чан «Гъуллугъ» к1уру ихтилатнаъ, – шейъ чпин пулихъ гъадабгъурайиб вушра, магазинчийикан гизаф шад вуйи, гьаз гъапиш магазинчийин мелзра гизаф ширинуб вуйи…» – хъа му фу к1уру гаф вуяв, Мурадхан, гъапиган, ув’ин к1ул алдарнуин дарш, гъапунзуз. Я дуст кас, узуз аьгъязуз увуз фу пуз ккунди аш, хъа яв мелзниинди мидкан му заманайиндариз гъапнийиш ужу шуйи, гъапиган, узуз, хъа дугъу гьамцидарихъинди му гафарин мяна ачухъ гъап1нийи: дин хиц1си инсандиъ ич1ибгнашра, думу чаан удубт1ну ц1игъ гъапрур адар, увуна узустарт1ан, дидланра гъайри, дурари думу чпин веледариъра ич1ибгуз гъитра ва дидин адарра ап1ура, думу дарш, дюнья ккадабхъиди к1ури, хъа гъудган дарап1иш, закур ригъ хавхавди гьудубчв1идин, гъапиган, урхну дийигъуру, аьрабли вердиш дап1найи дажиси.
«Жанврин шил» повестдиъ Мурадхандин геройин гафариинди, чакан, пайгъамбар Мурадхандикан, узу пидиза: «… – Загьир ич1и пакь ап1рур дар, хъа дугъан тюфенги пакь гъап1нин – фук1а якьин гъабк1ну» – гъит, Мурадхандин пайгъамбарвалин гафари, инсанар ваъ, хъа динарна, Заанурихьан дару гьюкмар йихри! Яни гьадму «Жанаврин шилнаъ» пайгъамбар-писатели давам ап1ура: «… Инсанди фуну ляхин ап1урашра, думу фициб дубхьнура саб себеб ади ап1уру. Саб себеб адарди, саб ляхинра арайиз гъюрайиб дар… Му ляхин дарап1ди гъибтишра (диндин ляхин), уьмриъ ч1ур шулайиб фук1ара адар. Гьадму ляхин даршра юла гъябгъюру…» – гьамус учву ттевай, аьрабари чпи чпикан кадагънайи пайгъамбарт1ан, табасаранарин, дугъридан, дугъри уьмриинди яшамиш шули гъахьи, чан ккунивал сар хпиризт1ан тутруву, халкьдин арайиз мясляаьтвал гъабхури гъахьи, аьрабра, жугьудра, урусра… – вари сабси ккун ап1увализ Кьаркьул дагълариъ гьарай гъит1ибккнайи гьякь вуйирнур пайгъамбар, заан даринхъа?!
Саб учву фикир тувай мугъан му гафариз: «… Варидариз мялум ву: урслианра кюкю удубч1вуру, ва хяраъра варжйир зазар шулу…» – му гафар фтиз вуйив гъапиган, Мурадхан пайгъамбри гъапизуз:
«…уршвил дин вуш,
инсан душваъ кюкю ву уршвли чан ниъ хъиврайи;
хярар уьмрар вуш урсил адру,
варжйирна зазарстар инсанарра адарди хай даршул кюкдин палат али…» –
Инсанари ктау фунур пайгъамбрихьан, фунур писателихьан, фунур шаирихьан мицдар, Нобелевский премияйизт1ан зина вуйи лайикьлу гафар, пуз гъабхьну?!
Магьа, Табасаран, Шлиинди ва фицдар ччвурариинди, уву, дамахлу дубхьну ккундуш!
