ДАГЪУСТАН
(Шикил)
Думу дагъустан гъабкIну чан вахтнаъ миллетар чатрикк
ккаъну гьадму гафну.
Дугъустан границатIан дар ихь гьюкуматдиз ачутдиз.
Узу табасаран вуза, хъа, дагъустан жви - ваъ!
Узу табасаран жви вуза, хъа дагъустан агьли - ваъ!
Дагъустан гьаз ву йиз? - почтайиз кагъзиз.
Узуз табасаран азуз, аьжузвалиъ кIул абхънайи,
дагъустанди гьюкум хъадрапIруган, дарвалиан
ададабхърайи.
Табиаьтдик гаф ктар, думу Агъайи инсанарин
гъайгъушназ тувнайиб ву.
Адмийирин юкIварик ка гаф, цIикбан чIукI ккудрубкьрайи
Табасаран.
Раббийи туву гьякь Гаф хъапIри гъахьну чIиви
Дагъустандиинна мусурмнар алжагъайиз.
Гьамус дагъустан дибисна дурари, ккапIна, гъухриин лик
иливна, бугъмиш апIура!
Чпин абйирин Аба гъахьи Агъа Иса гьархуз гъитна
кIваълан!
Дугъустандин халкьар халкь ГъапIур гьадму Аллагьиса
дайкIана яраб - вари дюн'я арайиз Гъабхир!
Ихь гунгьарихъанди Дугъу хачриин ифи удубзундайкIан,
эй эллер дагъустандин?!
Ичв абйирин ччивариз лигай, наънанмина наанди
дуфнаш!
Дарки дурар йирхьудваржпи йисариланмина
ккергънайидар!
Ичв гъянан симарик кучай, филадихъанмина дурар
иблисди йитIну дерккнаш!
Йирхьудваржпи йисаризкьан намус, гъир'ят айиб
дайнучвуз дарш?!
Лигай табасарандиз масан!
Уву, Дагъустан, фтихъ хъабхънаш, аьгъю апIин, дилибгну
Агъайин гафназ.
Либг Табасарандин тарихдиз, иблисдихъди диди фукьан
женг гъубхнуш!
Лиг, Дагъустан Табасарандиз, фици дугъу чан ччивар
аьгъю апIураш!
Ачмиш дапIну лиг, Дагъустан, яв ччивариз, Табасаран
гьюли шид туврайи!
Руг илбичну лиг яв накьишариз хач айи, Табасарандин
гирами хилари яв кIвак капIрайи!
Узу Дугъустан дарза - Россияйин Табасаран вуза!
ДубкIнайи дагъустан кичIибгна узук: Россияйи узу бадали
деебтура пул, хъа думу уву хътипIурава.
Аьршарин Адашди гьюл тувна узуз, хъа балугъ
бицIидариз гъадабгъуз удубкIурадарзухьан.
Дагъустан, хъибг, илтIибкI Агъа Аллагьдин Гафнахьна!
Инсан масанди ву Дугъаз, гьам Мягьямадра, гьам
Мягьмудра!
Иблис убчIвнайи динди ув'ин мигъитан гьюкум гъабхуз
пис, инсаф адарди, хътипIури Табасаран.
Табасарандикра думу зегьер кичIибгна, инсанариъ чIуру
кьастар тIаъри.
Халкь пуч шула увлантина гъуллугъчйири гъяцIал апIбу:
ими гъидикьсан дугъри касдилан уьлчIюбгъюз.
Дагъустан гъабкIну чан вахтнаъ - фтиинди хьухьа дамахлу?
Агъа Иса, Аьршариан лиг учухьна!
Гирами Рюгь, ягь-намус хъибг, йиз абйиринси,
халкьаринра Дагъустан, нач дархьуз, хилар заргуз,
ппаздин хлинццарси, завариз Увухьна!