Лоти тай э Лулуди ( роман со вставкой). 1). Петру. * Москва, ул. Горького, справа памятник Маяковскому, конц. Зал «Чайковского», слева – ресторан «София», год 1963, месяц май.* Па тратуаро жял тэрно артисто анда гхомано театро «Ромэн» Пэтру Деметро. Ле гаже принжярен лес. Ворта анде лехко дром жян штар, вай Панч гхомане Щяве, ай тэрдярэн лес… .
Ром( кай сас май пхуро): « Эртисар, пхрала! Ту сан о Пэтру Дэмэтро?» Пэтру : Ме ви сым! Те авен бахтале, гхомале!
Ром( ле кале мустаценца, ай сумнакуне дандеса андо муй):
- - « Шай акхарасту те пяс аменгэ бяря? Пэтру : « Наис туменгэ, кэ камен те кэрэн мангэ патив.
Ле гхом бешен андо бирто, тай пен бяря. Машкар ленде локхэс жял о дивано. Ром-1 : « Эл гаже пхенен, кэ ся ле ром нямуря! Ай аме туса чачес сам барэ, тай чяче нямуря! Ром -2 : « Аме дедурал принжярдям ту, пхрала!»
Щавогхо: « Мишто ту гилабес гхомане гиля!»
Пэтру : « Наис туменгэ».
Ром -1 : « Аме сам тукэ нямуря па тё Дад, тял эрто».
Ром- 2 : « Ме сым тё чачо Как, ай во- тё вэро.
Пэтру : « Ай ме шогха чи дикхлем мугхэ Дадес, кэ во муляс андо кодо дес, канна ме аракхадилем».
Ром - 1: « Пхен-та аменгэ, пхрала, Сар май траис?» Пэтру : «Наис ле Девлехкэ, по локхогэс!»
Ром -2: « А кай кэрэс бути, Морэ?»
Пэтру : « Гилабав».
Ром 2: «Аме савогхэ гилабас, ай ме пущав, че бути кэрэс?»
Ром 1: « Кэрэс « трали-вали»! А те траисас аменца, лянас те Кэрэс романи гханомаски бути. Сас те авес барвало, Умпачи мануш!»
2). Андо кхэр ка Петру. Вон бешен телай рят палай скафеди пехка Мамяса, ай пен чаё.
Пэтру : « Аракхлем адес андо дром гхомане Щявен, ингэрде ма адо Бирто, кэрде мангэ патив! Ай, пхента мангэ, состар ле Гхом акхарэнас мугхэ Дадес, ай мугха Да - «Ромэо тай Джульетта?»
Мами : « Ай Сар анклистя туменде о дивано?»
Пэтру : « Катар ле Гхом ашундем ме па кодо, Сар ме аракхадилем, а ту чи йа чи пхендян мангэ, кэ сы ма нямуря!
Мами : « Думулт сас кодо, мугхы парамичи! Ай чи пхенавас тукэ анда кодо, кэ чи камавас, те нэкэжив тут.
Пэтру : « Апо ме мангав ту! Дав ту армая?»
Э Мами ля андо муй э люлява : « Дивано анклел аменгэ лунго, сар мугхо траё! Камлян те ашунес, апо шун…»
3).Ёшка. Набаро вэшогхо тэрдёл пашо пай, анзарди э Цэра, пхабол э яг. Дидимняцы, нума со анклистя по чери о кхамогхо. О Ёшка аба вущиля, ай ля те вущявел ся о кырдо. Астарде те гэтинпе те кэрэн э гхомаи бути. О Милош, тай о Савка
Гэле те киден ле кашт, те лащярэн э яг, о Лоти ля э бради, ай гэля те анел пай, э Юльча киравелас пе яг о чаё. Ёшка: Вущен пел чанга те мангас ле Девлес! Мишто! Акана бешен те пяс чаё, те татярас пехко ди. «О чаё- товерэса на рощинеса!» ( савогхэ пенас чаё би заарохко, фери ек которицы зааро анкаладя о Ёшка андай посоти, ай дя лес ка Лоти)
Ёшка: Акэ тукэ- те барёс баро!( кэрдя пехкэ трушул) Наис ле Девлехкэ! Акана аба шай жяс те кэрас амари Бути!
( о Лоти гэля те май лащарэл э яг, ай те кидел ле састря, ай ся гилабелас локхогэс пехкэ Дадески гилёгхы)
Лоти : Ся трубул те авел тела васт: акэ о арчичи, о зайзаро, ви о Нашатыри катце. Жипун о Дад лел те гханол ле дежи, аме- ле Щавогхэ, наярас ле андо пай,
(Пашуле о Савка, тай о Милош) Милош : Сар ле циногхэ глатен!
Савка : Ай кхосас ле пишкиренца – те авен вужэ, тай шукэ!
Лоти : Атунчи морас ле андо зайзаро!
Пашуля о Ёшка : Гхоманес кодо бущёл « те травин».
( савогхэ кэрэн пехки бути)
Ёшка: Щув э дежа пе яг кутя ригаса, мишто!Ай ту акана ле Нашатыри, трубул те морэс кавер э риг, кадя мишто!
Лоти: Тате, ай э дежа трубул те авел зуралес пхабарди?
Ёшка : Ай сар! Атунчи ме шай те гханов.
Милош : Тате, ай соде дежи аменгэ трубул адес те гханос?
Ёшка : Адес, соде кэраса, ай трубул те гханос май бут, сар дешудуй дежи!..( ля те гханол) Лоти : Мангэ кадя драго те дикхав пел васт ле Дадехкэ, канна во бандярэл о састри, ай гилабел «Делу ив, тай ви перэл…»
Савка : Кадя мишто жянелас те гханол амаро Папо о Вошо, во ви сыкадя ле дадес. Милош : Ай чаччес, кханикасте чи стрефян кадя ле дежи по кхам, сар ка амаро Дад!
4). Ся котце андо вэш пашо пай. О кхам аба гарадиляс пало вэш.
Ёшка : Аба доста! Киден ле састря, ай халавен ле васт.
( э Юльча щёрэл эл Щявенгэ пел васт шудро пай, ле Щяве халавенпе, ай асан, ай Цыпин, ай щёрэн о пай ек пе екхэсте. Савогхэнгэ мишто по ило, андел якха стрефял э вияца. О Ёшка ригате дикхэл пел Щяве, ай асал.
Лоти : Те хав камав, сар о бокхало Рув!
Милош: Мишто кхандел ле пекэ масэса!
( э Юльчя ворта пе пхув анзардя циногхы понявица, ай щутя пе лате ле тияря, роя, поагха, грибилас те щёл пе скафеди мас тхуло, ай ле вастенца пхагэлас о манго.
Юльчя: Фери гелянтар туме пе бути, ме лем ле пунгхэ андел васт, ай гэлем андо Гав. Шунав, анде ек бар щинен ле балищес. Ме дем андрэ, драбардем ви ла гажя, ви эл гажес, ви ла пхуря – ви лакэ, те эртин, трубулас! Ай, дикхэн, со динема ле гаже: баро котор мас по паприкаш, ай масс тхуло, акэ, тертис, гой, коломпиря, крестевецы, пэрэдэйцы, пурум, сыр. Э пхури май дяма мангхо, ай дуй глажы тхуд.
( Э Юльча, канна ся кодо пхенел, мишто асал, дичён лакэ шукар данд, ай лакэ вастогха щувен пел тияря ле хабената. Ле щявогхэ хан, ай кэрен пехкэ пхираса, анзарэнас пехкэ данд ворта андо кодо которицы, кай тхолас пе скафеди э Щей.
Апо андел васт кай Юльча сыкадиля баро кэзано, ай касаво шукар кхандимос катар о паприкаш гэля пе ся е вэш, ай амборим, арэсля ви андо Гав, кэ котце лине те башэн ле жюкэл).
Ёшка : Те траис экшэл бэрш!
Милош : Кай сытилян кадя мишто те киравес?
Лоти : Амари Дей сыкадя ла. Савка : Те перэл тукэ андо дром о Ишван Барвало!
Ёшка : Бахтало авла кодо, кон сако дес лела те хал тё паприкаш! Акана де аме те пяс чаё. Наис тукэ, Девла, кэ чайлилям!
(кэрдя пехкэ трушул) Наис ви туменгэ, щявогхале! Мишто кэрдям адес бути. Лащи бути кэрдям аме, бут лове трубул те
потинен аменгэ эл гаже.
( Ле щявогхэ гэле те пхиравенпе андо вэш, а о Ешка, ля андо муй пехки люлява, тай бешля гхоманес паше яг, те пел дугхано. Пашуля о Лоти)
Лоти: Тате, ай со дикхес кадя пе яг?
Ёшка : Свакэ гындуря жян андо шэро ле Ромехкэ, канна дикхэл о Ром пе Яг…
4). ( Набаро Форице. О Ёшка авиля те кэрэл ла бутякэ лила, дя андрэ ка Рай, ай кодо варикай гэлятар, ай традя лес о гажё пе ферма кай э гажи - гэздэрица, ай ви кодя нас пе бути, кэ насвайля, ай бешел акана кхэрэ, ай лако кхэр, ворта пашай ферма, апо ви гэля о Ёшка деворта лате андо кхэр. Ёшка дя андо кхэр, ай дикхле пе лесте ле барэ якха, выныцэ, сар о пай анде маря. Лакэ парне лунго бал сас пхангле по шэро лоле шэлорэса, ай мишто дичолас лаки парни шукар кор, ай, амборим во ви чикамелас, ай лехкэ якха коркогхо ся дикхэнас пе лакэ парне барэ чуча. Вучи, тай сани, лако муй асалас, ай пущел лестар):
Настасья Петровна: « Ну, чего стал, борода? Чего надо? Проходи».
(О Ёшка путэрдя о муй,камля те пхенел варисо, ай лехко гласо хаисайля, гэлятар варикай)
Ёшка: « Дак я вот всё по делам, я… Заказ вот у меня… А у Вас на стене вон и гитарка висит!»
Настасья Петровна: « Муженёк-упокойник, царство ему небесное, песнями ублажал! Интересуетесь?»,- пущля э гажи, ля э гитара, ай дя ла ка Ёшка.( ля о Ром э гитара, ай астардя те гилабел пески гилёгхы).
Ёшка: « Дел о ив, тай ви перэл,
Яй ся ле ромня кхэрэ авен,
Яй фери мугхы чи май авел,
Ай делу ив, тай ви перэл…»
Настасья Петровна: «Конечно, не понимаю я слов, но всю душу ты мне вывернул наизнанку своей песней, аж слезу прбило! Ёшка : «Песня моя простая - её отец мой всё пел… Как не вернулась Цыганка по первому снегу домой, а лежит теперь где-нибудь в степи на мёрзлой земле и вороны клюют её чёрные очи…»
Настасья Петровна : «Вот видишь, слов не поняла, а голос твой летел, как Птица в небе, аж до самого солнышка, и ко мне опять!..»
Ёшка: « Вот не Цыганка, а поняла! Знать, душой ты мне близка! И глаза твои, синие, как море! У Цыганок таких я и не видел. И волосы (тходя о васт по лако шэро), мягкие и шёлковые, как молодой ленок на поле!
Настасья Петровна: « А ты спой ещё, Борода!»
Ёшка : « Ёшкой меня зовут, все так называют».
Настасья Петровна : « И я так назову, Ёшка! А ты спой ещё песню, чтобы про любовь!..»
Гэлятар анда лако кхэр о Гхом дидимняцы, канна пеля пе пхув о ив, ай лехкэ неве кхэря ащавенас пе кодо парно ив ле дромогха . Кадя рят ащиляс лесте анде годи, анде лехко ило пе ся лехко траё.
4). Мелева.
Пхенен, кэ романе глати майданглар жян те кхелен, а пурме сытён те пхирэн. Андал ся эл щаворэ, фери ек э Мелева чи жянелас те кхэлел пел пунгхэ.
« О рич ущиля пе лако канн»,- пхененас па лате ле ром. Канна авенас ле нямуря, саворэ астарэнас те гилабен, те кхэлен, фери э Мелева нашеластар андо вэш, ай авелас кхэрэ, кана эл мануш аба траденастар.. Кон жянел, амборим пала кодо, ви барёлас э щёворы, ек жини, сар о кашторо, кай тэрдёл ек жино по баро дром. Нас кай щёворы вортача. Кана бариля, ай кэрдиляс щей барии, ся дикхэласпе анде циногхы глинда, кай ля ла гажятар пало драбаримос, ай котцар пе лате дикхэнас барэ кале, сар э кали рят, якха, кай шогха чи асанас. Пе лако кало муй кхэленас андел ся рига дуй барэ пличанти, ай киденаспе кэтане май паше, ворта ка баро накхоро, ай лакэ барэ парне данд гаравенаспе пала шукар вушт, кай барёнас циногхэ балорэ, сар циногхэ мустэцы.
Вучи, тай сани, вой май бут мязолас по зурало щаворо, ай кхоник чи камелас те халпе ласа, ай акхарэнас ла, пало якха, Сапни.
( Гхомано кырдо тэрдёл андо вэш пашо пай, анзарде ле цэри, пхабон ле яга, кхэлен пехкэ ле глати, ле грастогхэ хан пехкэ о кхас, башен ле жюкэл, ле Гхом бешэн паше яг, хан, пен, гилабен, кхэлен, кэ авиле ленде эл Гхом анда кавер Кырдо. Миштимос! Э Мелева андай пэхки Цэра дикхэл, сар вияцинас ле Ром, жипун кодола чи традинетар кхэрэ.
Лащи тати рят. Кидинепе ле тэрнэгхаря пашэ яг, ай гилабен, ай кхэлен романес, ай май гилабен гажикане гиля, кай ашуненде ле андо форо, ай зуралес драго сас ленгэ, те лен ле щёвогхэн андел ангаля, ай те кхэлен ленца «танго». Андай пески цера, дикхэл пе ленде э Милева. Канна анклисте по чери ле чергая, нашля э Щей, те на дикхел ла кхоник , андо вэш, палал щёвогха, кай прастенас кал щаве, ай гарадяпе пала май баро кашт. Вой дикхэлас, сар ле шявогэ чумиденпе ле щеянца , сар лен ек екхэс андел ангаля, сар перэн анде барии чар, ай сар ле щёвогха цыпин, ай асан по ся о вэш, ай лако ило, лакэ пунгхэ, лакэ васт – ся издралас анде лате, ай камелас пе лакэ те равел.
5.) Драбаримос.
( Э цэра ла Милеваки. Э Мелева бешел, ай драбарэл ла гажя, ай кавер гажи ажюкэрэл аври, пашай цэра).
Мелева : Вот, моя хорошая! Видишь, как почернела в моих руках иголка, как только я прислонила её к твоему сердечку. Черным черно у тебя на сердце. Боль и тоска обуяла тебя, моя милая.
Гажи- 1 : Всё правда, цыганочка! Ёй Богу, угадала! А что же мне теперь делать? Как жить дальше?
Мелева : Я помогу тебе, если хочешь!
Гажи- 1: А что надо делать? Мелева : В 12 часов ночи пойдёшь на могилку матери своего мужа и сожжёшь там деньги, завёрнутые в его носовой платок. Зароешь в землю, помолишься Богу и скажешь: « Ты - моя свекровь! Ты – всех кровь! Грехи и Долги наши буду замаливать всю жизнь! Вразуми, Масхари, сына своего, прикажи Ему не гулять от меня больше!»
Гажи-1 : Но я никогда не была ночью на кладбище! Я умру от страха!
Мелева : Жалко мне тебя! Ну вот что: если ты мне хорошо заплатишь, я пойду на кладбище вместо тебя.
Гажи -1 : Я согласна! Вот, возьми деньги!
Мелева : Придешь сказать спасибо ровно через 10 дней.( Гажи 1 гэлятар, пе лако тцан авиля Гажи-2)
Мелева : Проходи, красавица, садись вот сюда. Вижу я по глазам твоим: мучаешься, терзаешься ты, драгоценная, от любви нежданной и негаданной к молодому крестовому королю.(Щудя ле пуране лила, кай арэсле лате, катар лаки пхури Мами, тял эрти!) Мелева : Э! Король-то твой женатый! Гажи- 2 : В том то и беда! А я жить без него не могу, да и он меня сильно любит! Что же нам делать? Ты можешь нам помочь?
Мелева : Попробую, если ты мне хорошо заплатишь? Сиди смирно и смотри во все глаза ( э Щей ля о поагхо, щёрдя анде лесте шудро пай, амболдя лес андо пишкири, ай астардя те амболдел лес андел васт кадети, кэ о пай андо поагхо астардя те кирадёл, ай кадо, аба кирадо пай э Мелева дя ла гажякэ).
Мелева : Что ж, видно горяча Ваша любовь! Смотри, я перелью эту, теперь «чудотворную Водичку» в бутылку, ты отдай её своему Кавалеру, и пусть он не заметно, по нескольку капелек потчует свою Благоверную, и очень скоро, она сама от него отстанет. Бери воду - плати деньги! Благодарить придешь, когда поженитесь!