Чан «К1ван гьарай» повестнакан учу улхуган, душваъ айи гьамцдар гафар: «…къанундилан улдуч1вну ккундар сар касра, саб вахтнара, хъа къанунди улупнайи ихтиярнахъ мягьрум дап1нура ккундар сар касра…» – ачухъ ап1уб ккун гъап1иган, зиълан аьдати табасаран жвиси рякъру Мурадхан Амирхановди давам гъап1нийи: «…къанун сабт1ан айиб дар – думу ТОРА ву. (Узу гъах гъахьунза, фицики му пайгъамбри, узуз рябкъюр рябкъюри, Заанури му дюньяйиз къанун дебккнайивалин деринар ачухъ ап1ура, фицики варидюньяйин азадвалиъ айи инсанарин варит1ан улихь хьайи фикрин бина, фтилан ккебгъраш узуз улупура… фици мюгьтал дархьиди гъузара!)
Ари гьадму къанун, к1ура пайгъамбри, табасаран жвиву, инсаниятдихьан жин ап1ура иблиси чан гьюкмариланна динариланмина. Узу к1уруган, гьадму къанун фикриъ ади к1ураза, дидиъ дерккнайи ихтиярарихьан гьич сар касра гьадат1ну ккундар…» – гъавриъ т1аъзу писатели.
Мурадхан Амирхановдин заанваларикан дупну, Шамил Казиевди гъаписи: «…литературайиъ гьич дархьи жюрейин рякьюб…» (гьаз шаири ихь Мурадхандикан мици гъапнуш гьамус гъавриъ ахърайчва?), му биц1и макьалайиъ удубкьруб дар; дугъан шаирвалин гьунарариканра, ичв т1алабариинди, гьюрматлу табасаран агьлар, жара статьяйиъ, дугъан «АЬСРИН ГЬАРАЙ» китабдин бинайиин алди, жараган улхидихьа.
«Уьмрин тяаьм», «Аьсрин гьарай» – мицдар ччвурар гьаци, сарпидариси, гизафси узуси, аваза бадали ва гьаваиди, писателари чпин, халкьдин улар арццувалариз, туврайи ччвурар дар…
Яв пайгъамбарвалианмина гъапи ужувларихъ ихь вари дюнья хъубкьри, заан инсан ва азадлу фикрин сагьиб, Мурадхан!
МУРАДХАН АМИРХАНОВ: ПИСАТЕЛЬ ИЛИ ПРОРОК?
(Подстрочник)
В недавно ушедшие числа этот человек ушёл из этой жизни. Из учительствования. Из семьи. Сам ушёл. Осознанно. Который, по очереди, пас овец…
Незнающим, немного информации: Мурадхан Амирханов (1958 – 2018) – знаменитый табасаранский писатель.
Его достижения в области преподавания, мы, даже, не возьмём в счёт, так как, его писательский дар, всю остальное, затмевает.
Про него писали мало, и многие не знают, кто он.
Так как его мысли не были, как у большинства, обычными. А людей, которые не идут по поводу властей и религии, с глаз долой – удаляют из общества, их сторонниками.
«А как же он знаменит?» – если спросите, критерием знаменитости является: его образ жизни и труд.
Его сияющий труд находится в ими написанных книгах.
А людей заставляют думать о нём иначе, нынче приспособленные.
Я его труды не буду перечислят, но из его книг приведу цитаты.
Потом узнаете, поистине кто есть Мурадхан Амирханов, и ради чего, он со своею жизнью, простился.
Забегая вперёд скажу, этот человек, под вашими глазами, как мы, живущий, действительно является истинным табасаранским пророком. Раз так, то мы за каким пророком должны следовать?
От этого человека, из его уст вышедшие слова, большее часть яраккцы, услышали.
А в его внутрь входившим, и в его жизни напрямую участвовавшим, является, только его жена, Селми.
Может быт, благодаря ей, он стал писателям…
Может быт, благодаря ее мудрости и знаниям, он стал пророком…
Вы, может, эти слова посчитаете, недоверчиво усмехаясь, только пустыми словами, но чуть-чуть потерпите, и далее, в этом мире оставленные его глубокие мысли, вникайте, и через вас, с их помощью, постарайтесь жить, новой жизнью.
