МЫСКАРА ШЎЛЫШ
Шке ратше дене теве икымше апрелят толын шуо. Тугай волгыдо да шыма шошо эр кече к;шыч, чодыра могырым, лум деч эрнаш т;налше посёлкым шыматен онча. Эшеже тудо шангысекак, тачат мотор игечым с;рен, шыратенак веле шырата.
Васёк, сумкаж дене лупшкедылын, нигуш вашкыде, школыш ошкеда. Рвезын кумылжо, мотор шошо кечылан куанен, кавапомышкак н;лтын. Адакше чыла урокланат к;лынак ямдылалтын: трукышто йодыт манын, л;дшаш уке.
Эшеже таче вет воштылтыш, ондалыме кече. Тугеже, кунар кертат, тунар мыскарам ыште, воштылто, шутитле, шкежат воштыл, ондале!
Эркын гына л;нген ошкылшыжла, Васёк ончылныжо пелганде плащым чийыше, шкеж ийготанрак ;дырым ужылалтыш. Тудат, коеш, школыш утыжымак огеш вашке. Вуйжым к;ш кудалтенат, коракым шотлен кая.
-Эй, ;дыраш! – тора гычак кычкырале Васёк. – Ончал, плащ шокшет кушкедлен!
Ўдыр савырнен ончале. Вара портфельжым мландыш шынден, плащшым кудашынак, шокшыжым терген нале. Чыла верыштыжак, нимогай уто-ситат, кушкедлыш палат уке.
-Хэ-хэ-хэ-э! - рокмалтыш Васёк. – Ондалышым, ондалышым! Икымшым ондалышым! Первый апрель – никому не верь!
Ўдыр нимом пелештыде, вуйвичкыжше воктен кугу парняж дене п;тыралят, умбакыже шке корныж дене ошкыльо.
«Ужамат, тиде ;дырын мыскара ш;лышыж; нигунарат уке», - Васёк семынже шоналтышат, ончылно ошкылшо шонго кувавайым поктен шуаш лийын, писынрак тарваналтыш. Тудыжо, коеш, эрденак кевытыш ала эше иктаж-куш сомыл дене миен. Кеч-мо гынат, кугу сумкам сакалтен, ошкылаш толаша.
-Ковай, - кугу й;кын пелештыш Васёк, - тыйын оксагалтат лектын возын огыл?
Ала вучыдымын почешыже кычкыралмылан, ала оксажым йомдарыме деч л;дын, садыже «Ой!» манят, сумкажымат мландыш волтен шындыш. Вара йоча могырыш савырналтен, чуй ончалын, йодо:
-Кушто оксагалтаже? Тый нальыч мо?
-Эй, ковай, тидымат от пале: таче воштылтыш кече! «Первый апрель – никому не верь!», маныт.
-Уй, шайтан! Ончыктем теве тыланет «первый апрельым»! Часак полицим ;жам!.. – почешыже васартыл кодо шонго кувавай.
«Коеш, шонгыжынат мыскара ш;лышыж; уке», - адакат чаманен семынже шоналтышат, Васёк ындеже писынрак школыш ошкыл колтыш. Урок т;налмеш туштат иктаж-к;м ондален шукташ лиеш эше.
Лачак веле шуо. Ончыл партыште шинчыше Синичкинлан «уло тупет ошо», манын каласен шуктыш гына, уроклан онгарат йынгыртыш. Онгыр йонгалтме дене пырляк классыш туныктышат толын лекте.
-Васёк, Ветров! Мо тый таче пеш веселан коят? – руш йылмым туныктышо Елизавета Ивановна ;стембалже деке шудеак, йодынат шындыш. – Ала урокланат т;рыс ямде улат?
Урокшылан, чынже денак, ямде тудо, тольык тачыже вет ондалыме кече. Сандене Васёк семынже ала-мом мугыматышат, туныктышымат ондалаш шонен шуктыш.
-Уке, - мане, - уроклан ямдылалт шуктен омыл. Жапем ыш сите.
-Синичкинын тупшым ошемдаш жапет ситен, а уроклан – уке? Шич, тугеже, два! – Елизавета Ивановна тыманмеш класс журналеш кугу гына кокытан оценкым с;ретленат шындыш.
-Ой, ой! – кычкырале Васёк. – Мом ыштылыда? Мыйже вет тендам ондалаш гына шонышым: первый апрель – никому не верь! Ала «не верьте»!
-Ага, тыгай тыйын мыскарат улмаш! Мом манаш, пеш веселан лекте!
-Елизавета Ивановна, мый уроклан т;рыс ямде улам. Чыла правилым тунемынам… Доска декат лектын кертам, - туныктышым с;рвалаш пиже Васёк.
-Пеш ;шанем да, мыйже ынде мом ыштен кертам? – мане туныктышо.
-А те кокытанжым удыралза да пеленже «исправленному – верить!», манын возен шындыза, - тугак с;рвала Васёк.
-Мо, шкеак кызыт гына каласышыч вет: первый апрель – никому не верь!..
«Эй, школыштат мыскара ш;лыш нигунарак уке!», - эр годсек ынде кумша гана чаманен шоналтыш Васёк.