KЬЮБ ЯKЪ
Совхаздин вахтари гализ ятгъар ремонт апIуз узуна Халид душнайидар вуча.
Бригадири гъапну: "Учвуз йицIуд йигъандин арайиъ ичв ипIруб убхърубдиз кьюб якъ тувдизачвуз. Гьамрариинди ичв мадар апIарчва". "Ибшри" гъапунча. Мушвахь галиъ сюрйирин аьхюну саркар Замулханра хьа. Дугъу гъапну: «Ухьу саб ватандин адмийир вухьа; учу гьацира марччлихънариз ипIруб–ухруб апIури шулча, гъачай учвура гьаму учухъди гъидикьну гъузай, яна ипIинай–убхъай».
Зиълан улупу разивалилан гъайри учу ич кIваан бегьем шад гъахьунча. Халидри узуз гъапнурира ву гьа: "Худ ихь ву!"
Ибшри сарун. Гьамус ляхин дапIну ккудубкIунча ва ич гьякъи гъадабгъурайиган, ич–учукна: сариз саб якъ, сариз саб якъ дурккну гъулаз гъахидича кIури гъяжягъюз хъюгъюнча. Мидкан Залумхандиз гъапунча. Дугъу гъапну: "Явашай гьеле, нитIрихъар, му саб якъ, йиз терефнаан учвуз гьялал апIарза, хъа гьатмунуб якъ, ичв гъипIуб–гъубхъубдин еринайиан, гьякъ–гьисаб ибшри".
Учу ич гъах гъахьича: «Гьамциб жюрейихъанди вуйкIан ихь ватандин адмийириз апIурайи хатир–гьюрмат?!»
Магьа гьамциб гъапIунчуз ичв гъула жвуву.
– Фукьан ккуш ккунибкьан уж'вал ва гьюрмат гъапIунчвуз, Вазираъгьмад, аьгъю шлу касдиз, – гъапи тягьнайихъ хъпехъурайи Залумхандин гъула жвувура.