( э гажи -2 гэлятар, ай дя анде Цэра о Бакро – сас ла ек нямо, дурано, «сар о товер ла чупнякэ», ай плачалас лехкэ э Мелева). Бакро: Мишто драбардян? Лян тукэ ловогхэ- де ви манн партя, кэ ме традем ле гажян анде ти Цэра.
Мелева : Жя аври! Мангэ чи трубул те традес ле гажян, коркого авен манде! Ай мангэ майбут драго те драбарав андо форо!
6), Э Мелева жял пескэ вэшорэса, ай анклистя по кымпо, кай барёлас о мангхо, кидел лулудя, кай гаравенаспе анде вучи чар, ай гилабел варисохки гилёгхы, кэ жянел, кэ саек кхоник чи ашунел ла.
7). Э Мелева драбарэл андо форо.
Мелева ( коркогхо пехкэ) : « Адес, варисо чи анклел мангэ кханчи. Нашен, ле гаже, сар чапладе! Нащи кханикас те тэрдярав. О кхам астардя те пекэл май зуралес, ай ле гаже ся гарадиле андо вокзали. Аба ви те хав камав, ви те пяв». ( э Щей ай ля андо муй э сывара, кай ля ла катар Рай Баро, кай драбардя лес дидимняцы. Андал путэрде вудара, анда вокзали сыкадиле штар ракле-кэтаницы, кай сытёнас катце, варикай на дур. Ек ракло, кай сас май вучо саворэндар, ай лескэ бал сас парне, ай лескэ якха вынытце. Во варисо пхенелас каврэ раклэнгэ, ай кодола зуралес асанас ). Мелева: -«Эй, холостой!»,- тэрдярдя ле раклес э Мелева,- « Расскажу, красавчик, всю правду, а позолотишь ручку – ничего не утаю. Ждёт тебя, ласковый, большая, нежданная трефовая любовь!» Денис : - « Почему же нежданная?»,- пущля о ракло. ай пхендя ле ракленгэ тя жян англе,- Денис : « Может, я тебя всю жизнь жду – дожидаюся?». Э Мелева нас гата те ашунел раклестар касаве ворби, ай гэндилас, со те пхенел май дур, ай о ракло ся пхенелас песко дивано: Денис : « Зовут меня Денис, и вот что, мы собрались обедать вон в той столовой, пошли со мной, я угощу тебя обедом, а ты расскажешь всё, что хотела рассказать»,- ай зораса ля ла пала васт, ай ингэрдя ла пала песте. Акэ, бешен вон, хан, ай э Мелева ся драбарэл ле гажес, дикхэл пе леско васт, пе лескэ якха, ай о ракло пелас бяря, ай ся дикхэлас анде лакэ якха, ай ашунелас лако шукар гласо. Бешле вон, соде бешле, хале, пиле, ай о ракло акхардя ла андо кино. Э Мелева майданглал сас дувар, вай тривар андо кино, фери кодо сас думулт. Ле раклеса лакэ нас дар , ай гелетар вон андо кино. Па экрано пе ленде дикхэлас тэрно шукар мурш кале мустэценца, кай зуралес мязолас по Романо щяв , ай шукар тэрни жювли, гхуряди андел парне цаля - вон кхэленас, шукар гилабенас, ай ся чумиденаспе, чумиденаспе…Мелева атярдя, кэ Леско васт ся роделас лако думо, фери вой чи пхендя кханчи. Пурме Леско васт локхогэс аракхля лако васт, а вой пале кханчи чи пхендя, апо атунчи Во ля, ай чумидя ла ворта андел вушт. По кино вон майбут чимайдикхэнас, ай ся чумиденаспе!!!
Канна анклисте вон аври, э Мелева астардя те грибил кхэрэ, кэ сас ла бут дром жика кхэр , фери о ракло чидесар чи камелас те мукэл ла, те жял екх жини. Вон бешле по трамваё, ай ся тэрдёнас андел ангаля, ай ся чумиденаспэ.Майпалал геле дромеса, кай мишто жянелас э щей. Инкэ нас тунярико. Па чери инкэ чи гелятар те совел о пхуро Кхам. Во кхиниляс пала согхо дес! Ай дикхэл Во, кэ аба анклистя аври э тэрнёгхы щёнута(луна), ай сыкавелпе англа пхуро Кхам, ай фэлилпе англа лесте. Ай ся дикхэнас Вон ек пе екхэсте, ай щёрэнас ек пе аврэстеэ пехки ведеря, кай жялас пе ся о Кымпо, ай кодо кэрдиляс касаво шукар, сар анде парамичи! **( Было ещё светло . На горизонте, ещё не ушедшее на покой, изрядно натрудившееся за день Солнце, повстречалось с молоденькой Луной, появившейся на вечернем небосклоне, чуть раньше, чтобы успеть покрасоваться перед старым Светилом. Оба они излучали Свет, протягивали друг другу лучи, освещая Лица, друг друга мягким светом, и этот отражённый свет мягко опускался на землю, озаряя всё кругом. Лишь, монотонный звон цикад нарушал эту торжественную тишину). ** Ле тэрне дикхэнас пе кодо шукаримос, ай ленгэ чи камеласпе те ден дума. О ракло жялас, ай киделас лулудя. Тэрдиле вон пашо кхас, кай кидине лес гаже . О кхас кадя мишто кханделас, кэ крэнцолас пе о шеро. Денис: « Это тебе, любимая…»,- пхендя о ракло, ай дя ле лулудя ла щякэ. Э Мелева ля ле лулудя, ай чи жянав, ля ле те сунгал, вай те чумидел , ай пурме пхендя локгхогэс: Мелева: « Синие, как глаза у тебя!». О ракло ля ла анде ангаля, ай зуралес чумидя. Май эк цигха, ай во ваздя ла пел васт, ай астардя те ваздел ла опрэ, те хэзгэил, ай ся чумиделас лако кало муй. Мелева: « Погоди, не торопи! Я сейчас!», ай, гэля ригате, тай пеля анде бари чар. Мелева : « Со кэрав ме, Девла, ажютисар ма!». Вой анзардя ле васт, мязолас, кэ вой камел те лел андел ангали ся э пхув паша песте. Варикай паше гхуряйли э чирикли. Мелева: « Фери гелянтар туме пе бути, ме лем ле пунгхэ андел васт, ай гэлем андо Гав. Шунав, анде ек бар щинен ле балищес. Ме дем андрэ, драбардем ви ла гажя, ви эл гажес, ви ла пхуря – ви лакэ, те эртин, трубулас! Ай, дикхэн, со динема ле гаже: баро котор мас по паприкаш, ай масс тхуло, акэ, тертис, гой, коломпиря, крестевецы, пэрэдэйцы, пурум, сыр. Э пхури май дяма мангхо, ай дуй глажы тхуд.
. Мелева: « Теперь пора»,- фери ви пхендя, ай во пале ля ла пел васт, ай ингэрдя ла андо кхас.
Аба ущиля о кхам, ай вон ся тэрдёнас пашо вэш, ай инкэрэнас пе пала васт. Мелева: «Дальше пойду одна»,- вой тходя пескэ сане вастора пе лескэ барэ, зурале думе, ай ся дикхэлас анде лескэ вынытцэ якха. Мелева :« Я тебя никогда не забуду, а ты забудь! Не ищи. Я - цыганка, мне нельзя за русского - такай закон.(ай май пхэндя гхоманес): Мелева :Ай камава ме тут ся мугхо траё!…»,- ай касави ворба вой шогха чи май пхендя кханикаскэ! Мелева камля те май чумидел ле раклес, ай анклистя лакэ, кэ спидя лес пестар, ай сыго гэлятар андо вэш.
О вэш сыго гэтисайля, ай э щей пале анклистя по кымпо. Мелева : « Сой кодо кэрдиляс манца? Суно, вай чачес?»,- гэндилас вой, канна жялас дромогхэса, ай лако кало муй астардя те асал . – ««Кодо… кэрдиляс!.. Котце андо кхас!..»,- вой тэрдиляс, канна дяпе годи, сар э дукх дя анде лате, фери (ай кадя камля о Дел) э Мелева сыго нашадя э дукх анда песте, ай авилятар лате э Вияца! Лако шукар гласо ашунделас пе ся э кымпо. Авиля лате э Бахт, ай вой, чи десар чи камелас те жялтар вой палпале. Канна пашуля кал церии, э Мелева тэрдиля пашо кодо кашт, кай гаравелас пе, кана дикхэлас палал щея, кай чумиденаспе ле щавенса, ай перэнас анде барии зэлэно чар, ай ля те асал, ай андо шеро лако сас фери: Мелева :« Ме чи сым Сапни, ме сым касави, сар савогхэ кавер мануш! Сар савогхэ кавер жювля!»,- ай те дикхлясас атунчи варикон пе лате ригатар, кодо сас те пхенел, кэ э Щей мишто кхэлел, тай ви гилабел!
8). Пале андо вэш, кай тэрдёл о кырдо ла Мелевако. Накхля аба трин щён…
Э Чамба андя анда Гав ек бари Кхайни, ай те на прастел андал васт, пхангля ла ле тхавогхенца ка песко васт. Э кхайни ля те прастел пай пхув, соде мукхэлас ла о тхав, ай цыпилас, ай ви эл щавогхэ, астарде те прастен пала лате, ай те цыпин, сар э кхайни. Савогхэ асанас. Аба кавер ромня авенас анда Гав. Э Фешка инкэрэлас андел васт дуй парне кхайня, ай цыпилас : Фешка :«Ек чирикли дяма э гажи, а кавер коркогхо гхуряйли пала манде! Щеяле, киравас аменгэ зуми кхайняса?» Ле щаворэ астарде те лащарэн э яг, ле щея – те халавен ле коломпиря, те щинен пурум, фери те щинен ле кхайнёгхэн кхоник чи камелас. Ажюкэрэнас, канна авел э Мелева. Э Мелева, пашуля , кханикаскэ чи пхендя чи ек ворба, ля песко циногхо товер, соса щинелас ле каштогхэ, канна тхолас о самовари, ай щиндя ле кхайненгэ ле шерэ, ай щудя ле ле жюкленгэ, кэ кодола думулт ажюкэрэнас те хан масогхо. – Мелева : «Те чи авилемас ме, мулесас бокхатар!»,-пхендя вой пескэ тело накх, ай гэля анде пески цера.
Бакро :«Айди те хас»,- дя анде цера о Бакро. Мелева : « Чи жяв, чи камав», - пхендя э Мелева, ай нашадя лес аври. Ай лакэ чачес чи камелас пе те хал, вой нащилас ви те ашунел, сар кхандел о хабе. Инкэ дидимняцы, вой атярдя, кэ най ла зор, кэ дукхал ла о шеро, кэ гряца лакэ андо муй, ворта халя балеско шудро мас, ай гэля ко Доктори, кай кэрэлас бути по вокзали. Пхуро мануш андел парне цаля ашундя ла щя, дикхля пе лате, ай пхендя: Доктори : « Нечего бояться, милая, всё хорошо! Просто очень скоро у нас в стране станет на одного Цыганёнка больше. Поздравляю! Вы беременны!» Э Мелева чачес чи дарайля, кэ бутивар драбарэлас пескэ, щуделас ле лила, ай думулт жянелас, со ажюкэрэл ла акана, кэ вой кэрдя бари Пэкала.., Магримос! Лакэ трубул те нашел варикай. Те атярэна эл Гхом, со вой кэрдя, кхоник чи дела ласа дума! Чи лел анда лако васт ек котор мангхо, ек поагхо чаё! Акана кхоник чи лел ла пала Ром! Ай вой жянелас, кэ лакэ кадя сас щинадо. Мелева :« Аба кай те нашав? Варикай , на дур, траил мугхы Биби - э пхей ле Дадески, апо вой мангэ стрэино мануш! О Дад щудя аме, канна ме инкэ чи аракхадилем. Анклел кадя, со пе ся э лумя найма кхоник! Пе ся э лумя найма чи ек чачо, ай песко мануш?» Э Мелева бандиляс те ваздел о дикхло, кай пеля теле па лако шеро, ай цыписардя - кадя ля те дукхал ла, тертин, лако ди. Котце - лате андо Ди амболдяпе э глатуца ! Мелева : « Сы ма! Сы ма ек Мануш! Сы ма ек лащё, ек мугхо Мануш! Ай ме мукав лес те траил пе лумя!» Э Мелева ля анда кото пехко гоногхо, кай гаравелас савогхэндар, кэрдя пескэ трушул, ай гэлятар аври андай цера. ( О кало Вэш гарадя ла катар ле якха ле Ромэнгэ).
9). Галби.
Дидимняцы жялас о брышынд. Галбэно ай лоле патря аба пашлёнас пе шудри пхув, сар э понява андай гхомаи цера. Фери пел плаёгха инкэ дичолас зэлэно чар, ай мязолас, кэ вой аба совел пе шудри балвал. Ле пхурэ кашт издранас пе балвал, ай ле тэрне - вуче, тай сане, щуде па песте шукар зэлэно цаля, ай сыкавенас пескэ нангэ гхая- ле васт, ворта каменас те лен ек екхэс андел ангаля, ай пхандавенас ле якха, канна денаспе годи, кэ зуралес сыго нашлястар ленги тамна, тай ленго милай… ** С утра моросил дождь. Жёлтые и красные листья уже накрыли мягким цветным ковром стынущую землю и лишь прогалинки на холмах ярко сияли изумрудами, дремлющей на осеннем ветру травы. Старые осины дрожали на ветру, а берёзки, сбросив свои пышные наряды , обнажили стройные тонкие стволы и, касаясь голыми ветвями, как распростёртыми для объятий руками,вспоминали, жмуря свои серые глазки, Шабаш, так быстро промелькнувших, Хороводов Весны.**
О Ёшка локхогэс жялас пескэ вэшеса , ай гилабалас, ай спиделас англа песте о вурдоногхо, кай пашлёнас ла бутякэ састря, кэ вон чи анклисте арати андо баро вурдон. . Ся кадо миштимос во щёла анде бар ле кхерэско, кай мукля лен о гажё те траин ивенде.
Ёшка : Соде траив пе лумя, чи май сэрав, канна кодо сас, те ратярас аме анде Цэра ивенде? Инкэ мугхэ Дадес (тял эрто), кай сас баро майстори, мекэнас ле гаже те траил ивенде андо кхэр. Ай, сар?: варисо те гханол, те лащарэл ся эл кэзая, ле пиря, типции, ви ле грастенгэ те лащярэл неве пэталы! Ай ле жювля те драбарэн ле гажян! Ай инкэ гилабенас гхомае гиля, ай ви кхэленас гхоманес - со май трубул ле гаженгэ! Акэ туменгэ! ( пашуля ка кхэрогхо) Ёшка : « Аба ви ме аракхлем лащё кхэрогхо. Лехкэ фелястра дикхэн ворта андо вэш!».
( паша бар ле кхэрэхко тэрдёлас мотоцикло. Во дя анде бар, ай дикхэл, кэ пе трапта тэрдён варисаве стреинэ мануш. О газда, тай э гэздэрица ле кхэрэски, гхуряди андо екх тато дикхло, варисо пхенелас ленгэ, ай кэрэлас пэскэ трушул. Дуй зурале ракле, Рай Баро, ай май, касаво, на баро, андел неве кхэря, анде пэлэрия, ай барэ кале мустеценца, Ром).
Ёшка ( корког пехкэ) : « Аракту Ёшка, кэ чор сы!!! Мишто кэ ме арати, ратяса, телай барии пхабай гарадем анде пхув мугхо барвалимос - о гоногхо ле галбенца, кай ащадя мангэ мугхо Дад. Во киделас ле ся песко траё, ай кадя пхенелас: « Сы ту галби - ту сан мануш! Шай те кинес грастес! Шай те ансуриспе! Шай те авес андо кырдо Баро!».
Ёшка ( ле Ромехкэ) : Те авес бахтало, пхрала!
Карчуло : Шай те авес бахтало ви ту, те ажютила ту о Дел! Нэ, сыкав, кай гарадян те галби, тё сумнакай? (Сар марэлпе э чирикли накхэса анде фелястра, кадя мардёлас пе андо шеро ка Ёшка! Во атярдя, кэ англа лесте тэрдел коркогхо о Карчуло!!! О Гхом, кай нэкэжилас ся ле Гхомен! Лелас лендар ле галби, о сумнакай, тхолас ле анде темница, ай ви мударэлас. Бут Ром аба хаисайле катар о Карчуло, фери пхененас майпалал, кэ мударде лес ле Гхом! Щиненас о масс па лескэ зэя, ай щёнас лескэ андо муй, сар ле жюклескэ).
Карчуло : –« Со, накхадян о кокало ле мащеско? Жя, сыкав, кай гарадян ле галби! Те на сыкавеса, катце ви мударас ту! Анкалавас о ди анда туте!»
Ёшка ( коркогхо пехке): Хаисайлем, Дале!
( О Ёшка ингэрдя ле кай э пхабай, ай сыкадя, кай гарадя ле галби.