И гуминский Казиев Шамиль, ещё 2005 году, зная про пророческий дар Мурадхана, сказал, в совместной с ляхлинским Кюребегом изданной книге: «Уьрин т1яаьмнаъ – Вкус жизни» вот такие слова: «…Кюребег Алимагомедович Мурсалов и Мурадхан Шевледханович Амирханов… – этих писателей почерк, взгляд на жизнь, художественный стиль, новизна возможностей, которыми оживляют повествование, небывалая сила, у каждого лично своя, и является явлением, до сих пор не использованным в современной литературе и не повторимой… Мурадхан Амирханов много успехов добился. У него есть то, что до сих пор в нашей литературе не имевший взгляд на обыкновенные жизненные обстоятельства, зов, отношение и методы донесения простых истин. … Таким способом, его произведения читателю даёт жизненный опыт, и тем самым, подготавливает путь для будущей жизни…»
Не каждый сможет сказать такие слова, так как такой человек, должен быт независимым от религии и от власти, и имеющий свой свободный ум, каким является Шамиль.
Кстати, и бедный Шамиль, как и Мурадхан, от этой власти и религии, от их фальшивых действий обманывающих народ, сказав, что такое государство нам не нужно, к сожалению, ушедшим является из жизни.
Откуда знаешь, что так? – если спросите, говорю вам, когда пришёл к Шамилю по поводу писания книги «Терновый венец», из-за отчаяния к этому миру, он мне открыл своё сердце, и после этого, он меня выбрал, как единственного друга, потому что, только ты один, Рашид, понимаешь меня, сказал он.
С того времени мы совместно занимались переводческой деятельностью, посещая разные города в России. Устроители этого дьявольского мира не давали об этом тендеме двух великих табасаранских писателей о трудах известить табасаранский народ, потому что, мы раскрывали их наглую ложь, которые они несут через ислам и власть на местах, порабощая простой народ, сами палец о палец не трудясь, живя за плоды простолюдины. Они не хотят, чтобы через писательский труд, их не разоблачили, а тех писателей, которые шли по их поводу, всюду агитировали и выводили в передний фланг, вычищение мозгов у народа, присваивая им всякие премии и звания.
Не желая этого, наша статья становится длинным, но что поделаешь, один за другим, когда событие оказывается взаимосвязанными.
Если Шамиль и я совместно трудились, то я и Мурадхан, совместно проживали – в его нутре находящееся тайна могло только моими ключами отмыкать, так как, как и я, и он не приклонял голову перед религией и фальшивой властью.
Почему? – если спросите, отвечаем: они всячески воспрепятствовали и воспрепятствуют донести до народа, Всевышним в Свой «Радостной Вести» провозглашённую благодать, всем народам земли.
Из рассказа «Гунт1 – Стог» Мурадхана:
«…И этих (скот) если не содержать, то ради чего я здесь живу?..» – отсюда можно много выводов делать при помощи свободомыслия, но Мурадхан мне сказал: труд приводит трудящегося к радости, но к трудящемуся присосана религия и власть, сами не трудясь, оторвать от трудяг кусок для себя.
Из его рассказа «К1варар – Межа»: «…Трудно не смирится с тем, что всеми принятыми правилами не идти…» –а значение этих слов у тебя что является Мурадхан, сказав, когда у него спросил, ответил: «надо всегда нужно иметь в виду, что власть и религия поставили над каждой душой наблюдателей, чтобы те, контролировали, мною и тобою сказываемые слова, чтобы до них дошли, так чтобы, были защищаемы их интересы».
А я не веря, на его, про поставленных «контролировать наблюдателей», словами из его же рассказа «Зигил – Родинка», ответил: «… Не часто можно найти людей без изъянов, вроде одни красивые, другие не очень, с прыщами или родинками, а у других носы маленькие…» Тогда Мурадхан сказал: «…если бы мысли зависели от имеющихся изъянов, то, как свисток в кармане милиционера маленький Александр Македонский, не захватил бы весь мир».
