Ходив русин...

Ходив русин...

Ходив русин фурт на руські,
вертався на чехы,
сокотив мадярський варыш
на словаціх межи.
Ходив русин в гамерики,
блудив по арабах,
докі му бурян із поля
верся на дараба.
Ходив русин межи люды,
віз жоні монисто,
закі му не змило хижу,
гі в повени листя.
Ходив русин на пасулю,
айбо й за капустов,
а у жебі - так гі было,
і в копони пусто.
Ходив русин духом новий,
а все май маціцькый,
чекав, коли го покладуть
межи Стоя цицькы.
Ходив русин по плайовы,
позирав на світок,
закі му ся не родили
украінські діти.
Ходив русин все на руські,
вертався на чехы,
сокотив мадярський варыш -
се й поляк не збреше.