О Рай Баро, ля варисо те скрыил. Ле щавескэ пхангле ле васт, тходе лес по мотоцикло, Карчуло : « Традас!», - ( традетар)… Гэздарица :-« Паренёк- то больно хорош. Жалко! Помоги ему, господи!» Газда : « А говорят все цыгане братья!»,- ай пхандардя о вудар.
10). Кадя сас щинадо.
Катце, андо циногхо форо, кай тэрдиляс пе маря, ла Мелевакэ сас мишто, ай мязолас, кэ гхомаи щей вой катце ек жини. Пала набарэ ловогхэ ля пескэ кхэрогхо, ай ля те драбарэл пашо вокзали, кэ котце киденас пе бут мануш, ай ви на дур катар о кхэр. Бут те пхирэл вой аба нащилас. Канна жялас анде болта, ай дикхэлас пе песте анде барии фелястра, пхенелас коркоро пескэ: Мелева : «Мугхо пэрогхо анклистя пе мугхо накхогхо!». Ай чачес, вой аба бут чи пхирэлас, чи май драбарэлас бут, кэ най кас те праварэл. Май бут драбарэлас, те на хасарэл э « квалификация». Адес трубул те авел лакэ ек гажёгхы, кай аба думулт драбарэл ла. Мелева :« Бут лове лем латар «по- драб», ай чи дарав, кэ лако гажё – Рай Баро! Ай вой коркогхо дарал лестар, ай чи пхенела кханикаскэ»,- гэндилас э Мелева коркогхо пескэ, канна пашёлас ка кодо тхан, кай трубулас те ажюкэрэл ла гажя. Лакэ пунгхэ аба кхиниле, ай ек тэрно ракло ущиля па скаминдоро, ай дя ла тхан те бешел.
Ажюкэрдя вой нупря бут. Дедурал принжярдя ла гажёгха, кай жялас лате деворта. Э Мелева вущиля, ай гэля кай гажи, ай фери пашуля вой лате, тердиляс англа ленде э рота, ай котцар анклистя о Рай Баро, ай пушля ла гажятар: Рай Баро : « Она?». Э гажи, фери сыкадя ле шерэса, ай о Рай тходя пел васт ла щякэ саструне « браслетуря», ай бешадя ла анде рота. Мелева : « Халяма э Гажи»,- фери ви пхендя э Мелева.
11). Андо дежеш.
Андо дежеш кханделас кингэ кхэрянца, ай мелале патавенца. Сас ви шил , ай ви тунярико. Ле пхандаде, пашлёнас пел шудрэ пхаля, ай киденас тела песте о кхас, те авел ленгэ май тато. Аба андо дром о Ёшка аракхля пескэ вортако - май ек гхом андал кэлдэраря. Во бущёлас Дёрди, ай анда кодо кэ сас лес крэци парне бал, ай вынытцы якха , эл гаже акхарэнас лес Ваня. Вон пашлёнас ек паше екхэсте, ай ся денас дума, те жял ленгэ май сыго э врямя. Денас дума гхоманес, ай сыго ся о вагоно жянелас :
Гажё-1 : Чудной у них язык, а понятно: «Лавэ»,- значит деньги!
Гажё-2 : А я сначала думал, что их слово «Чор», так и будет - «Чорт», а оказалось, вот потеха! По- нашему! «Чор», значит - « Вор!»
Гажё 3 : А слыхали? « Легавый» по-ихнему - «Рай баро!»- Без поллитры не разберёшь! Умора, да и только!
Гажё 1 : А вот тюряга у них, братцы, как и у нас, ласково - «Темница!»
О дежеш тэрдиля, ле кэтане путэрде ле вудара, ай ся ле пхандаде дине пе май англе, май паше ка вудар. Аври сас тунярико, ай ле кэтане , те дичёл ленгэ о дром, пхабарэнс шукэ патаве. Эл кэтане май спиденас андо кавер вагоно ле пхандаден. Ай, ципинас пе ленде, марэнас ле. Ле барэ холярико жюкел ханас ле палал пунгхэ. Ай , сыго о Ёшка атярдя, кэ неве пхандаде - ся жювля! Май бут, сар экшел жювля - пхандаде жянас ек пала екхате, ай э шудри балвал малавелас ле андо муй, морцосайле катар о шил, ленгэ зея, ленгэ васт, ленгэ пунгхэ. Ворта паша песко вагоно, дикля о Ёшка, лоло гхомано дикхло..! -. Ешка : «Каски сан, щей?», - циписардя во анде рят. Э гхомни амболдяпе, ай о Ёшка дикхля лако муй, кай кэрдиляс инкэ май кало, катар о ив, кай перэлас пе лесте. Ёшка : « Ме сым о Ёшка, о щав ле Вошоско, кэлдерари андал Сапогхони!»,- Ёшка, тай о Ваня( кэтене) : « Са-по-го-ни!» Э щей асаяпе, ай сыкадя эл вастенца, кэ чи ашунел кханчи. Ёшка : « Амен ингэрэн андо Котлас! Дела о Дел, май дикхасапе!» Ла щя аба спиде андо вагоно . Вой пале асая, ай пхендя пескэ тело накх- Мелева : « Ай сар, о Дел дела! Фери ажюкэр!»
12). Анде темница.
Состар шай те аракхадёл мули глата? Пеля э пхари жювли па граст, ай зуралес маладяпе? Вай кэ пеля пай вучи прапта, вай мудартяпе анде рота? Амборим, пеля опрал о бах пе лако шеро? Най! Чи кэрдиляс кханчи касаво ла Мелеваса. Кадя сас лакэ щинадо! Мардя ла о Дел, пала кодо, кэ пэкалисардя вой ся о кырдо! Анде темница вой нащилас те совел. Ся дичёнас лакэ по мелало зыдо ле лулудя, кай барёнас по кымпо, о зэлэно кхас, ай канна путрэлас ле якха, пале атярэлас, кэ вой бешел анде темница. Ай пале авелас лате пхуро рай баро. Пале пущелас латар варисо, ай лескэ якхогха ся прастенас, сар ле гхырцы, кай ратяса анкленас анда кото.
Рай Баро :
-« Ну, рассказывай, чернявая! Как у нас говорят : «Колись!» Как ты дошла до жизни такой, что охмурила жену самого прокурора! Ведь до нитки обобрала, каналья! Да нешто её одну? И не стыдно тебе, цыганская морда, честных людей морочить?
Мелева : « Стыдно воровать, да убивать! А людям счастье предсказать, да от дурной болезни, от сглаза, да порчи избавить, ой как не стыдно, начальник!
Рай Баро : « На квартире, где проживала, денег не нашли! Рассказывай, где деньги спрятала, ведьмака!»
Ай касаве ворби ашунелас э Мелева сако дес, май бут, сар ек курко, ай анде ек дес атярдя, кэ зуралес ля те дукхал ла андо ди, кэ дукхал лако шеро, ай пеля вой ворта пел пхаля, ай зуралес маладя пе ле шерэса по варисохко састри. Май бут э Мелева аба чи май сэрэлас кханчи. Доктори : « Ну, что, чернявая, очухалась по чуть-чуть? Ну и ладушки! А вот девчурка - то твоя мёртвенькой родилась. Жалко!
Мелева : Миленький, а какого цвета были у неё глазёночки?
Доктори : А синие, синие! Как море, синее!
Свако дес, ди димняцы, траденас ле пе бути - те сувен цаля ле гаженгэ, кай бешен андел темницы пе ся амари барии, тай бахтали Русия. Кай Мелева те сувел мишто, чидесар чи анклелас. Мелева :« Девлале, э гхомаи щей чи аракхадиля пе лумя те барярэл ле коломпиря»,- асаимаса пхенелас э Мелева. Гажёгхы :« Давай я за тебя доделаю, а ты мне за это пгадаешь!». Э Мелева ви катце драбарэлас. Драбарэлас вой ви ла Гэздэрицакэ. Гэздэрица : « А теперь, на бубнового короля раскинь. Правда, молодой он больно, но, мочи нет, как я хочу его! Да и жена у него молодая!..
Мелева : « Попоробую я горю Вашему помочь, но для этого мне нужно одно сырое яичко. .( э Мелева ля о анго андел васт, астардя те амболдел лес англа лако муй, паша лако шэро, щутя лес паша лако ило, ай ся моцолас варисохкэ ворби, ай атунчи пхагхадя о ангхо, ай сыкадя ла гажякэ, кэ котце сас кало тхавогхо! Э Мелева локхэс, ле наёгхэнса анкаладя о тхав, пале астардя те амболдел лес англа муй, ай англа ило ла гажяко…)
Мелева : « Теперь, возьми эту ниточку, намотай на мизинчик левой ручки и носи, не снимая, ровно три дня и три ночи, а потом незаметно намотаешь её на пуговицу пиньжака своему возлюбленному! Благодарить меня будешь дней через десять!
Гэздэрица : « Спасибо тебе, Ромэлка! Проси, чего хочешь?
Мелева : « А, слабо, разрешить мне ходить по зоне в цыганской юбке? Ей Богу! Соскучилась! Нет больше сил моих!
Гэздэрица : «Конечно, могу получить нагоняй за нарушение формы одежды, но нехай тебе! Носи свою юбку, не бойся!».
Пала драбаримос ле гаже денас ла мангхо, сывара, хабеногхо, ай, ви ловогхе - аба чи сас вой бокхали. Савогхэнгэ вой плачалас - ви эл гаженгэ, ви эл рангэ, ви ла гэздэрицакэ. Анде циногхы фелястра стрефялас о кхам - авиля э тамна, кодо сас аба дуйто тамна, ай, вой ся бешел, ай бешел, ай чи жянел, со авела ласа май дур. Адес сас ле куркэско дес, ай, чи трубулас те жян пе бути. Э Мелева бешелас по песко пато, ай , драбарэлас коркогхо пескэ. Мелева : « Э-э-э, мугхы лащи, перэл тукэ лунго дром, ай по дром – бахтало Ром!»
Ле гажёгха кидинепе паша лате, ай, ся дикхэнас андел лила, ашуненас ла щя, спиденас ек екхэс, ай асанас. Путэрдиляс о пхаро саструно вудар, ай, авилятар э гэздэрица. Гэздэрица :« Ромэла, на выход!»,- цыписардя э гажи , ай сыкадя пескэ данд, кай сас ся анда састри, Ле лила кай щей пеле па лакэ чанга пел пхаля, ай э гажёгхы, кай май бут савогхэндар камелас те драбарэл пе , пушля: Гажёгхы :« Куда это, на выход?»
Гэздэрица : « А не твоего ума дело, сука! Куда, куда – на « кудыкину гору!». (ай, асая кадя, кэ сыкадя пале ся пескэ данд, кай стрефянас по кхам).
Барэ саструне вудара пхандадиле палай Мелева. О кхам дя лакэ андел якха, э балвал астардя те кхэлелпе лакэ баленца. Лакэ камелас пе те лел анде песте ся э тамна, пескэ кхамеса, пескэ балваляса, пескэ чирикленца, кай гилабенас, ай наёнас анде пульберя ле дромески. На дур, э Мелева дикхля циногхо гавогхо, кай думлт бистэрдя лес о Дел. Дуй-трин кхэрогха, ай паша ек бешелас по скаминдогхо , ай татярэлас по кхам пескэ зэя, ай инкэ даралас те щудел па песте э тати ивендески стадии, гажёгхо.
Мелева : -« Здрасьте, дедушка!»
Гажёгхо :- « Сама ты баушка!» (асая о гажёгхо, ай сыкадя ся эл трин данд, кай сас лес андо муй).
Мелева :- « Да ты не обижайся, я только хотела спросить, как до города добраться?»
Гажёгхо :- « Ну ты чо? Бижайси! Вона по дороге вёрст пяток, с гаком будить, а ты – напрямки валяй, чернявая, через поле, аккурат во-время поспеешь!»
13). По базари. Андо форо э Мелева аракхля, кай сувен жювликане цаля. Май данглар вой драбардя ся ле раклян, кай кэрэнас котце бути, ай, пурме кодола щудепе те сувен лакэ гхомаи гхотя, ай вой сыкавелас ленгэ, сар те кэрэн, те авел май гхоманес.
Лове сас ла, ай вой гэля анде болта, ай киндя пескэ парно гад, ай лоле папучица, ай ви локхи рахамицы, те на пхурдел ла э балвал. Э гхотя аба сас гата, ай, э Мелева гхурядяпе, ай чи бистэрдя те лел по шеро песко лоло дикхло, кай сас ласа ви андо вэш, ви по кымпо, ай ви анде темница. Ле гаже дикхэнас пе лате, канна вой жялас па базари, ай лакэ сас мишто по ило. Вой жялас, ай, чи тэрдёлас, канна эл гажя мангэнас пе те драбарэнпе. Чи камел вой адес те « кэрэл бути». О базари сас циногхо, ай, чи дичёлас, те пхирэн ле гхомня. Дувар, вай тривар накхля вой, те дикхэл, со бикинен ле гаже, ай, тэрдиля котце, кай лащарэнас ле кэзая. О вударицы путэрдиля, ай, котцар дя аври Гхом. Леско шукар муй анде барба, ай, ле мустаценца, мязосайля лакэ принжярдо. Вон тэрденас, ай дикхэнас ек пе екхэсте, канна э Мелева пхендя асамаса : Мелева : « Са-по-го-ни!!!» Ви о Ром ля те асал, ай те ципил : Ёшка :« Ме сым о Ёшка, о щав ле Вошоско андал Сапогони !» Вон тэрденас паша вудар, денас дума, ай анклистя ленгэ, кэ ви о Ром, ви э Мелева сэрэн кодя рят, канна дикхлепе андо дежеш. Атунчи, во дикхля кадо лоло дикхло, кай сас ви адес пе лако шеро. Ай во астардя те пхенел лакэ, Ёшка : « Аба дуй куркэ, сар мукле ма андай темница, ай , ек вортако мукля ма те кэрав катцэ бути, те кэрав пескэ ловогхэ по дром, ай те гхурявав Ма». ( О Ёшка пхандадя о вудар, ай ингэрдя ла гхомня те кинен мас, пэрэдэйцы, крестевецы, пурум, лине бяря, ай ингэрдя во ла ромня андо кхэрогхо, кай во траилас ка песко вортако. Жипун э Мелева киравелас паприкаш, о Ёшка ся пхенелас лакэ: Ёшка : «Бешлем анде темница, ай мугхо вортако о Дёрди акхарэлас ма, те нашас. Амборим кэ, ви нашлямас, фери ме зуралес насвайлем.
Ле Дёрдес астарде, ай май дине лес деш бэрш - : «Ай ме, дикхес кхэрэ! Ажютисардя ма о Дел!», - кэрдя пескэ трушул о Ёшка».
Скафеди кай Мелева анклистя шукар, ай , мишто кханделас о паприкаш.
Мишто бешенас, ханас лащё, ковло масс, пенас лащи бяря, ай, камелас пе ленгэ, май сыго те бистрэн э темница. Май бут делас дума о Ёшка, кэ пиля бут бяря, ай э Мелева бешелас тай ашунелас, со, май пхенел о Ром. Бешле бут, ай, ви ратярде андекхтан. По екх пато. Ёшка : « Ай со?»,- (гэндилас о Ёшка, канна пашлёлас по пато)- « Нупря шукар? – Ви кодо мишто, чи лела те прастел! Бут чи дел дума – чи дилярэла мугхо шэро! Андо тхан сар э сапни - апо ви амен акхарэн Сапогони!» (О Ёшка путэрдя ле якха, ай пущля) : Ёшка :« Ай со, традес манца? Камав те лав ту пала ром! Жяс анде мугхы цэра?». Э гхомни чи пхендя кханчи, фери май зуралес дя лес ангали.
Кадя сас ленгэ щинадо, те аракхэн вон ек екхэс. О Ёшка - мугхо Папо, ай э Мелева - Мугхы Мами!
14). Андо кхэр кай Райка.
Пала Дёрди авилетар дидимняцы, канна саворэ инкэ совенас. Авиле те лен лестар галби, лове, сумнакай. Соде роде - чи аракхле кханчи, ай ингэрде ле Ромес песа. Э Райка ровелас кадя, та ашунделас аври. Э Ромни щинелас ле бал па песте, инкэрэлас андел ангаля песка циногха щёвора, ай цыпилас : Райка :« Со кэрдян ту аменца, Девла? Аба хаисайлям акана! Состар традян аменгэ касаво баро нэказо? Со кэрдем ме тукэ, Девла?». Ай э циногхы Лула, инкэрэласпе ле васторэнца пала лаки кор, ай ви вой ровелас, ай ви лакэ асва кингяренас ле пхаля андо кхэр ле гаженго.
15) Андо дежеш.