«…Некоторые покупатели, – написана у Мурадхана в своей «Гъуллугъ – Должность» рассказе, – хотя они покупают товар за свои деньги, продавца благодарят, потому что, язык у продавцы работает в свой карман…» –а это что означает, Мурадхан, когда спросил, что, у тебя голова не варит, что ли, ответил он мне. Ну, дорогой друг, я знаю что ты хотел этим сказать, но я хочу чтобы твоим языком ныне живущим, ты сказал. А потом, он таким образом, значение этих слов разъяснил: хотя религия как клещ, всосано в их тело, вытаскивать этого клеща и выбросит в огонь, не желают, а кроме того, они ещё умудряются подставить тела и своих же детей, и плюс ещё, этого клеща хвалят, чтобы мир не перевернулся вверх ногами, как будто, если не сделаешь намаз, завтра солнце будет восходит с запада на восток, как вкопанные держатся, арабом приученные ослы.
«Жанврин шил – След волка» в повести Мурадхана, словами героя, про него самого, пророка Мурадхана, вот что я скажу: «… – Загир в холостую не стрельнёт, а если его оружие выстрелить, да что-нибудь убьёт» – пусть, Мурадхана пророческие слова, не людей, конечно, но всякие религии, и власти не от Бога, убьёт! То есть, в этом «Следе волка» пророк-писатель продолжает: «… Хоть какое дело делает человек, то он это делает ради какого то интереса. Без заинтересованности ни какая работа не происходить… Хотя если не исполнит никакое религиозное предписание, в жизни ничего не произойдёт… И без этих предписаний, жизнь течёт своим ходом…» – теперь вы сами сопоставьте, табасаранского пророка, воистину живший праведной жизнью, свою любовь отдавший своей единственной избраннице, от которой родились пятеро детей, в народ принёсший мир, и араба, и еврея, и русского… – всех одинаково нужно любит в горах Каркул свой голос окликавший, не гораздо ли более выше, чем того, который арабы сами из себя высочинили?!
Вы только обратите внимание на его эти словами: «… Всем известна: и из навоза вырастает цветок и на лугах бывает крапивы и тернии…» – когда спросил у него, а эти слова к чему, пророк Мурадхан ответил:
«…если навоз – это религия,
человек в этом навозе является цветком, навозом навонявшим;
если луга являются жизнями без навоза,
и не бывает так, что люди как не крапивы и тернии в одеянии цветов…» – Человеком высеченный какой пророк, или писатель, или поэт, смог сказать такие золотые, на высшую награду заслуживающие, более чем Нобелевскую, слова?!
Вот, Табасаран, в честь Кого и какими именами ты должен высоко поднят голову!
Когда мы говорили про его повесть «К1ван гьарай – Крик души», там находящиеся такие слова: «…ни один человек не должен отойти от канона (закона), ни в какое время, и в каноне указанных правах, ни одного человека, не надо ущемлять…» – попросил разъяснит, с виду как типичный табасаранский мужик видимый Мурадхан Амирханов сказал: «…Канон лишь один существует, который есть ТОРА. (Я удивился, так как, этот пророк убедил меня, что Всевышний этому миру установил канон, что в этом мире нужно в свободе мыслит… как же не возможно, не удивляться такому!) Так вот, этот Канон, говорит пророк, табасаранский мужик, от человечества укрывает дьявол, через своих властей и религий. Когда я говорю о законах, я говорю, имея ввиду, этот Канон. Находящихся в нем о свободах, ни один человек не должен быт лишён …» – объяснил мне писатель.
Не возможно в этом небольшом статье раскрывать все высоты Мурадхана Амирханова, как сказал Шамиль Казиев: «…в литературе никогда не имевший, место, взгляд…» (почему наш поэт о нашем Мурадханане так сказал, теперь уже понимаете?)
В другой раз, если вы попросите меня, мы расскажем вам, дорогие табасаране, о его поэтическом даре, на основе его книги «АЬСРИН ГЬАРАЙ – ЗОВ ВЕКА».
«Вкус жизни», «Зов века» – такие имена, как некоторые, в особенности как я, писатели, своим произведениям, даром не дает…
Через тобою сказанное, пусть все люди земли приходит к благодати, человек с выше, свободной мысли герой, Мурадхан!