Цоги кополал лъугьа-бахъинал
Совхозалъул гьаби.
Цо нилъер шагьаралъул мэр вук1уна х1акимзабигун администрациялъул жаниса къват1иве лъугьуна. Гьезда цебесан рекерун уна гьабзазул цо к1удияб рехьед. Мэр благоустройствоялъул отделалъул начальник1асдехун валагьун рази гьеч1огун к1алъала:
- Ле Г1умар, гьаби т1аг1инаризе бюджеталдаса нужехъе биччараб г1арац кибег1аги хвезабураб, администрациялъул к1алт1агицин ругин гьел гьаби жен-жедила - йилан.
- Клянусь Ах1мад Г1исаевич, гьел гьаби шагьаралъул гуро, гьадаб совхозалъул руго – ян жаваб кьуна благоустройствоялъул начальник1 Г1умарица.
Воржунев малаик ватаниги
90 абилел сонал рук1ана. Нилъер маг1арул цо районалъул цо росулъе вач1уна Госдумаялде депутатлъун баллотироваться гьавула вук1арав Г…са цояв, жиндирго гьалмагъзабигун, живго вищизе гьаркьал х1ажалъун росдал избирателазда цеве к1алъазе. Данделлъарал росдал г1адамазда гьоркьосан цо гьекъарав к1алъала:
- Нижеда умумузул аби батана, Г…са ватани воржун унев малаикги ро.улъ жо реч1ч1ун вортизавеян.
Паризал х1акъалъулъ цо-цо лъугьа-бахъинал
Париза йик1ана иней жиндирго нусгун цадахъ базар бакьулъан. Гьелъул нусалъ баччун бук1ун буго ц1ураб картошкадул таргьа. Данде ккарай цо ч1ужуялъ г1урус мац1алда к1алъан Паризада г1айиб гьабун буго гьей, г1олохъанай ч1ужуялда бак1аб картошкадул таргьа баччизабунилан. Паризаца абун буго, «Можно, это мой ножик»-илан (нусалдег1урус мац1алда бат1ияб раг1и абизеги лъач1огун )
Паризал аэробика
80 соналда т1асан ригь арай Паризаца жигарго гьарурал аэробикаялъул упражнениял цояс балъго телефоналде рахъун Ютубалда рук1ана лъун ва телофонал кодор ругезда Паризаца гьарулел рук1арал упражнениял рихьулел рук1ана. Цо нухалъ Париза ун йиго дибирасде х1еж т1обаялъул ц1ех-рех гьабизе. Гьелъ гьикъун буго, жинца г1арацги кьун цоги чи бегьулищ х1еж борхизе вит1изе абун. Дур ригьалъул г1адамазни бегьула гьедин гьабизе, дуцаги гьедин гьабизе бегьилин абилаан дица, дол дуца гьарурал упражнениял дида рихьунг1аги рук1инч1еланиян абула дибирас, гьедин жаналда йигей ч1ужуг1адан жийго ине кколин х1еж борхизейилан