Райка : Атунчи, аба панч бэрш палпале ек дата андо форо дикхлем ме тут, мугхо Дёрди, ай ншлемтар туса, кэ плачае мангэ зуралес тирэ шукар вынытцэ якха, ай те парне крэцы бал! Нашлемтар, ай чи пхендем кханикаскэ, чи ле Дадескэ, чи ла Дакэ - дарайлем! Акана, традав ла шове бэршэнгэ глатаса анде Москва. Кай сан, Ваня? Хал ма о лажяв! Со пхенава ме мугха Дакэ? Кам мударэл ма о Дад! Лажяв мангэ ви катар мугхэ пхрал…». – ( ся ровелас э Райка андо дежеш. Э щёвогхы дикхэлас пе пески Дей, гхэзгэилас ле васторэнца лако муй, ай делас ласа дума гхоманес) Лула : « На дара, Дале, ся авела мишто! Фери на ров май бут!»
16). Андо кхэр телай Москва кал нямуря.
Э щёвогхы сас касави шукарёгхы - лакэ бал парне, ай ле якха кале, «Сар о ангар», кэ ся ле нямуря мерэнас пала лате. Канна вой делас дума, мязолас ворта пе пески Дей э Райка . Лула :« Дине андо кхэр ле Рай, ай астарде те роден ле галби, ай астарде те ципин, ся те щуден аври! Э Райка ровел, ай ме гарадем мугхо галбэно андо муй, палай бука, анда кодо нащивас те ровав!», - ворбилас э Лула, ай анкалавелас песко галбэно андай посоти, андай кэтрынца, вазделас лес опрэ, ай сыкавелас, те дикхэн савогхэ. Савогхэ дикхэнас, ашуненас ла щёвогха, тай асанас. Совенас вон ла Райкаса гхоманес, пел пхаля, по баро гхомано шэранд. Лула : «Соде манде нямуря?» ,- гинелас э Лула, ай щуделас пал пунгхэ ле папучица , кэ чи арэсэлас ла наёгха пел васт, те гинел . – Лула :«Мугхэ Как, мугхэ Бибя, мугхэ Вэря, Пхея, мугхэ Пхрал ! - Кодо деся мишто - канна бут!»,- сокотилас пе э щёвогхы. Э соба, кай вон акана траинас. сас деся барии, ай котце, андо кото, тердёлас баро пианино, кай стрефялас дидимняцы по кхам, сар ле папоскэ кхэря пе Патради. Май палал, канна бариля, э Лула аба жянелас, кэ кадо пианино киндя о папо Ишван, канна ансурисайля, те жянен ле Ром, кэ во барвало, ай акана кхэленас пе лесте савогхэ, кон сар даштил, фери о како Петя кхэлелас мишто – во сытёлас анде консерватория. О како Петя сас май пхуро пхрал ла Райкако, апо во ви болдя ла щёвогха, ай пхирэлас ласа анде кхангэри.
Фери май бут савогхэндар, патялас ле Девлес э Мами Прасковья. Кодо вой сыкавелас савогхэн те кэрэн пескэ трушул, ай те на хан масс англа Кричуно. Савогхэ лакэ Как, ай лакэ Бибя траденас андо форо те сытён, апо ви э Лула пхендя пескэ, кэ лела те сытёл мишто, лела согхо рятенца те гинел, ай те скриил. Лула : «Чи десар чи атярав ме, сар кодо анклел, кэ ле жювля кхоник чи жял те драбарэл. Драбарэл фери э Мами, опо ле гажя авен лакэ ворта андо кхэр!». Зуралес мишто, шукар сас андо кхэр пе сэрбэторя. Ажюкэрэнас на о Нево Бэрш, сар ся ле гаже, ажюкэрэнас о Кричуно. Па ек риг катар э фелястра, по чачо васт, па зыдо дикхэнас ле Дэвлогха, ай пхабонас момеля, ай па кавер васт, тэрдёлас баро жювендо , кай авиля ворта анда вэш, о зэлэно кашт (э ёлка) По кашт пхабарэнас ягогха, щувенас гуглимата, пхаба, апельсинуря.
Папо Ишван : « Авен фери ле нямуря»,- асалас о Ишван, ай гинелас : « Трянда, штарвардеш, паньжвардеш(50)!». Барии, пе ся э соба, скафеди сас касави шукар: сарми, шах тхулярдо, паприкаш, савияко. Ле папина, ай ле кхайня антрэго, пашлёнас пел шукар тияря анде зэлэно чар. Лако как о Ромка кадя грамосардя пал хабената, Како Ромка : «Со сас,бре, пе скафеди?
Биняло,барёл тё ди!
Мас пеко, пурум, ранташ
Паприкаса паприкаш,
Ковло цимпо ла кхайняко
Те авел рромэнгэ ляко
Гибаница, савийяко,
Тай ви гуглимата свако
Пхабаяса балище,
Ви туткая дуй лаще,
Сарми, папина, тай ррэци,
Шах шукло, тай крестевецы,
Шонко, тай шах тхулярдо,
Тявел свако правардо,
Зурало, тай бахтало!
Касаво лащё хабе
Чи халян ту инке, бре,
Эта щёрдиляс гили,
Э гили, э рромани,
Кон гилабел, кон кхэлел
Э патив барии кэрэл.
Эл пхурэ – пхуриканес
Жян кхэлен-у романес,
Марэн штромфо эл пунррэнца,
Пал кхэря марэн вастенца.
Пала ленде жян щея,
Ле щея, ле шукаря,
Издравен-у ле думенца,
Тхай стрефян кале якхэнца!»
Бешен пескэ палай скафеди, хан, пен, гилабен, Бахт, састимос, вияца!
Райка (гилабел) :«Эй. Горохова рубаха»,- ( ай катар лако шукар гласо издрал э фелястра. Папо Ишван (гилабел) : « Чому ж я нэ сокол, чому ж нэ летаю?». о Како Ромка коркого скриилас, ай ви гилабел пескэ касаве лаще гиля, кэ э Лула ся ровелас, кана ашунелас ле. Аба май шукар сас атунчи, кана о Кирво Петя пхендя : Како Петя : « Кон май мишто савогхэндар гилабел, вай кхэлел, кодо лел те щинел ла баря папина, кай пашлёл акана пе кадо шукар тияри!»
Сар пхендя ви о Папо, ви э Мами, май лащи сас э Лулуди - вой гилабадя, ай ви кхэлдя неви гилёгхы « Машенька», кай сыкадяла лаки Биби э Ольга, кай аба кэрэлас бути андо гхомано театро.
17). Ле глати жян дромеса анде шкала.
Сытёлас анде школа э Лула мишто, ай вушоро. Канна жянас дромеса, вой ай лаки вэрица э Ляля( Папуш),лакэ вэря о Слава, тай о Жора, вон ся прастенас, кхэленас пескэ, гилабенас. Ляля : « Со прастес кадя зуралес? Перэс, ай пхагхавес тё накх!». Лулуди ( гилабел) : « Нащи ман те арэсэс, анда кодо ви холявес!». Тамара ( жял пала ленде, ай гилабел) : « У любви, как у пташки крылья! Так берегись любви моей!». Жора : « Бахтале туме, щёвогхале! Сохки папуша киндя туменгэ ка Кричуно о Папо Ишван?». Славка : « Шунка, ай ту атярдян, кэ о муй амара Пхяко, ворта мязол по муёгхо ла папушако?» Жора : « Ай чачес! Ворта ек муй!». Лула : « А! Мязол лако муёгхо пе папуша! Кадя ви трубул ту! Акана кадя ви ласа тут те акхарас : «Папуша!». Жора, Тамара, ай Славка ( кэтане ) : « папуша, папуша, папуша!» (Кадя ви лине савогхэ те акхарэн ла щёвогха – Папуш! Ай ви акана акхарэн ла кадя – мук те траил Вой экшэл бэрш!) Ле раклогхэ анде школа ажюкэранас ле щавогхэн, ай э гэздэрица пхендя : Гэздэрица :« Так, весь табор в сборе, можно и начинать!» Ся ле раклогхэ, ай ви ле раклёгха, ся э школа кхэлелас гхоманес! Ле щёвогхан кхоник нащилас те цирдел палал чунгхы, кэ даранас катар ленгэ пхрал. Ай кана ле щавогхэ кхэленас, тай гилабенас анде шкала пэ сэрбэторя, э Лулуди бутивар авелас кхэрэ лулуденца.
18). Муля о Ёшка.
(Анде бар ле кхэрехко, кай траилас о кырдо ле Ёшкаско)
путэрдиляс о вудар анде бар ле кхэрэско, кай траинас ле Ром, ай варисохкэ стрыино гаже андине о вурдон, кай пашлёлас ся андо рат о Ёшка.
Леско муй сас ся кало - кадя марде лес! О рат сас пе леско шеро, ай леско гад сас ся щиндо, ай ви пе леско пэх дичолас о рат . О Ёшка аба сас муло…
Гажё -1 : « В дальнем лесу мы его и нашли».
Гажё -2 : « Положили на телегу - видим, что цыган».
Гажё-1 : « А он уже того… готовый, уже холодный, значит, царствие ему Божие!».
Гажё -2 : « Довезли до соседней деревни, а там уж указали, где цыгане живут. Принимайте хозяина».
Гажё -1 : « Знатный, говорят кузнец был Цыган, прими, Господи, его душу.
. О Лоти, чи май сэрэлас, со кэрдиля май дур. Лоти : « о рашай ся гилабел, ай сако лески ворба малавел андо шеро, сар ле товереса !»… (Савогхэ ровен, савогхэ Ципин). Лоти : «Кхоник нащи патял, кэ муля касаво лащё Мануш, касаво лащё Ром». Юльча : «Состар о Дел традя касаво нэказо аменгэ?». (Ровел о Милош, о Савка, э Юльча цирдел пескэ бал, ровен ле гаже. О Лоти аба наштилас те ровел, ся э зор гэлятар лестар, нащилас те пхенел чик ворба, хаисайля катар о нэказо леско гласо. Чи ровелас фери э Мелева. Лоти : « Мязол, кэ амари Дей ся кэрди анда бах, ай о траё аба гэлятар анда лате»… Юльча : « Лако кало муй ся парниля, ай лакэ кале якха кэрдиле, сар о пай анде бради, ай чи май дикхэн кханикас. ( Кэрде ви эл гаже, ви ле Ром ся, со трубулас, авиля анда Гав о Рашай, ай тходе ле Ромес андо гропошово, ай тходе лес пе барии скафеди анде соба. Канна савогхэ аба мангле ле мулестар эртимос, чумиде леско чикат, пашуля э Мелева. Лакэ якха чи дикхэнас кханчи англа песте, лакэ шукэ кале васт ся роденас о муй ле Гхомеско. Мязолас, кэ вой гхэзгэилас леско мудардо, аба саек шукар муй. Кхоник нащилас те атярэл, со пхенелас лескэ э Мелева. Ся лако траё накхля акана англа лате. Э Мелева май мангля катар о Ёшка эртимос, ай атунчи коркогхо пхандадя о гропошово, гэля андо песко кото, ля песко товерогхо, ай маладя опрал па гропошово, ворта мардя о карфин пе песко пхаро траё). Мелева : « Аба доста!..»
19). ПОМАНА. ( Андо кхэр кай Мелева)
Накхля ек бэрш, сар муля о Ёшка. Адес авиле ле гхом пе помана . Авиля леско Вэро о Чула, андя ся о кырдо о Дёрди, авилетар ли дуй пхрал ле Ёшкаскэ - о Риста, ай о Накхало, май авиля леско Как о Зурка. Киденас э помана на ек дес, ай анклистя ленгэ мишто. Э скафеди барвали!. О Лоти, о Милош, ай о Савка ажюкэрэнас ле Ромен анде бар, ай э Юльча сокотиласпе пашай скафеди :
Юльча : «-: « Соде тияря пе скафеди? Трубул те тхав май ек тияри, май ек рой, май поагхо! Сар пхенелас амари Мами?:- « Канна бешаса пала скафеди, трубул те бешэн на 2, 4, 10, вай 20 мануш, фери 11, 23, вай 25 - «те на лел о муло кханикас песа». Ле щуря ай ле фурчи гарадем - мук те хан вастенца. Со май? А, трубул те гаравав о лон, тай э пипарка , - акана ся мишто!».
Э Мелева ся бандиля, ай пхуриля, ай бешэлас андо кото, кай пхаболас э момели, ай кай дикхэнас па зыдо ле Девлогха. Вой ви дэтэрняра
бут чи делас дума, ай акана, канна Вой ущиля ек дата дидимняцы, ай дикхля по шэранд антрэго баро котор пескэ парне бал? Ай канна вущиля па пато, ай дикхляпе анде глинда,- ай дарайля коркогхо пестар! - Май бут Вой чи май ля теле па пехко шеро о дикхло, ай ви, чи май делас дума кханикаса.
Ле мурш палай скафеди бешле пескэ мишто! Ле жювля пе кавер риг ла скафедяко, бешле, сар дащисарде. О Зурка, кай сас май пхуро, вущиля:
Зурка : « Те авел эрто муро Непото! Тял вушоро э пхув англа лесте. Те на май жянас шогха аме касаво баро нэказо!» ,( савогхэ вущиле ай пиле рытия). Дёрди :« Ашундем ме ек дивано»,- ( ай бешля по скаминд, ай кодо издрайля тела лесте),- « Мотцон, амаро Ёшка, тял эрто, аракхля андо форо Ромен, гэле андо бирто, те пен бяря, ай ек Ром астардя леса о дивано, кэ во сы о щав ле Карчулоско, кэ лескэ лажав пала песко Дад, кай чогхардя ся э цыгания. Кэ камел те мангэл эртимос пала песко Дад! Ай пхенен кэ о Ёшка, тял эрто, канна атярдя, касса дел дума, щунгардя леско муй!». Накхало ( циписардя) : « Кодола гхом ви мударде лес, канна жялас пескэ кхэрэ!»,- Риста : « Трубул те аракхас, ай те мударас ле!»,- ( ай маладя ле вастеса пай скафеди). Мелева : « Со, амборим манай аме мурш андо амаро кырдо?», ( ай щудя шерестар песко дикхло пел пхаля) . Лоти-: « Мангав эртимос, щаввале»,- вущиля о Лоти,-« Кодо Ром авиля те мангэл эртимос пала песко Дад. Най во дошало! Ай туме пале камен, те щёрдел о рат? Чи трубул кодо чи амарэ Дадескэ, тял во эрто, чи аменгэ, чи эл
Девлескэ!». Анде соба чи май пхендя кхоник чи ек ворба. Фери э Мелева вущиля па песко скаминдогхо, ай гэлятар аври, ай зораса пхандадя пала песте о вудар.
Эл мурш пенас рытия… О Лоти бешелас палай скафеди, ай тходя ле васт телай бука, ай инкэрэлас андел васт о поагхо ла рытияса, ай локхогэс гилабелас э гилёгхы, кай ся мангэлас лес те гилабел леско Дад :
Лоти ( гилабел) : «Дур ме дрому авилем.
Манн о кхаму петярдя,
Мугхэ вушт во шутярдя.
Кай бори ме авилем,
Манглем латар цигха пай.
Э бради сас пхерди пай,
Тай вой пхендяс, кэ най пай…»
Ай ле асва петянас анда лескэ якха, ай кингярэнас о гоногхо ла пхувяса, кай ля ла во пел мырмынцы , ай пхиравелас ла пе пехки кор. Ле асва петянас андо поагхо ла рытияса, кай инкэрэлас лес о щав андо васт.
20). Юльча
О грасторо жялас пескэ по локхогэс, коркогхо аракхэлас май лащё, ай май шуко катар ле брышинда дром. Э тамна аба авиля, фери мязолас, кэ вой инкэ эк цигха дарал катар ле ивендехкэ балваля. Адес анклистя по чери о Кхам, ай астардя те петярэл. О Лоти пашлёляс по вурдон, ай анде лескэ канн ся ашунделас ле Дадески гили : «Дел о ив, тай ви перэл…» Пхаро сас лескэ по ило. Содивар во делас пе армая, кэ аракхэл , кон мудардя лескэ Дадес, содивар пхенелас во пескэ : Лоти : « Нащи ме те мукав теле ле васт, кэ трубул ма те траив май дур, кэ трубул май мишто те дикхав пала мугхы Дей, кэ вой, сар муля о Дад, зуралес пхуриля, ай насвайля». (Касаве пхарэ гындуря жянас лескэ андо шеро) Лоти : « Ай инкэ э Юльча ворта диляйля! Диляйля пала щав – студенто, кай авиля катце, ка пескэ нямуря андай Москва».
Лоти :« Со те кэрав? Ви ла бутяса чи анклел мангэ кханчи. На, пе гхыртия - ся мишто! О Рай гхрамосардя, кэ дел аме бути, апо касса те гханос? О Савка ся дяпе андел гаже, ся лащарэл ленгэ Роты. О Милош диляйля! Чи май хал кханчи - камел те авел «сано, тай вушоро», май мишто те традел по граст. Камел те авел «Чемпионо»! Те лав манушен ригатар? Мугхо Дад(тял эрто) шогха чи камелас кадя те кэрэл. Апо екх мануш сы ма – акхарав ле Лазос, кай мерэл пала лесте э Юльча, ай май дикхаса - кон Вов сы, ай кон сам «Аме- де Аме», ле Сапогхоне!
