БЯЗИДАР
– Я Аьлимирза! Саб яшнаккна дуфнайи кас вува, гъач гьаму йиз йишв’ин деъ, – к1ури миннат ап1уру Керимди учвт1ан аьхю жандак хъайи кас автобусдиъ дийигъну гъяркъган.
– Ваъ, чухсагъул, Керим, – к1уру Аьлимирзайи, саб хиликк папка ккади, хъа гьатмунубди кьюр жигьил улдариантина к1улар ит1игъну деънайи скамейкайихъан дибисну.
– Аьйиб ап1ур узкан, гъач, деъ, – хъана текрар ап1уру Керимди.
– Ваъ Керим, деидарза! Узу гъи ич гъула бязидарин к1улар кьяни хьуз гъитурза. Хивнат1ан гъягъюз ккайир дайза, хъа гьамус шагьриз гьамци гъягъюрза.