МЯЛИМАРИН ЖЮРЕ
Чаз физикайин китаб адруган, Кузьмин Феликсдихьна думу чапуз гъягъюру ва дурарин ху хъивур к1ури, гурдахъ канккйир ктаурайириз дих ап1уру:
– Я бай?
"Вай" дупну гъибту Феликсди учв чан ляхнихъан махъадаан к1уру саягъ улупуру.
– Я бай, я Феликс!
– Вай, фу вуяв? – Феликс Кузьминдихьан гурдкан ктасуз шуладайи ва дугъу жара жюрейиинди чан к1ваз дерд кайи ляхникан суал дивру:
– Ичв адашди к1уруб гьаз ап1ури шулдарва?
– Хъа яв гьаддихъ фу хъаяв?!
– Узуз гьаддикан зарал азуз.
– Фу зарал?
– Увкан хъял кади школайиз дуфнайи ичв адаш уз’ина кьюбар диври алжагъуру.
Аьхирки Феликс хъц1аку ва Кузьминдихьинди лигури аьлхъюру ва к1уру:
– Алжарагъурин арда уву дугъу к1уруб дарап1райиган...