21). (Андо вэш, пашо пай, кай кэрэн ле гхом бути)
Юльча : « Антрэго деш дес ме авава паша Лазо, ай чи трубул, те гаравас аме! Ай пале Вов камела те чумидел ма ворта андел вушт! Ай, амборим ме коркогхо чумидав лес!» ,-( ай асанас лакэ якха, ай вой ся гаравелас ле катар пески Дей).
Аба телай рят, канна савогхэ авиле бутятар, хале, пиле пескэ чаё, ай гэле те совен анде цера, э Юльча кидя ся эл пиря, тияря, ле поагха, ай гэля ка пай, те халавел ле васуря, ай ся ажюкэралас, жял пала лате о Лазо, вай чи жял? Ай вой чи атхадиля! Фери арэсля вой ек бради пай, сар опрал па плаёгхо ворта «пеля» о Лазо, ай мязолас во акана по баро Рич , кай пхиравенас песа по ланцо ле Молдовая. Э Юльча, те на асал пе ся о вэш, пхандадя о муй вастенца, ай гарадиля. О Лазо, кай децигняра лескэ якха чи дикхэнас мишто, со кэрдёл пе паша леско накх, астардя те родел ла щя, ай канна вой акхардя лес, вон ли дуй жене, астарде те асан, ай те роден пел чанга, анде кинги чар лехкэ « якха андай вояга» (очки). Вой – касави циногхы, халавелас ле тияря андо пай, ай во – касаво баро анда песте, кхосэлас ле по баро пишкири, кай мязолас анде лескэ барэ васт дикхлогхэса, кай кхосэн о накх. Лазо : « Ме сытював анде Москва, камав те авав художнико, ай катце авилем кай мугхы чачи Биби, андо госто. Ай, атярэс, ся пхирав, ай ся дикхав пе тумаро шукаримос! Кай май дикхэса касаво! Акэ, дик – кадо сы тумари Кхангэри!»,- (анкаладя во андай посоти, ай сыкадя э гхыртиюца. Ай вон лине те дикхэн пе лате, ай о щён па чери ажютилас ленгэ). Юльча :« Ай манн шай те гхрамосарэс?», - ( ай лолиля андо муй),- Чачес, ме дикхлем, кэ вон, ле художникуря, грамон кадя, кэ ся ле жювля ленде нангэ». Лазо :–« Состар, тертис, нанги?»,- ай дичолас анде рят, кэ ви леско муй лолиля, сар э яг, - « Ме грамосарав тё патрето, кэ ту сан касави шукар! Чачес, пе ся э лумя, манай кхоник май шукар тутар!». (Вой дикхэлас пе лесте, ай лакэ якха путэрдиле, ай кэрдиле барэ, ай дичёлас анде ленде, сар пхаболас по чери о щён. О Лазо ля лако васт, ай чумидя. Чумидя лакэ кале, крэцы бал, чумидя лакэ кале якха. Канна чумидя лакэ вушт, во даратар дяпе палпале, кэ сэрэлас , сар кутя дата, кана чумидя ла, э щей дя лес эк палма па муй) Юльча :.-« Состар пале кэрдян …кодо?».
Лазо :-« Драго сан мангэ! Зуралес драго!», -( цыписардя пе ся о вэш о Лазо. Э Юльча пхандадя ле якха, ай сар корори, щутя англе ле васт, астардя ле щавес пала лехко гад, ай циписардя, сар ви во, пе ся о веш) : Юльча : « Чумиде ма, на дара!»( Чумидепе ся э рят!) Лазо :– « Ме камав те ансуривма фери пе гхомаи щей, кэ мугхо вэро о Ромка ля пескэ ракля, ай лески Дей, ай мугхы Дей кэтане драбарэн по « Рижско» вокзалои, аме на дур траисарас, ай э ракли ся пущел ле Ромкас, кай кэрэл бути лески Дей, кэ жялтар анда кхэр дидимняцы, ай авел телай рят, ай анел пхердо кожницы хабен», - ( асанас ле тэрне, ай ся чумиденас пе). Лазо :–«Жяс пала манде?».
Юльча : -« Лава те драбарав по «Рижско» вокзали. .
22). Абяв.
Андо кхэр телай Москва.
Катце, телай Москва э тамна авилятар тати, тай шукар. О ив сыго кэрдиляс кало, ай чи десар чи камелас те билал по кхам, ай мязолас кэ во пхандавелас пескэ парне якха, ай ровелас, ай прастенас андал лескэ якха пе пхув, сар ле асва, циногхэ, ай ви барэ паёгха, ай ле чирикля наёнас анде кодо пай, ай гилабенас ле Ромэнгэ пескэ неве гилёгха. ** ( В Подмосковье весна в этом году была на редкость дружной и скорой. Из под тающего серого и совсем разбухшего снега, под лучами, ещё не жаркого мартовского солнца, стремительно, словно дети, играющие в догонялки, бежали большие и маленькие ручейки)**
Э Лула жялас пескэ андай школа , ай ворта паша кхэр, ущиля ле пунгхэса андо пай. Майданглар вой зуралес холяйля, а пурме, канна атярдя, кэ кодя грапа андо пай кэрдя вой коркогхо, ле раклогхэнса кэтане, те перэн анде лате ле гаже, э щей ляпе те асал. Э Райка, ферисо халадя ле пхаля, ай астардя те ципил пе щей, кэ вой накхля эл кингхэ пунгхэнса, ай макхля лакэ ся ле пхаля.
Райка-: « Кай пхиравэн ту ле бэнг, Парамичи мугхы? Жя халав те васт, ай беш те хас. Адес аме традас туса по абяв кал Ром анде Москва, андо Останкино. Сар дек курко палпале, аракхлем ме андо форо ле Гхомен, ай вон пхенде мангэ, кэ э щей ле Ёшкаски, кодоле Ромехки, каса бешелас кэтане анде темница тё Дад о Ваня, анклел пала ром, пала Лазо андай Останкино. О Ёшка надумулт муля( те авел вушоро э пхув англа лесте), ай лески щей э Юльча акана жял анде цера ка Лазо. Соде аба накля врямя, сар лине ле Рай ле Дёрдес? Охто, вай кэ инья?»,- (гинелас э Райка, ай ся кадя врямя, чи ек дата чи щудя вой па песко шеро о дикхло, ай чи май дикхля, тертис, пе кавер мурш).
23). Анде бар ле кхэрэско кал Гхом, кай трубул те авел о абяв.
Анде бар сас пхердо мануш. О кхам по чери стрефялас кадя, кэ нащисас те ваздес опрэ эл якха. **( Солнце светило ярко, перистые облачка на лазуревом небосклоне , резвясь и играя , собираясь вместе и разбегаясь вновь, рисовали причудливые картинки. Казалось, в самом воздухе звенел оржественная музыка. Ждали молодых)** Ажюкэрэнас ле тэрнен. Акэ, дедурал ашундиляс сар, май англал савогхэндар, традел пе песко мотоцикло, пе песко пхуро «Харлеё», традел о Савка, ай пала лесте, по шукар вурдон, кай сас ся андел гхомане дикхле, ай ингэрэлас лес о парно граст, бешенас, ай инкэрэнас пе пала васт эл Тэрне. Э Юльча андел парне цаля, ви о Лазо шукар гхурядо, ай ленгэ муя асанас, ай савогхэ, кон дикхэлас адес пе ленде, савогхэ вияцинас! Ек Гхомни :-« Наис тукэ, Девла!».- Кавер Гхомни : « Касаво шукаримос, Девла!». Пхуро Гхом :- «Де Девла те авен вон бахтале!». О Лоти, кай инкэрэлас ле грастес те на прастел май сыго, ся ле илеса радуилас пе пала пески пхей. По кавер вурдон, кай ингэрэлас лес, о граст « андел пхаба», Бешенас о пхрал, тай дуй пхея ле Лазоскэ, ай о Милош, тай о Накхало ай о Риста - ле нямуря ла Юльчакэ ( э Мелева нащисардя те авел по абяв, кэ сас насвали). Пала вурдона жянас ле Ром, ай ви бут гаже, кай авиле те дикхэн гхомано абяв. Савогхэ тэрдиле пашо кхэр, ай о Лоти ля па вурдон э понява, кай киндя пескэ пхякэ по абяв, ай щутя ла телал пунгхэ ле тэрненгэ. Э Юльча лулуденца андел васт, тай о Лазо тэрдиле пел чанга, ай ле Лазоско Дад инкэрарэлас андел васт ле девлорэс, ай ка лески Дей андел васт сас о мангхо ,тай о лон, ай вон астарде те пхенен ле тэрненгэ ле лаще гхомане ворби, ай э гхомни кхосэлас дикхлеса ле асва. О Лоти роделас ле якхэнца варикас андал пескэ Пхурэ, те пхенен ви вон ле тэрненгэ пески ворба, ай дикхля ле Накхалес, кай сыкавелас ле вастенца, кэ во нащи те ворбил, кэ аба пиле ле Ристаса бут бяря. Най со те кэрэс, ай о Лоти дяпе англе : Лоти : « Те траин эл тэрне экшел бэрш анде воя ай букурия! Те авен зурале, тай барвале. Те дел ле о Дел бут глати, ек екхэстар май шукар! Те канден ек екхэс ся песко траё, ай ви пала аменде те на бистрэн. Наис ле Девлескэ, кэ арэслям жико кадо сэрбэтори! Наис саворэнгэ, кон авиля пе амаро абяв! Те авен савогхэ умпачи, Гхомале!»
24). Андо кхэр, кай жял о абяв
Савогхэн акхарде андо кхэр. Э Райка ай э Лула, бешле палай скафеди.
Лулуди :-« Че шукар о щав!»,- дикхэля по Лоти э Лула,- « Ай сар мишто ворбисардя? Дичёл, кэ зуралес камел песка пхя!». Канна астарде те гилабен, ай те кхэлен, ущиля э Райка: Райка ( гилабел) :-« Горохова рубаха», гилабадя вой, ай катар лако гласо астардя те издрал андо кхэр э фелястра. Лула (гилабл , ай ви кхэлел) : « Машенька». ай савогхэнгэ зуралес плачая, ай ся мангэнас ла, те май гилабел, те май кхэлел.
Э Райка подорисардя ла тэрнякэ вуче лоле папучица : Райка : « Те авес май вучи, ай инкэ май шукар!», а э Лула тходя пе лакэ думе шукар гхомано дикхло Лула : « Те дел ту о Дел бахт!». Зуралес сас вясело. Кхэленас тай гилабенас савогхэ: вил эл щея, ви ле щаве, кхэленас ле мурш, ай ви ле жювля. Аба май зуралес кхэленас ле пхурэ, кай марэнас о «Штромфо, ай кадя щуденас ле васт, тай эл пунгхэ, кадя издравенас ле думенца, тай ле парне шэрэнца, кэ ле тэрне шогха нащинас кадя те кхэлен. Пе скафеди – биняло! Ай э гэздэрица ся май анелас, ай май анелас неве хабената. Гажё ( мато) : «Горько!» Савка : « Эх, дорогой! Пора бы знать, что на цыганской свадьбе не положено кричать « Горько!» Савогхэ фэлинас пе ле тэрненса, або ажюкэрэнас ви о дуй-то дес, кана жанена апо, па ла «состе Пяс?» О Лоти патялас пескэ пхякэ, ай мангэлас ле Девлес : Л оти : « Ажютиасар аме Девла! Кэр те авел ся мишто!». Кхэленас, тай гилабенас жико рят, ай бут мануш ащиле те ратярэн. О кхэр сас нупря баро, ай о Газда, инкэ арати, тходя ворта анде бар дуй Церии, ся андел лоле, ай андел парне чипцы - со сас зуралес драго савогхакэ Кумпаниякэ. Лула : « Дале, айди те совас анде Цера!». Райка : « Айда, айда, мугхы Парамичи! Э Цэра - кодо мугхо тэрнимос!».
25). анде бар ле кхэрэско. Э Лула чи ля па песте ле цаля, ай щутяпе телай перина, ай атярдя кэ вой, фери мязол пхари, ай те ваздес ла - вой вушоро, ай зуралес тати! Э щей ля андел ангаля ле зэя песка дакэ, ай пхандадя ле якха. Те совес чи камелас пе, чи десар!.. О брышинд аба ащиля, ай чи май марэлас пескэ кингэ наё гхэнца пай Цэра. Ле гхомня, кай ратярэнас ленца андекхтцан, аба совенас. Э Райка, анда кодо, кэ эл Гхом кханчи чи жяненас па лако Ваня, нэкэжисайля, пиля бут гхытиюца, ай акана аба совелас пескэ, ай суспинилас андо суно.
Э Лула локогхэс, те на ущавел кханикас, ваздяпе, щутя по шеро о дикхло, ай анклистя аври. Пе Кинги катар о тамнако брышинд э Пхув, акана перэлас о
Ив!.. Нас чик балвалегхы, ай о Ив перэлас де ворта пе Пхув, пел Кашт, каскэ гхаёгха - ся анде парно Ив, ворта пел якха кэрдёнас сар андай парамичи. Сар андо суно пхирэлас э щей машкар ле вуче кашт, ай пескэ наёгхэнса азбалас ленгэ рупуне гхаёгха, ай мязолас, кэ вой кхэлел пе гитара.
***На мокрую от весеннего дождя, и уже было согретую мартовским солнцем землю, падал снег! На улице было тихо, и только запоздалый трамвай ворчливо прозвенел вдалеке, устало пробираясь на ночлег в ростокинское депо, и снова зазвенела тишина. Не было ни ветерка, и снег тихо падал вертикально, прямо на землю, на кусты, на деревья, чьи ветви, разукрашенные прилипшими к ним снежными комочками, на глазах превращались в волшебный сад снежной королевы, той чудесной сказки, которую так любила Лула. Как во сне она бродила меж причудливых кустов, пальчиками прикасаясь к, похожим на натянутые серебряные струны, веткам, и ей слышался звон колокольчика. Метрах в двадцати от дома стоял фонарный столб, и свет уличного фонаря равномерно рассеивался по улице, нарисовав большой оранжевый круг. Ей захотелось в круг. В ярком свете фонаря, огромные снежинки весело неслись, догоняя и опережая друг друга, и, казалось, кто-то наверху распорол наволочку большой цыганской перины, и белоснежный пух устремился на луч света, как целая стая ночных мотыльков. Лула, как снегурочка, одетая в белый пуховой наряд, заворожённо, закинув голову и смахивая руками снежинки с тяжёлых ресниц, смотрела в небо, стараясь запомнить эту величественную красоту*** Лоти : -« Дробойту», - ашундя анде рят э Лула, ай ви экцигха дарайля.
Лула : - « Дарадян ма!»,
Лоти :- « Эртисар, ме чи камлем те даравав ту». ( Вон тэрденас ек паше екхэсте, ай дикхэнас, сар перэлас па чери о Ив.)
Лоти :- « Сар бущёс ту, щей?»
(Э Лула мукля теле о шеро, ай дикхля по Щав. Ленгэ якха аракхле ек екхэс, ай лакэ мязуля, кэ щиндиляс варисо андо лако ди, лако ило астардя те марэлпе май зуралес. Кхоник чи дикхля инкэ пе лате кадя! Анде лескэ путэрде барэ якха вой дикхля, сар стрефянас лакэ якха!)
Лула : - «Лулуди»,- пхендя э Щей, ай дарайля коркого пестар, ай гэндисардя,- «Ай лескэ якха най зэлэнэ, ай ворта кале!».
Лоти : - «Ме ся дикхавас пе туте по обяв, ай лажяйлем те пашував.. Сар жял тукэ тё анав: «Лу-лу-ди!»,-( во май камля варисо те пхенел, фери, коркогхо чи жянел, сар кодо анклистя лескэ, астардя те гилабел гили! Кай Во ашундя ла ? Амборим андо суно? ) :
«Кон ущел май сыго дидимняцы?
Анде церра кон кэрэл вияца ?
Анда форо кон май бут анела?
«Лулуди»,- э люмя акхарэл ла!
Лаки чунга, дувар шай те пхандес!
Те дикхэла Вой, якха чи ваздес!
Канна Вой гилабел – вэш шунел ла
«Лулуди!»,- э люмя акхарэл ла!
Со шукар сан, мури щей!
Со май драго, мури щей!
Бахталэ тирэ гиля –
Ляляля- ляляля-ля,
Ляляля –ляляля-ля…»
(Э Щей ашунелас э гили, ай лакэ пунгэ марэнас о «Штромфо», ай лакэ думе издранас, ай щуденас па песте о Ив.)
Лула :-«Наис тукэ, мишто гилабадян!»
Лоти : -«Кодо на ме…»
Лула : -«Апо кон?»
Лоти : -«Муро ило!»
Лула : -«Чачес ?»
Лоти : -«Те марэл ма о Дел!»
Лула : -«Те фе рил ту о Дел!» Лоти : -«Ме сым о Лоти андал Сапогони».
Лула : -«Жянав».
Лоти : -«Тегара традавтар»
Лула : -«Аба тегара?»
