БРИФМАРКЕ ЫШ ЛИЙ
Мыскара
Ўмашсе тунемме ий т;налтыште Васёк йот йылмым чытенак огеш керт ыле.
Пала тудо марий йылмым, рушлат кутырен-возен мошта. «А вот саде немыч йылмыже тудлан молан к;леш?» - шонен тунам Васёк.
Икана эсогыл класс вуйлатышыже Елизавета Ивановнат тидын шотышто урок деч вара коден, йодын ыле:
-Ветров, молан немыч йылмым удан тунемат?
-А молан тудо мыланем к;леш? – йодышлан йодыш дене вашештыш тунам Васёк.
-Кузе молан? Европын нылымше ужашыже, манаш лиеш, немыч йылме дене мутлана.
-Мый дечем поснаже вара тиде йылме дене мутланыше шагалемеш мо? – мыскараш савыраш тыршен, пелештыш рвезе.
-Уке. Но немыч йылмылан верч ударникыш от лек…
А эше ик гана саде йот йылмылан верчынак Васёклан изи огыл намысышкат пураш вереште. Тунам нуно немыч йылме дене «Мыйын хоббием» темым эртеныт.
Серафима Семеновна, йот йылмым туныктышо, лачак Васёкым доска деке ;ж; да хоббиже нерген каласкалаш йодо. Рвезе мом пелешташат огеш пале.
-Вашмутым ом кол, - чыштыра Серафима Семеновна.
Ончыл партлаште шинчыше йоча-влак, туныктышын изишлан савырналмыжым ужын, Васёклан полшаш пижыч. Ала-момат немычла ойлен пытарышт, тольык Васёк гына нимат умылен ыш шукто.
-Содыки, могай тыйын хоббиет? – туныктышо эше ик гана йодо.
Йоча-влак деч ала-мом колмыжым иктеш ушаш толашен, Васёк пеле й;кын пелештыш:
-Их бин брифмарке (мый почтовый марке)…
Уло класс тунамак воштыл колтыш.
Вараже эше «брифмарке» л;медыш чуч гына Васёклан пижын ыш шич.
Кызытше тудо, кузе туныктышышт ойла, немыч йылмым пенгыде нылытанлан пала.