///Са сшыткаў 1995-2000 гг., пераклад з рускай.///
“За мною ідзі!”
над лясамі –
тысячавокая ноч
спевы фей
закалыхваюць
мройную бездань
“За мною ідзі!”
маладзік завядзе
туды, дзе ў смузе
апраметныя прорвы
“За мною ідзі!” –
– я чую цябе, мой дэман!
да брамы сакрэтнай
ў суплёце галін
ля сусветаў мяжы
там, дзе знічкі
мігацяць
у вачах мерцвякоў…
на тым баку сну
ў цёмна-хмарным
палацы маланак
я сустрэну цябе
і сумны самотны бог
падымецца з цьмянага трона
два цені ў коле агнёў
адной увянчае каронай,
два цені –
каронай адной.
……………………………….
“Дарогай адрынутых
ды апантаных –
за мною
ідзі
за мной."