Лоти : -«Фери дикхлем ту, ай мулем пала туте!
Лула : -«Чачес?»
Лоти : -«Атярдем, кэ нащив те траив би туко!
Лула : -« Трубул ма те жяв»…
Лоти : -«Традас туса! Дуй жене?»
Лула : -«Муры Дей ущела линдратар, ай лела те родел ма»
Лоти : -«Ме тегара пашував ка ти Дей, ай пхенав , кэ нащи те траив би туко. Ме пхенав, кэ камав Ту, Сар ле Девлес!»
Лула : -«Ай, пхенен, кэ тумарэ мурш марэн пехкэ жювлян?
Лоти : -«Солахав тукэ: канна арэсэла тут мугхо васт, ме чи май траив пе лумя!»
Лула : -«Май дикхасаме тегара»,- (пхендя э Лула, ай гэля кхэрэ. По дикхло, ай пел думе, ай пе лако муй парнёлас о ив. Лакэ неве папучица траденас па ив, ай о Лоти камля те лел ла тела васт, те на перэл, а вой чи мукля! Фери канна пеля андо ив, о Шав ваздя ла, ай тела васт гэля ласа жикай цэра).
О Лоти чи десар нащилас те совел. Во ся амболделас пе, пхандавелас май зуралес ле якха, гинелас анде годи, сар сыкавелас лес леско Дад, ай саек нащилас те совел.
Лоти : - « Со те кэрав?»,- гэндилас во пескэ,- « Кас те традав те мангэн ла Щя? Мугхо Дад муля, мугхы Дей бешэл насвали кхэрэ. Э Щей тэрнёгхы, ай зуралес шукар! Нашавен ла эл Гхом! На!.. Те ажюкэрэс нащи!» (Лескэ якха по-локхогэс лине те пхандавенпе:) -« Ай кана авен те мангэн ле Гхом, кодо зуралес шукар!», (гэндолас аба андо суно о Лоти. Ай дичолас лехкэ, кэ во жял пескэ, шукар гхурядо! Англе жян ле ханамича, лескэ нямуря, ай машкар ленде жял о Дэрвишо, пескэ кашторэса андел лоле, тай парне чипцы, ай андел васт лесте э Плоска ле галбенца.
Ле ханамича ден андо кхэр, траден бахт - састимос, ай о Газда тцол пе скафеди, бут пимос. Канна ле ханамича астарэн те ден дума палай тэрни, лако Дад ворбил): Дёрди : « Э щёвогхы инкэ тэрни, инкэ най аме гындо те дас ла пало ром.
Лоти : -« Соде вон шай те ворбин?»,- ( малавелас андо суно ле вастенца о Лоти), - « Шай те ден дума ви ек дес, ви дуй, ай амборим антрэго курко?». Акэ, аба дине э Ворба, ай о Дад ла тэрняко пхенел : Дёрди :« Путэр э Плоска!»,- (ай о Лоти аба дикхэл пе пески Лулуди. Лески Дей э Мелева лел теле пай Плоска э лоли чипца ле галбэноса, ай щёл ла пе кор ла Лулудякэ)-: Мелева :« Те авел бахтали амари тэрни бори!». Пурме ден англе ле ханамича, ай жял о дивано палал галби: Риста :« Э темин пел боря инкэрэлпе аба думулт, ай нащи акна те вазден опрэ! Ай аменгэ инкэ трубул те кэрас о абяв!». (Ви андо суно о Лоти нэкэжилас): Лоти : « Со ханпе, ле Гхом, кэ на грастес кинас!». (Акэ маладе ле Ром пал васт, ай о Дад ла тэрняко, ай ви о Дад ле тэрнеско пагхудепе ле стадянца).
Те кэрэс гхомано абяв андо кхэр май пхаро, сар андел Цери, кана дидимняцы о гад ла тэрняко щувенас опрал пай Цера, те дикхел ся э кумпания, ай э тэрни, акана аба, тэрни Бори, лелас э бради пай, ай жялас ка ле цери ле гхоменгэ. Эл Гхом анкленас аври, ай вияцинас, ай чумиденас ла Щя, ай э тэрни Бори щёрэлас о пай, пе ленэ васт, ай ле Гхом щуденас анде бради ле галби.
Андо кхэр - щуте ла тэрняко гад по баро карфин, кай марде лес ворта андо зыдо. Канна денас андо кхэр ле Гхом, эл Тэрне щёрэнас ленгэ андо поагхо рытия, ай сыго анде бари соба, кай тэрдёлас шукар гхуряди скафеди,
лине те ашундён гиля, асаимос, ай пхененас эл Гхом ле лаще ворби, кай жянас ворта анда ило : Дад ле тэрнехко : -« Те авел бахтали амари тэрни Бори!»,
Дей ле тэрнехки : -« Наис ле Девлескэ!»,
Э Биби ле тэрнески : -« Наис ви эл Дадескэ( тял эрто о Ёшка), ви ла Мелевакэ, кэ барярде касави вужи, тай шукар Щей- Барии!», (ай хутилдя о Гад, кай стрефялас о рат ла щёвогхако, щутя лес по шеро, ай мукляпе те кэлел! Ай савогхэ вущиле катар э скафиди, ай астарде те кхэлен, ай те гилабен. Э Юльча, кай сас адес гхуряди анде лоле цаля, ля э бради, кай сас пхердо пай, пашёлас ка ле Гхом, щёрэлас ленгэ пел васт пай, ай анде бради гхурявенас ле галби. О Лоти радуиласпе пала пески пхей, асалас, гилабелас, кхэлелас, ай кана э Юльча вущиля англа лесте пел чанга - те мангэл эртимос, во мангля ла : Лоти : « Канна леса те щудес ле лулудя, щуде кадя, те астарэл ле э Лулуди!» (э Юльча кэрдя шэрэса, кэ атярдя лес.)
Э Лулуди бешелас палай скафеди, ай лако муй чи асалас. Арати, канна вой ратяса дя анде Цера, ай пале тходяпе телай перина, вой атярдя кэ лаки Дей чи совел. – Райка : «Кай санас, мугхы парамичи?»,-
Лула : -« Пхирадем ма…»,
Райка :- « Касса пхирадян ту? Ме диккхлем арати, сар о Щав дикхэлас пе туте! Во ажюкэрдя ту аври?». (Э Лулуди инкэ шогха чи хохадя песка Да, ай ля, тай ви пхендя лакэ ся о дивано ле Щавеско). –Райка : « Те жяс пала Молдовано?»,- астардя те ципил э Райка,-« Те траис андел Церии, те кидес ле пучокуря? Та котце, мугхы щёвогхы, трубул те вущес дидимняцы май англал савогхэндар, фери атунчи, канна халавеса тё муй, шай те авел ту шуко пишкири! Ту инкэ сан глатуца! На, мугхы парамичи, на ле пескэ андо шеро лескэ ворби!». (астардя те ровел э Райка, ай тходяпе ле накхэса андо баро гхомано шеранд) Палай скафеди бут пенас, ханас, бут гилабенас. Э Райка щёрдя андо поагхо мол, ай дя песка щякэ:
Райка :- « Ле, пи, мугхы парамичи. Пи, на дара, кэ аба барилян!»
Э Лула шогха инкэ чи пиля мол. Ай акана вой пхандадя ле якха, ай пиля антрэго поагхо гугли лоли мол, ай чи ля ла э гряца! Лула : «Ай пеля мангэ драго, Дале!» Э Райка дикхля пе щей, тай асаяпе. Асаяпе ви э Лула, ай канна савогхэ вущиле те кхэлен, геля те кхэлел ви вой, ай ви о Лоти гэля те кхэлел пашай Лулуди. О Лоти нащилас мишто те кхэлел, кэ ся дикхэлас пе Лулуди, пе лако парно муй, пе лакэ кале якха. Э Щей пашуля андо кхелимос ка Лоти, ай локхэс, те на ашунел кхоник, пхендя лескэ пала дивано, кай сас ла Даса. О Лоти щудя те кхэлел, ай гэлятар анда кхэр.. О кхэлимос гэтисайля, ай дине англе ле Тэрне. Ле щея ся кидинепе англа ленде. Ханамик : «Акана э Тэрни лела те щудел ле лулудя». Ле ханамича астарде те гилабен: «Андал церри ле барэ
Авиле щея тэрне.
Авилетар по обяв, Те кхэлен, те пен, те хан.
Э тэрнии, Сар чирикли,
О тэрно, сан мурш баро!
Ай гурял шукар гили
Андо кырдо Романо.
Кон, Щеяле, на лажян, Камел теавел пе лако тхан?
Канна щудел лулуди,
Амари тэрни бори,
Кон, май сыго, хутилела,
Кодолакэ бахт авела!
Аме ласа те жянас,
Обяв каскэ те кэрас!
Э Юльча дикхля кай тэрдёлас э Лулуди, ай щудя ле лулудя ворта анде лате, ай э Лула астардя ле, ли дуе вастенца. Ле щея лине ла пала васт, ай астарде те кхэлен, ай савогхэ астарде те ципин:
Ек Щей : - « Те авес бахтали!»
Кавер Щей : - « Те кхэлас пе тё абяв!»
Трито Щей : - «Лове ка лове, ай лулудя кай Лулуди!»
Э Юльча, ай о Лазо чумиде ла Лулудя, ай вой ся лолиля анда муй. Пашуля э Райка, ля ла пала васт, ай ингэрдя ла анда кхэр аври.
.
26). Пале анде бар .
Лоти ай э Лулуди.
О Лоти гарадяпе тела дембо, кадя, те дичол лехкэ мишто э Цэра, кай сас э Лулуди. Анде бар сас тунярико, ай во ся пелас дугхано, ай гэндилас: « Сар те дав ласа дума? Со те мотцав?» Андай Цэра ашунделас, Сар пхендя э Райка : Райка : «Бистэрдем пала туте по скамин мугхо дикхло! Пале трубул те жяв андо кхэр». Ай э Райка анклистя андай цэра, ай гэля андо кхэр. Фери пхандадиля пала лате о вудар, о Лоти нашимаса гэля анде Цера. Андо шеро лесте марэнас ле чокая, ай во аба ашунелас ла Щако дивано: Лула ( андо лехко гындо) :« Ме дарав! Ме чи жянав… Мугхы Дей лела те родел ма!». О Лоти дя андрэ, ай э Лула локхэс циписардя.
Лоти : -« Ме традавтар»,- пхендя о Лоти локхэс. Э Лула дикхэлас пе лесте путэрде якхэнца, Лоти : « Айди нашас туса! Ме камав те авес ту мугхы гхомни, те кэрас абяв, те траис анде мугхы Цера»,- (ай о гласо ле щавеско кэрдиля зурало, сао о састри. Андо шеро кай Лула астардя ся те амболдепе, амболдиласпе ви э Цера, ви э цыногхы понява, кай сас по зыдо, ви э пэрина, кэтане ле шэранденца).
Лула : « Со мангэ те кэрав? Аканаш трубул те авел мугхы Дей! Лоти, ме атярдем, кэ нащив те траив акана коркогхо, би туко!» Лоти : « Авен нашас!». Лула :-«Айди май сыго!… Со ажюкэрэл аме англе?»
Лоти : « На дара! О Дел дела аменгэ Бахт!»
27). Андо вэш, пашо пай, Цера
Э Мелева бешелас пашай Цера по циногхо скаминдогхо, халавелас ле коломпиря, ай татярэлас по кхам пескэ пхурэ кокалица. Вой чи десар чи лелас па песте ле кале цаля, ай о кало дикхло па песко шеро. Ай ви по ило сас лакэ пхаро : Мелева :« Диляйля мугхы щей. Фери муля лако Дад, а вой аба ля пескэ кар!» (Анда вэш ашундиляс кэ варикон жял деворта кай э Цэра, ай сыго дя англе о Лоти, кай инкэралас пало васт щёвогха. Лакэ бал сас парне, ай гхуряди вой сас анде гхомаи гхотя анда касаво шукар похтан, кэ э Мелева шогха чи май дикхля касаво). Лоти : . -: « Дробойто, Мамо! Кадя сы мугхы Лулуди! Аме нашлямтар!»,- ай локхогхэс спидя англе ла Щя о Лоти. Э Мелева путэрде якхэнца дикхэлас пел тэрне, ай пурме пхедя: Мелева :« Накхэн анде Цэра». Э Лула ваздя ле бая ай пущля: Лула : « Ажютив ту, Бибо?». Мелева : - « Чи трубул, ме коркогхо!»,- амболдяпе э Мелева
28). Андо кхэр телай Москва.
Э вястя кэ э щёвогхы анда лащё гхомано кырдо нашля андел Цэри кал Сапогхони сыго гэля машкар лэ гхом. О Дёрди, фери анклистя андай темница, ляпе те родел ла Райка, ай атярдя ле илеса, кэ э щёвогхы, кай нашлятар, Вой ви сы лехки щей э Лулуди. Май бут, Сар деш бэрш чи дикхля во пехка чириклёгха! Ле гхом пхенде лехкэ, кай траил э Райка, ай о Дёрди гелятар ворта анде Москва. О Дёрди дя андо кхэр : . Райка : « А-а-а!.. Ту сан Дёрди? ( ай щутяпе лесте по Колин). Райка : « Мугхо шукар Ваня! Манай лехкэ шукар крецы парне бал!». ( англа лате тэрделас стрыино пхуро мануш). Райка : «Ай ле якха! Ле якха чи гаравес!, Сар майданглар вынытце, ай стрефян! Ту сан, Ваня?
Дёрди :- « Ме сым, Райко! Те авен савогхэ бахтале! Райка : « Ме патявас! Ме ажюкэрдем - акэ ви ажютисардя аме о Дел! (Пе тегхара вон кидинепе, ай традине, те роден пехка Ща)
29). По вакзали.
О Лоти ажюкэрэлас по вокзали…- Лоти : « Со кэрэн вон манца?- даралас о щав. Э Райка анклистя анда вагоно, ай гэля деворта ка Лоти. О щав нащисардя те пхенел чик ворба, сар э Райка дя лес эк палма па муй, ай фери о Дёрди тэрдярдя ла. Дёрди : - : « Ме сым лако Дад, о Дёрди. Пхен та мангэ, со акана те кэрав туса? Атярэс ту, кэ пала касаве дели мударэнпе эл Гхом?»
Лоти :- « Эртисар манн, како! Ме чи чордем ла Щя, аме нашлямтар! Ви ме, ви э Лула, аме ажюкэрас туме, те мангас эртимос!»,- (- пхендя о Лоти, ай дикхля ворта андел якха ле Гхомескэ). Вон бешле по вурдон, ай Лоти ся ворбилас:-
Лоти : « Мангэ зуралес драго э Лула, ме мулем пала лате, фери сар дикхлем ла! Ай канна атярдем, кэ лаки Дей чи десар чи камел те ашунел ма( о Лоти дикля пе Райка), аба атунчи аме нашлямтар. Аме инкэ анда дежиш традям туменгэ лил. Ай те мерав ме, фери дас андрэ анде Цэра, ме лав андел васт ле девлес, ай солахав Туменгэ, кэ чи азбадем ла Щя!». Э Райка ся ашунелас, со ворбил о Лоти, ай авиля лакэ пе годи, сар вой коркогхо нашляс пала пехко Ваня, ай чи пхендя кханчи чи ла Дакэ, чи эл Дадехкэ: Райка : -« Э пхабай чи перэл дур катар э пхабай»,- асая э Гхомни.
30). Пале пашай Цэра.
Канна вон пашуле кай Цэра, э Лула анде шукар неви кэтрынца пекэлас о мас пе тава, ай щинелас ле пэрэдэйцы, крестевецы, зэлэно пурум. Фери дикхля пехка Да, ай щудяпе лате андел ангаля, ай гарадя пехко муй по лако колин, кхоник те надикхэл лакэ асва. Э Райка ровелас, ай ле якха аба чи гаравелас.
Дёрди :-: «Барриля мугхы Щей! Айди манде, мугхы чирикли! Айди, те дикхав ви ме пе туте!»,- пашуля о Дёрди. Э Лулуди ваздя о шеро, ай ле якхэнца, кай сас ся андел асва, дикхля по Гхом. Англа лате тэрделяс аба пхуро мануш, би баленго, ай би данденго, фери лехкэ вынытцэ якха, сар варикана думулт, стрефянас по кхам. Э Лула принжярдя ле якха : Лула : -« Ту сан, Тате?» ,- ай щудяпе пе лехки кор, ай анда лакэ якха пале гэле ле асва, фери акана вой ровелас, ай андектхан ви асалас! Дёрди-: «Ме сым! Тё Дад о Ваня!» . ,- фери ви пхедя о Дёрди, ай хэзгэилас о шэро пехка щяко, сар чи хэзгэилас ла аба деш бэрш. О Лоти локогэс тэрделяс ригате, ворта даралас, те на нашел лендар э Бахт. Дя аври андай Цэра э Мелева. Э Лулуди анклистя андал ангаля ле дадескэ, тэрдиля паше, ай мукля теле ле якха. О Лоти нашляс анде Цэра, ай сыго авилятар ле девлорэса андел васт, ля ла Щя, ай ли дуй жене, вон пеле пел чанга англа Дёрди. Лоти-: « Солахав ле Девлескэ, ай ви Туменгэ, кэ тумари Щей вужи, кэ ме чи азбадем ла! Мангас баро эртимос, кэ нашлямтар. Май бут, сар мугхо траё, камав ме тумаря Щя! Солахав – шогха те на ваздав пе лате о васт! Ай те арэсэла ла мугхо васт - те на май траив пе кадя лумя!» О Дёрди, тай э Райка дикхэнас ек пе екхэсте.
