ККИЛИБЖВНАЖВ
Мягьямадбегехьна хялар гизаф гъюйи. Гъуншйир мюгьталра духьнайи фуж гъафишра гъулан гьякимар мурарин хулаъ а. Мягьямадбег – му фуж ву я кас мицир – яслийин заведуюший! Хиял апIин му аьхю гьякимвалин гъуллугъ ву! Белки вушул!..
***
– Я йиз бай, Мягьамадхан?!
– Вай, адаш.
– Душну, жан бай, ихь администрац глава Магомед Магомедовичдиз, школайин директор Магомедпаша Пашаевичдиз, фабрикайин директор Гаджимагомед Гаджиевичдиз, ахунд Маллагьяжи Эфендийиз, хулаз хялар дуфнайич, ич адашди учвузра гъач кIура, йип.
– Хъа, я адаш, Алимагомед Алиевичдиз гьаз гъач кIурадарва?
– Думу сарун замдиректорди имдар.
– Хъа вуш гьапIнухъа? Думура яв ккуни дуст дайнив?!
– Яв гафар гъит! Ужуб гъапIунва кIваин апIуб: зам директор Пирмагомед Пировичдизра гъач йип. СацIибсана мийиш халкьдигъна биябур шулайзу гьа!