Квез виридаз дефицитдин шейэр кIанзава, амма абур гьатзавач. Вучиз лагьайтIа, квез исятда дефицит шейэр гьибур ятIа чизвач. И кар чир хьун патал сифтени – сифте дефицит гьикI арадал къвезватIа ва ам вуч затI ятIа чир хьана кIанда. И рекье заз са тIимил кьван тежриба хьанва, гьа- виляй завай квезни зи тежрибадикай лагьана, сир ачухай –тIа жеда. . .
Дефицит, малум тирвал, модада авай кьит шэй я. Ам чирун, ам жагъурун акьван четин я хьи, бязибуруз дефицит-дин мал гьатдалди, ам модадай акъатда. Зи са чирхичирди и йикъара нейлондин лацу перем къачуна, ам акьван дамах-дивди алукIзавай хьи, завай авайвал лагьана касдин кефи хаз хьанач. Ада, вичел гьалтайтIа, нейлондин перем дефицит яз гьисабнавай, амма и перемар фадлай модада амайди туш.
ГьакI я сивиз кьей дуст кас! Вичин вахтунда Етим Эми- на тариф авур яру- цIару гуьлуь читинин перемар исятда де-фицит я. Абур модадани ава.
Куьне хабар кьазва: абур гьинай гьатда? Жаваб гун: гьинай хьайитIани, анжах туьквенрай ваъ. Вучиз? Вучиз ла-гьайтIа, туьквенрин дезгейрал хьайила, абурукай дефицит гьикI хьурай?! Абур складрай туьквенриз, туьквенрайни муьш- терийрал агакь тавурла, ахпа я ман дефицит арадал къвезвай ди. Гьелбетда, дефицитдин мал складра къаткизвач, ам гу- дай халуни жагъизва, къачудай миресни. Эгер са тIимил кьванбур туьквенриз хтайтIа, абурни кар чидай халуйри экв алай дезгейрал акъудзавач ( экв галукьайла, дефицитдин ери чIур жез кичIезва), гьа кIаникай мичIивилелди залди-валди ийизва.
Ингье, садра зунни туьквендиз фена. Дефицит кIанз.
- Заз къизилдин япагьанар кIанзава, - лагьана за.
- Заз. . . аа. . . аа къуьрен ятур алай кьелечI чкалдин хин-кIар! – жаваб гана заз туьквенчиди.
- За зарафатарзавач, заз япагьанар це.
- 2 -
- Мад са затIни кIандачни? Ваз гьинай аквазва къизил- дин япагьанар? Витринада авачирди аквазвачни?
- Аквазва, амма ви япарихъ гала эхир.
- Пагь, туьквенда ихьтин япагьанар жедайди яни мегер! Дефицит я.
- Бес вуна а дефицит гьинай къачуна?
- Заз са таниш складчи ава. Эгер ваз чарасуз герек ятIа, за вун са ихтибарлу касдихъ галаз танишарда, ам складчидин бажанахдин рушан гъуьлуьн стхадин паб я. Ваз герек затI гьада жагъурда. Гьелбетда, гьавая ваъ гьа!. .
Эхир пуд йикъалай абур заз гьатна, амма гьикI. . . Япа-гьанрин къиметдин гьар цIуд манатдилай кьве манат кьил къачурла, яни 150 манатдин къимет авай япагьанар 180 ма-натдай. Вассалам, счет тамам!
Гьа инлай кьулухъ дефицит мал герек хьайивалди, зун гьа складчидин бажанахдин рушан гъуьлуьн стхадин папан патав физ хьана. Гьелбетда, ичIи гъилелди ваъ гьа! Мад за квез вуч лугьун, заз гьат тавур къуьрен карчни хьанач. Эхирни дефицитдин шейэр заз акьван шит хьана хьи ва зун и месэладив акьван вердиш хьана хьи, за дефицит маса, яни алишверишдихъ галаз алакъалу тушир чкайрайни жагъуриз хьана.
И тежриба зани ишлемишна. За кIвалахай газетдин редакциядиз юмордин ва сатирадин гзаф гьикаяяр къвезвай. За абур столдин таквадай мичIи пипIера авай куьгьне папкайриз чуькьвена. ИкI, за газетдин «Сатира ва юмор» рубрикадик кваз акъатзавай гьикаяйрин дефицит арадал гъана.
И гьал акур редакторди тадиз дефицит, яни юмордин гьикая жагъурун буйругъна. Куьне фикирзава жеди, за пап- кайрай са-са гьикая акъудиз редактордин столдал эцигна ла-гьана, ваъ, куьн ягъалмиш жемир. Бес дефицит за арадал вучиз гъайиди тир! И зи гьикая, масад тахьуниз килигна, рахун – луькIуьн галачиз, лап къиметлу юмордин эсер хьиз кьабулна чап авурай лагьана. . .
- 3 -
Бес, бе. . . е. . . е. . . ес! Гьикаяйрин дефицит хьаначиртIа, зи «Дефицит» гьикаядиз экв - дуьнья аквадайни!
1987 – йис.