Дя англе о Дёрди:- « А ту, мугхы чирикли, со май пхенеса аменгэ?»
Лула -: «Ме камав лес, Тате!»,- мукля теле ле якха э Лула.
Райка-: « Дарадя ту? Зораса ингэрдя?»,- циписардя э Райка.
Лула -: « Ме зуралес камав лес, Дале!» . ,- май пхендя э Щей, ай ваздя ле якха опрэ, ворта пе пехки Дей. Пашуля э Мелева : Мелева -: « Ме сым лехки Дей э Мелева, те авен бахтале! Туме май пхенена пехки ворба, фери ме пхенав, кэ мугхо Щав шогха чи хоховел!».
Дёрди- : « Со те пхенав? Гхом сам аме! Чи сам - туземцы»! Чордян – нашадян? Гхоманес кэрдян - те авес Бахтало! Соде касаве абява кэрде Эл Гхом!», - пхендя о Дёрди, ай ля катар о Лоти ле девлес : Дёрди :-« Те траин кэтане экшел бэрш анде воя, ай букурия!» Э Райка, кхосэлас ле дикхлеса эл асва :- Райка :« Кадя камлян Ту, Девла? – Наис Тукэ, Девла! Те дел Туме о Дел Бахт!»,- ай пурме асаяпе, ай пхендя,- Райка : « Ай, пущява ме тутар пала мугхы Щей, Жямутря!
. 30). Анде цэра кай Мелева( ансуримос).
Э Мелева, соде чи мангле ла, чи десар чи камелас те кэрэн Баро Абяв. Ай анклистя кадя, кэ о Лоти андя анда Гав Рашай, ай Во ви ансурисардя ле Тэрнен, ворта анде Цэра. Палай скафеди бешенас о Дёрди, э Райка, э Мелева, о Савка, о Милош, тай ви о Рашай, кай ащиля те кхэлел по гхомано абяв. Канна аба пхенде ле Тэрненгэ ся лаще ворби, о Савка мангля савогхэн те пен пала ленго Дад о Ёшка – Савка : « Тял эрто амаро Дад! Те авел англа лесте!»(пиле)… о Дёрди астардя о дивано, астардя те пхенел ла Мелевакэ: Дёрди ( ла Мелевакэ): « Ай со, аба чи сэрэс кодо дежеш, кай традасас ви аме ле Ёшкаса, ( те авел лехкэ вушоро э пхув! ), о дежеш, кай жялас анде рят, тай андо шил? Сэрэс пал вагоя, кай спиденас тумен ле Рай? Сар ле жюкэл ханас туме палал пунгхэ? Ай сэрэс тё лоло дикхло, кай стрефялас анде рят?..» ( О Гхом дикхэлас анде лакэ якха, ай нащилас те атярэл, ашунел лес э Гхомни, вай на, ай э Мелева тходя ле васт по шеро, ай пхендя: Мелева : « Эртисар ма, Бре! Зуралес дукхал ма о шеро! Пхурилем, Пхрала! Кханчи чи май дикхав, чи ашунав кханчи, ай аба кханчи чи май сэрав…». ( О Дёрди эк цигха холяйля пе лате, аба те на атярэл кодо кхоник, ля те инкэрэл кавер дивано, пала кодо, сар анде темница насвайля о мануш, кай киравелас о хабе, ай во, о Дёрди, пхендя ле Рангэ, кэ во жянел мишто те киравел! ). Дёрди : « Пхенде мангэ эл гаже те пекав «пирожки»… Аба о хумер ме инкэ варисар тходем, ай кодола гажикане «пирожки», чи анклелас мангэ чи десар! Ви кадя зумадем, ви кадя – ай кханчи чи анклел! Ай холяйлем ме! Ай щудем зораса о хумер пе скафеди - ай анклистя мангэ - Боколи! Ай ханас эл гаже ле Боколя, ай лувудинас Ма!».
( Савогхэнгэ плачая, сар сыкавелас о Дёрди ле Боколя, ай савогхэ асанас) О Лоти гилабадя ле дадехки «Делу ив, тай ви перэл», ай ся Эл Щаве гилабаде кэтане леса , гилабадя э Райка, ай канна гэля те кхэлел э Лула, вущиле о Савка, о Милош, ай пурме э Райка, тай о Дёрди. Э Мелева бешелас ригате пе пехко скаминдоро, ай о Рашай аба думулт матиля, мукля о накх андо тияри, ай совелас пехкэ локхогхэс. Савогхэнгэ аба сас мишто, сар андо ек кырдо!
Аба савогхэ хале-пиле, вущиле катар э скафеди, ай гэле те пхиравенпе андо вэш, ай ащаде ле Тэрнен кэтане.
31). О Лоти, ай э Лула андо вэш.
О Лоти сас бахтало! Лехки Лула, кай камелас ла ся майбут, ай майбут сас паша лесте, сас леса кэтане сако дес, ай сако рят. Во ажюкэрэлас, канна аба авела э рят, ай нашенас вон пехкэ андо вэш, те чумиденпе, те хэзгэинпе, ай те перэн анде вучи зэлэно чар.
**.( Вот и сегодня…
По летнему тёплая майская ночь будоражила воображение, дурманила лесными запахами. Где-то рядом с шатром, понзительно кричала и выла кошка, не желавшая, видимо, сдерживать порывы любовного экстаза. В шатре было душно, да и Мелева ворочалась с боку на бок, и можно было догадаться, что она не спит. Лоти потихоньку поднялся и, поманив пальчиком Лулу, вышел из шатра. Ночная прохлада приветливо протянула ему свои ласковые руки. Шалунишка ветер нежно трепал, только что распустившиеся листочки берёзы, и нашёптывал им что-то нежное и ласковое.)** Э Лула анклистя андай Цэра. –Лоти :«Дикхэс, сар ле чергая кхелен англа щёнуцо? Ай дик, аканаш астарел кодола, кай пхабол май зуралес, ай ви чумидел ла!»( Чумиденпе), Во ля ла палал думе , ай гэле вон май дур катар э Цэра… **( Обнявшись, они удалялись от шатра. Кругом было тихо, и только с криком вылетали из гнёзд, при приближающемся звуке шагов, лесные певуньи, с неохотой высвобождаясь из цепких объятий своих возлюбленных. Казалось, что сама природа высвободилась из плена и ждапа страстных поцелуев, жарких объятий, объяснения в любви, сердечных мук, радости и счастья. Она ждала любви, и воздух был напоён её ароматом!) **
32). Со роспхендя э пхури Раньжя. О Лоти траделас анда форо кхэрэ, ай сас пхаро лехкэ по ило: Лоти : : «Акана, канна аба ансурисайлем, канна сы ма тэрни гхомни, сар трубул ма лове. Ви андо суно дикхав, сар траисарас аме андо амаро нево кхэрогхо, ай э Лула ажюкэрэл, канна ме авава бутятар, ай инкэ анде бар ашунделпе, сар мишто кхандел о паприкаш, ай телай рят, анда баро буфари, э Лула гинел мангэ ле парамича». Адес пале чи анклистя лехкэ кханчи. Пале чи аракхля гханомаски бути. Акана савогхэ тринас дараса. Лоти : « Ай ви чачес, аба варикай пашэ жял о маримос, пхабон ле кхэра, пхабон амарэ шукар форуря, ле тэрне раклэн, касаве тэрнен, сар ви ме, мударэн, ай вон акана чи май жянена, сой кодо ансуримос, гхомни, глати…Ай мугхы Лула, наис ле Девлехкэ, аба пхиравел тела ило мугха глатуца, те дел о Дел, те авел ся мишто! Мек ажютил аме о Дел!». Леско вурдон ся щюделас о гавукуно дром андай ек риг жико кавер. Э чачи палатуни рота варисо гилабелас пехкэ, ай кодя гили анклелас анде лескэ кан, андо шеро, ай дукхалас ви лехко ило. Аба соде дес чи анлел анла леско шеро кодо дивано, со ворбилас э пхури Раньжя - ле Дёрдески чачи пхей ( ла Лулаки чачи биби). Трин, штар дес палпале авилятар э Райка( лески сакра) па базари, ай ворта цирделас пало васт ла пхуря гхомня, кай аракхля ла по вокзали, кана вой мангэлас ле гажжендар те ден ла котор мангхо. Лакэ якха аба чи май дихэнас кханчи. Андо кхэр э Раньжя пиля пай, мангля, те щён тела лакэ дукхане пунгхе цинони шерандуни, ай астардя те ворбил пехко дивано: -« Атунчи сас дриван тато, ай аме савогхе ажюкэрасас, кана жзялтар кодо татимос, ай авела локхи балвалёгхы, ай шай те анкляс андай цэра. О Милош ( лехкэ сас фери охто бэрш, тял эрто, ай астардя те ровел э пхури!) чи дарайля ай ваздя о вулув ла цераки ай анклистя пе чар. - « О кхам аба гарадиля пала вучо зэлено кашт! Анклен аба аври андай цэра», - цыписардя о щявогхо. Аме по-локхогэс анклистям аври. Мугхэ пунгхэ дукханас, кэ шувлиле катар о татимос. -« Милош, ай ви ту Зурка, жян - та киден андо вэш ккаштогхэ, те кэрас аменгэ яг»,- манглем ме ле щявогхэн, ай вон сыго гэле андо вэш. - « Туме акана ле май Барэ Мурш андо амаро кырдо»,- асаем ме пескэ андел вушт, ай астардем те гхудивма ко Дел, ай кэравас мангэ трушул пе кодо баро вучо кашт. Ме нащисардем те вущав пел чанга, ай ся тэрдювавас пел пунгхэ ай мангавас
Эл Девлес, май пхенавас лескэ ле анава ле глатенгэ, амарэ муршенге, кай традинеле анда кырдо, ай кхоник чи жянел, кай сы вон акана. Ме мангавас ле девлес, те ажютил мугха щяке – э Ганга атунчи сас пхари, те авел лакэ локхи э пхув»,- пале астардя те ровел э Рандя, тай ви эл жювля, кай ашуненас ла . - « Чямба!», - кана гэтисардем те гхудив ма, акхардем ме ла щёвогха - « Жя та, ан паёгхо, ай кэр аменгэ чаицо, андал кодала чара, кай кидене туме ла даса андо вэш. Аба де дуй дес, най аме со те хас - о пхабардо чаицо авела аменгэ ви хамос, тай ви пимос! - « Даё, ай адес варисо чи май ашундел о маримос. Чи май ден пушке ле нямцуря?»,- пхендя э Ганга, ай ся гхэзгэилас пехко баро пэгх, кай марэлас ле пунгхогхенца э глатуца. . – «Арати бут денас пушке, аба кхиниле - совен песке адес !», - пале асаем ме. - « Ай, те аракхена ле нямцуря амен андо вэш?», - пущля э Ганга. – « Ай, со аме ленгэ? Чи амарэ папуря, чи амарэ Дада – кхоник андал Гхом, шогха, кханикас чи дя пушке! Аменгхэ кханчи чи трубул! Манг ле Девлес, мугхы щей, ай ся авела мишто»,- ай со инкэ шай те пхенес? Пе бари яг сыго кирадяпе о чаё, э Чамба щудя андрэ ле чяря, ай ся амаро кырдо – ме, мугхы щей э Ганга, мугхэ непотцы : о Милош, о Зурка, тай э Чамба, ай ви дуй барэ жюкэл, кай пхирэнас кай-годи пала аменде. Ай сар надумулт бешасас аме пашо яг, ся амаро баро кырдо, ай амарэ кэлдэрарицкэ гиля ашундёнас пе ся баро вэш. Ай гитары башавенас, ай ле щея кхэленас, те дикхэн ле эл щяве. Э-э –э- х ! Девлале!
Аба, сой кодо? Андо веш астарде те башен ле жюкэл! Астардя те ашундел, сар ден пушке? Накхя дуй-трин минутцы, ай анда вэш анклисте ле нямцуря, ай тэрдиле паше аменде. Дя англе о офицери. -"Wer Sie diese Partisanen? Warum, hier im Wald? "- « Кто вы есть такие , партизаны? Почему здесь, в лесу?»,- спросил офицер на ломаном русском языке так, что понять его было непросто. Раньжя, с трудом поднялась, и все цыгане встали подле неё, как бы прячась за её спину. –«Wer sind Sie?» « Ты кто?»,- тыча пистолетом ей в грудь, спросил офицер. – « Я - цыганка, Раньжя, а это мои дети и внуки»,- сказала я громко, и голос у меня совсем не дрожал. Офицер долго рассматривал меня. Затем вдруг повернулся к солдатам, и, улыбнувшись, сказал : « Гут! Sie sagen, dass Roma gut tanzen!» Говорят, Цыгане хорошо танцуют! Танцуй, бабка!»,- сказал офицер, и громко рассмеялся. – « У меня ноги болят, я не могу»,- ответила я, и показала свои распухшие ноги. - "Dann, bauchige –« Тогда ты, брюхатая»,- указал он на Гангу. Напуганная беременная женщина, пошатываясь, сделала несколько танцевальных движений. Чямба, желая помочь матери, с криком : « Я буду танцевать», заслонила Гангу и припустилась плясать. Солдаты хлопали в ладоши и громко смеялись. – « Хорошо! Очень хорошо!»,- смеялся офицер. Он закурил сигарету и отошёл в сторонку. Огромного роста ефрейтор подошёл к нему, тоже закурил и спросил : "Was sollen wir tun, Captain?" « Что будем делать, господин капитан?» Офицер достал из планшетки какой-то документ и прочитал : "Das ist ... es gibt zwei Sichtweisen, wie Adresse" der Zigeuner Frage. "Die Wahl ist zwischen Sterilisation und physischen Vernichtung. Sterilisieren niemand hier, so werden wir sie physisch zu vernichten. " «Вот… существуют две точки зрения о путях решения «цыганского вопроса». Выбор стоит между стерилизацией и физическим истреблением. Стерилизовать тут некого, значит, будем истреблять физически» . "So gebe ich einen Befehl?" - "Oh, nein, nicht so primitiv! Seht, hier ist wie romantisch es von unseren Kollegen in Jugoslawien getan "- lesen Sie, -" Unsere Strafma;nahmen wirken auf diese Weise: sie stellten sich ihre Opfer am Rande der Massengrab ausgehoben der Opfer wurden erschossen und Roma begraben, mit Kalk vor geduscht ". - "Wie Sie sehen, niemand, der ein Grab zu graben - einige Kinder, so geben Sie Ihrem Team die Eagles, selbst zu graben ein gro;es Loch."- « Так я даю команду?»- « Э, нет, не так примитивно! Послушай, вот как романтично это делали наши коллеги в Югославии»,- читает, - : «Наши каратели действовали так: они выстраивали свои жертвы на краю братской могилы, которую рыли сами жертвы, расстреливали и зарывали цыган, предварительно осыпав известью». – « Как видишь, копать могилу некому - одни дети, так что, дай команду своим орлам, пусть выроют большую яму ». Солдаты принялись за работу. Дети, прижавшись ко мне, оторопело смотрели на солдат. - "Die alte Frau nicht ber;hren! « Старуху не трогать!» «Lassen Sie ihn los und sage allen, wie treu ihre Pflicht Soldaten des Dritten Reiches zu tun. " Пусть идёт и расскажет всем, как добросовестно выполняют свой долг солдаты третьего рейха». Вскоре огромная канава была вырыта. - "Bauchige Bindung an einen Baum, in dem sie steht"– « Брюхатую привяжи к дереву, у которого она стоит»,- дал команду капитан, и ефрейтор выполнил приказание. Дети дрожали от страха и плакали криком, вцепившись в мою юбку. – «Sie bef;rchten eine Fr;hgeburt zu geben, und wird noch ein Bastard sein. Hans, sag das nicht! ". « Она может от страха родить преждевременно, и станет одним ублюдком больше. Ганс, не допустим этого!». Раньжя умолкла. Глухие рыданья вырывались из её высохшей груди . Она задыхалась и долго не могла говорить. Наконец, когда приступ кашля утих, старуха заговорила : «Этот проклятый ефрейтор достал из-за пояса солдатский нож , вскрыл живот моей несчастной дочушки, достал ребёнка и бросил его в канаву. Потом туда же кинули и труп моей Ганушки. Я прижимала к себе рыдающих детей, но Ганс , ухватив за руку Чямбу, выдернул её из мох цепких объятий . – "Wie gut du tanzen, Affe! Captain, sie hat einen geilen Arsch, und w;re ein Verbrechen, wenn sie vor seinem Tod, sie nicht wissen, dass es das Leben nicht sch;n! ". «Как ты хорошо танцевала, Обезьянка! Господин капитан, у неё отличная попка, и было бы преступлением, если перед смертью, она не узнает, что есть прекрасная жизнь!». Ефрейтор облапил маленькое тельце девочки и изнасиловал её прямо на глазах хохочущих солдат . Чямбу бросили в канаву. - "Diese beiden werfen alive" - –« Этих двоих бросайте живьём»,- командовал капитан, указывая на Милоша и Зурку. –"Und nun, sie schie;en, aber so, dass der Tod nicht sofort eintreten. Sie m;ssen f;r eine lange Zeit zu leiden. " « А теперь, пристрелите их , но так, чтоб смерть не наступила мгновенно. Они должны долго мучиться». Их засыпали землёй, когда они ещё были живы. - "Ein wirklich romantisches passiert, Sir!", - Sagte Hans, wischte der weichen, gr;nen Gras blutigen H;nden - "Nur schade, dass es so wenige" .- "Wir haben die Pflicht, das Reich und den F;hrer durchgef;hrt" - Captain z;ndete sich eine Zigarette an und l;chelte und sagte: "Du hast gesagt, ein wenig? Ich m;chte betonen, Hans, die Zahl von 250 -. 300 000 Roma ist weit davon entfernt zerst;rt ungenau "- « А, действительно, романтично получилось, господин капитан!»,- сказал Ганс, вытирая о мягкую зелёную траву окровавленные руки,- « Только жалко, что их было так мало». - «Мы выполняли свой долг перед Рейхом и Фюрером», - закурил сигарету капитан и , улыбнувшись, добавил, « Ты сказал, мало? Хочу особо подчеркнуть, Ганс, что число в 250 - 300 тысяч уничтоженных цыган является далеко неточным». Лако дивано думулт гэтисайля, фери кхоник нащисардя те пхенел чи ек ворба. Трубулас те накхэл э врямя, фери атунчи э Раньжя кхосля ле асва, ай локхогхэс пхендя :-« Сар ащилем ме жювенди, кай пхиравас, сар авилем туменде, мук марэл ма о Дел, фери ме чижанав! Кадя сас мангэ щинадо! Кадя камля о Дел - те мерэн мугхэ глати, ай ме те траив. Наис тукэ, Девла… ***
О грастогхо геля майзуралес - сыкадиля о гавохо, кай вон траинас. Аба дичёл о кхэрогхо, ай кавер пхаро гындо авиля ка Лоти, ай по ило кэрдиляс май пхаро. Ай инкэ, зуралес нэкэжилас о Щав анда кодо, кэ лехки Дей э Мелева, чи десар чи камелас те принжярэл ла Лулудя, сар пехка Щя , ай лехкэ зуралес камеласпе, те авел кадя.
