ИКЫМШЕ ЛУМ
Таче эрдене эрак лывыла пордын-модын, ош мамык гай ныжылге первый лум лумаш тунале. Кужу жап ночко да лавыран шыже шогымо деч вара к; огеш куане икымше лумлан? А йоча-шамычшын куанышт нерген ойлыманат огыл, каласенат от мошто!
Кечывал лишан ош вургенчык гай ныжыл, мамык гай пушкыдо лумет п;тынек ночкыш савырныш гынат, луммыжым ыш чарне. Тидлан к;рак дыр Арчуш таче моткочак куаныше, путырак н;лтш; кумылан. Школ гыч монгыж; толын шуо ма уке, сумкажым омсад;р пелен «кроп!» шуыш, вара вач;мбачше лумым почкалтыш.
Тудо ынде кугу лийын. Тений икымше классыш кошташ туналын.
- Ну телыжат! – коважым ончалын, омсад;р гычак пелештыш йоча. – Путыракат чот вашка вет.
- Чылтшак огеш вашке, - ыштале коваже. – Молгунамсылак веле толеш.
- Кузе огеш вашке? От уж мо, толынат шуын! Ачамын мыланем ечым налын пуымыжымат вучен шуктен огыл…
Арчуш тетла уто мутым пелештыде, писын гына школыш коштмо вургемжым модаш коштшашлан алмаштен чийыш, шуро лем ден кинде падырашым кырт-карт пурльо да – омсашке.
- Кушко тынар вашкетше? – почешыже йодын кодо коваже.
- Шангак маньым вет, от уж мо, теле толын! Чечасак Верук ден Колюшат мунчалташ лектыт. Теле пеш виян мемнам курыкыш ;жеш!..
Арчуш кудывечыште шогышо издерым уремыш шудырен лукто, но мунчалташ каен ыш керт: лум йымалныже але лавыра гына. Мланде кылмен шуын огыл…