ШУБУР ДУСТ – 2
Ич гъулаъ шубур дуст айич.
Дурар гъярхьру, хъа сари учв заанди улупури:
– Ари ич адашди узуз „математика“ гъабхунзуз.
Тмунурира, мунурин хъюлаз:
– Ич адашди узуз - „русский“.
Шубурпири, учв мурарин зиин даршлуси, ихтиятди:
– Ич адашди „табасаран чІалтІан“ гъабхундарзуз, - кIуру.
Сарпирин кьюрпириз апІруб айи:
– Узу йиз „математика“ тувидарзавухьна.
Кьюрпиринра сарпириз:
– Узу йиз „русский“ тувидарзавухьна.
Шубурпири:
– Узу йиз „табасаран чІал“ учвуз ккундуш, кьюриддихьнара тувдиза.
***
Кьюд йигълан, кур пашманди, чав гъапІу ляхниин швумал духьну, сарпири:
– Ич адашди йиз „математика“ тадабгъниз.
Гьациб гьялнаъди кьюрпирира:
– Ич адашди йиз „русский“ тадабгъниз.
Шубурпири чан кьюрид дустар ужувлан гъавриъ ауз ккунди:
– Хъа ичв китабар узуз ичв адшари пешкеш гъапІунзуз.
Сациб фикир дапІну сарпири:
– Гъван гъюрд’инна гъябгъюр!
Кьюрпирира:
– Мягьямад Дагъдихъна дяргъруган, Дагъ Мягьямадрихьна гъябгъюр.
Шубурпири:
– Узу ичв гъавриъ гъахьундарза, эй дустар.
Сарпирина кьюрпири сатІиди:
– Сарун учхьан яв рякъди гъягъюз шулдар, гьудучв учхьан, учкан пис касар духьна.
Шубурпирин гьарай:
– Я дустар… Эй дустар… Я дустар… Эй дустар «Ужувлар Хабар» китаб урхай, узуси хьидичва!