32) Андо кхэр кал гаже, кай траил э Мелева, ай ви эл тэрне.
Дуй цыногхэ соби динеле эл гаже, ай анде май цыгни, ратярэнас о Лоти ай э Лулуди. О Лоти дя анде бар, щутя жёв ле грастехкэ, щудя пай стадии о ив, кай фери со пеля пе пхув, ай дя андрэ андо кхэр. Э Мелева совелас по пато. О Лоти локхогэс, те на вущавел пехка Да, накхля кай циногхы соба, ай локхогэс путэрдя о вудар: машкар э соба тэрденас дуй скаминдогха. По ек скаминд пашлёлас ла Лулако поштин, ай по кавер – пашлёлас баро шэранд, ай пе лесте тэрделас бари минчия , кай ащиля катар ле гаже, ай опрал пе лате гхурядо гхомано дикхло. Э Лула пашёлас кэ ек скаминд, а пурме ка кавер. Андел васт вой инкэрэлас гхэртиюца, кай сас варисо скрииме. Лула -: «Девушка, можно Вас на минуточку?»,- пхендя вой гажиканес ле шерандескэ, Лула :- «Вы хотите погадать на «пикового» Короля?»,- ( ай ля э гхэртиюца, ай астардя те гинел ): Лула : «Пиковый - значит благородный, военный, чёрные волосы насит, зачёсывая на верх и не много в сторону... Ай сар инкэ ле мурш гулавен пехкэ бал?»,- ( май пхендя гхоманес э Лула, ай ляпе те асал.). О Лоти аба майнащилас те гхывдил, ай ви во ляпе те асал : Лоти : « Со же ту кэрэс, мугхы парамичи?» -( асая, пхендя лакэ о Лоти). Лулуди : « Сытював те драбарав! Сар пхенен ле гаже, кэрав пехкэ «Квалификация»! – (щюдяпе те чумидел пехкэ гхомес э Щей.).
Лулуди : -«Айди бешь те хас!»,- ( акхардя ла Мелева э Лулуди)..
Мелева : - «Чи жяв, дукхал ма о шеро»,- ( пхендя э пхури, ай пале амболдиляпе ка зыдо).
Лулуди : «Акэ кадя, аба май бут, сар допаш бэрш, дас аме дума - э Сакра, тай э Бори! . Чачес, ме ся кэрав кадя, те чалёл лакэ: гхурявав пе песте касави гхотя, те плачал ла Сакракэ, акхарав ла «Дале», киравав хабе, жяв андо Гав те драбарав, ай анав кхэрэ ви мас, ви мангхо! Ай еквар андем лакэ шукар дикхло, фери вой чи на дикхля пе лесте». Лоти : « Ме ся кодо дикхав, Парамичи мугхы! Мугхо ило ровел, аба варисо те лащарав, чи анклелас мангэ чи десар! Ай инкэ ви ла бутяса чи анклел мангэ кханчи - чачес, на касаво траё дикхэлем ме андел суне! На грибисар! Май ажюкэрас ек цыгха, ай авела аменде амаро цыногхо кхэрогхо ! Ай ласа те траисарас ригате!».
Э Мелева, амборим ви коркогхо чи атярэлас, состар лакэ выгхыто э Бори. Мелева : « Хындя о Дел пе лате! Ся вушоро арэсэлпе лакэ!»,-( ворбилас пехкэ тело накх э Мелева,) -- « Камлемас ме те дикхав, со сас Вой те авел, те дикхлясас вой андо траё кодо, со дикхлем ме! Ме атярав, кэ римов о траё мугхэ щавехко! Выгхыто мангэ лакэ парне бал, лако парно муй, лакэ циногхэ пунгхогхэ, лакэ васт, кай гхурян андо кхэлимос, ви лако гласо, канна вой гилабел! Фери нащив ккханчи песа те кэрав! Мишто пхененас ле Гхом, кана акхарэнас ма де цыгняра «Сапни»!
33) Лоти андо дром.
Аба сыго о Кричуно! Лоти : « Те бикинес о поштин, ай те кэрэс о Кричуно, сар пхененас ле гхом!». ( ( Ка Лоти сас мишто по ило) : Лоти : « Э бари бути аба гата, ай ме авав кхэрэ ворта по Кричуно, ай лаще ловогхэнца!», ви палай Лула ме чи дарав, кэ Вой ащиля кхэрэ ла Райкаса, кай авилятар ка пехки Щей, те дикхэл пала лате, жипуне чи аракхадела э глатуца». Лоти : «Чачес, э Райка зуралес нэкэжиме – ле Дёрдес, ай ви лакэ пхралес ле Ромкас, лине кэтана, ай аба траде ле по маримос! Трубул те нашас, варикай май дур»! (гэндилас о Лоти, ай гилабелас пехки гилёгхы: «Дур ме дрому авилем».)
34). Пале андо кхэр кай Мелева.
Лунгуне рятеца э Райка тай э Лула ся сокотинаспе: Райка : « Трубул те традас андо форо, ай котце те биянес, фери на анде Москва, кэ котце акана зуралес дарано. Котце эл гаже, фери канна ашунде па радио э ворба ле Авциналески( Сталина), чи май лине те марэнпе ле шерэнца андо зыдо» . Лула : -« Ле Лотяскэ нащи андо фор! Ай во шогха чи ащавела пехка Да!. Райка : «Сар ту траис ласа анде ек Цера? Кэ вой чи ворбил, ай башел, сар э жюкли!». Лула- : « Апо со те кэрав? Ле нямуря – сы нямуря! Чи родес ле, коркогхэ аракхэнпе!». Райка : « Трубулас те кандес мугхо муй, ай те на жяс кал Молдовая!». ( кадя денас вон дума согхо рятенца, ай чи анклелас ленгэ кханчи).
Аба тегхара трубулас те авел Кричуно. Андо бов аба пекэнаспе о баро туткано, тай дуй лаще рэци. Э Мелева бешэлас пала агор ла скафедяко, ай пелас чаё. Ажюкэрэнас, кэ трубул те авелтар о Лоти, ай э Лула кэтане ла Райкаса лащярэнас о савияко. Э скафеди ленгэ аба чи май трубулас, кэ вон лащярэнас лес пел васт, цирденас о хумер вастенца, те авел май сано, ай май ковло. Райка :- « Со цырдес кадя зуралес, сар о Гитлеро?»- цыпилас э Райка Лула : .- «Ай ту на цырде песте андектхан манца, атунчи анклел аменгэ!»,- цыпилас лакэ э Лула.
Райка : – « Касс ту сытярэс, парамичи мугхы?» Лула : - «Ай ме дикхлем, кадя лащарэлас о савияко о папо Ишван!»
Райка : - « Ту бистэрдян, кэ о Ишван тё Папо, ай мугхо Дад!»
Мелева : - « Ханпе, сар ле чапладе гаже, ай ви траин сар ле гаже! Ай ся тумаро кырдо бибахтало, гажикано!». – ( май зуралес савогхэндар циписардя э Мелева, ай зораса щудя о поагхо андел пхаля.). Савогхэ муцосайле, ай э Мелева пале астардя те цыпил, кэ ворта андо лако муй гхуряйля о хумер, кай сас андел васт кай Райка. Э Мелева ворта диляйля холятар, ай хутилдя ла Райка пала бал, кай дичонас тела шукар дикхло. Ви э Райка камля те цырдел лакэ бал, фери чи анклестя лакэ кханчи: андел лакэ васт ащиля фери о кало дикхло, ай савогхэ дикхле ла Милевако нанго, би баленгеро, сар кай пауша, шеро.
Райка : -: « Дав буле ме тё муй! Амаро кырдо гажикано?»,- цыпилас пе ся э бар э Райка,-
Райка : :« Мугхо Дад о Ишван Барвало, те курэл Во тут! Ай туме, ле Молдовая жювале! Ту халян ся о траё мура Щяко, пхури лубни. Ту сан май жюнгали, сар о Гитлеро, те чумидес ту лес анде бул!». – ( май цыписардя э Райка, ай щудя па песте ле зурале васт ла пхурякэ). Чогхогхы Лула прастелас машкар ле дуй жювля, пашолас ви кай пехки Сакра, ви кай пехки Дей, мангэлас ле пел чанга те на ханпе, те на марэнпе, ай э Райка ся амболдиласпе кадя, те гаравел ла Щя, те на малавен лако пэгх. Мардепе вон кайти, жипун ли дуй чиниле.
Мелева : -« Мангэ гряца те бешав туменца пала ек скафеди», -( ворбилас э Мелева, ай анкалавелас анда бов ле пхабарде хабената, ай щюделас ле аври, ворта по ив, ай ащявелас пе ся э бар лоле дромогха катар о рат, кай жялас анда лако пунгхо, кэ вой вущиля пе вояга, кана пхагадя о поагхо).
Райка : -«Те бешел туса о жюкэл пала тири скафеди». -( цыпилас андо путэрдо вудар э Райка). Райка : - « Аба чайлилян? Акана жя пашлюв телай тири кхандюни пэрина, ай пхандав тё магриме муй!». Э пэрина ла Мелеваки сас май лащи катар ся ле пэрины кал Молдовая, анда кодо вой аба нащисардя те гхывдил касаво фуипе:
Мелева : -« Мугхы пэрина кхандюни? Мугхы пэрина, кай кидем ла мугхэ вастенца? Кай кидем поргхо ка поргхо?», - э Мелева вущиля па пато,- « Аканаш сыкавава ме тукэ, кхандюни! Коркогхо ту сан кхандуни!», -( ай ля пай скафеди барии щюри, кай ферисо щинелас ласа о шах, ай зораса спидя ла анде фаца ла пэринаки. Пурме ваздя э пэрина опрэ, ай ля те издравел ла, ай те амболдел ла кадя, кэ щёрдилес анда лате ле пор, парне сар о ивендехко ив. Ви о вудар, ви э филястра сас путэрде, акэ э шудри балвал ви ляпе те кхэлел ле порогхэнца, ай лине вон те гхурян ви пал пхаля, ви опрэ, ви аври анде бар пашлёнас парне поргха по парно ив (касаво шукаримос!) Ся о кхэр кэрдиляпе андел пор: скафеди, ле васуря, о зыдо, ле цаля по карфин по зыдо. Ся ленгэ бал сас анде пор. Ле пор сас пел якха, щёнаспе андо накх, андел канн, ай ви андо муй. Май бут кхоник чи пхендя чи ек ворба - савогхе щудепе те киден ле пор, жипун чи кхиниле, ай бешенас пел пхаля ся андел пор, сар андо ив. Э Мелева кидя англа песте бут пор. ай сыго кодя парни «понява» кэрдиляс лоли – анда Мелевако пунгхо, кай щиндя лес пе вояга, жялас о рат.
** С утра выдался лёгкий хрустящий морозец. Солнце проглядывало из-за туч, но было пасмурно, и быстро завечерело и в деревне на столбах, как недозрелые жёлтые груши, засветились электрические лампочки.**
О Лоти гилабелас андо дром, вияцилас лехко ило. Лоти : «Сыго ме пале дикхав мугха Лулудя, чумидав ла, ай пурме лав лако васт, ай тхав лес пе пехко ило, ай котце, тела поштин, анде посоти пашлён ле лове! Акана авела аменде пехко кхэрогхо!»,- гилабалас о Лоти. Анде бар во мукля ле пхурэ грасторэс, кай траделас пе лесте инкэ о Ёшка(тял эрто!), дя лес жёв, анкаладя анда посоти шукар тато дикхло, кай киндя пехка Дакэ ка Кричуно, ай гэля жико кхэр. О ив марэлас ле якха, аба саек о Лоти дикхля по ив лолимос, ай атярдя, кэ дикхэл андел якха рат! О рат, кай жялас ворта ка вудар ле кхэрэхко! Андо шэро астарде те « марэн ле чокая»… Лоти : -« Лула? Со кэрдяпе, Девла? Сой туса, парамичи мугхы?», -( пущелас ле Девлес, ай амборим коркогхо пес о Щав, ай жялас нашиндой кхэрэсте, фери лехко пунгхо вущиля пе варисосте, ай во пеля теле.
Телал пунгхэ пашлёлас аба пеко баро туткано, ай на дур лестар по ив дичонас дуй шукарёгха пекэ рэци) Лоти :.- «Акэ тукэ сэрбэторя! Акэ тукэ о Кричуно!». (ровелас о ило ле Щаявехко). О вудар сас путэрдо, ай о Лоти атярдя, че « маримос» сас катце, фери дикхля пел жювля. Э Мелева бешэлас пел пхаля машкар ле пор ай ся андо рат. Ле кале якха пхабонас, сар о вангар ратяса андо бов! Лако дикхло пашлёлас англа лате пел пхаля, ай дичёлас лако нанго шеро. О Лоти дикхэлас пе пехки Дей, ай нащилас те пхенел чи ек ворба, ворта муцосайля! Мелева : –« Со ажюкэрэс? Мудардема ле гхом!». ( астардя те цыпил э пхури ле Щавехкэ). Вой вущиля пал пхаля, ля па зыдо эл Девлес, ай астардя те амболдел лес англа шэро, ай те дел армая ви ла Лулудя, ви ла Райка, тай ви ся ленго кырдо. Пурме вой ля пехкэ Щавес пала васт, тходя лес пел чанга, ай дя лес те чумидел ле Девлес : Мелева : « Дав ту армая! Те дикхэс ту манн мули жи тегхара! Те кинес ту мангэ гропошово! Те амболделпе анде пхув тё Дад о Ёшка - те на марэса ту пехка жюкля! Те на сыкавеса ла , сар аменде трубул! Ле кинге шелеса!» - ( цыпилас, ай ровелас э Мелева), Мелава : - « Ай кадя пхури лугни»,- сыкадя вой пе Райка,- « мек те траделтар деворта, жипун чи мудардем ла!».
Э Райка вущиля па пехко тцан, пашуля кай Мелева, ай кадя зуралес издрадя ла палал думе, кэ о девлогхо пеля андал лакэ васт пел пхаля. О Лоти дикхэлас пе пехка Дакэ, аба парне катар э холи ле якха, пе лакэ цаля, кай сас савогхэ андел пор, тай андо рат. Дикхэлас пе Райка, кай лакэ чунгха гхурявонас пе ся э кхэр, сар ле дуй барэ сапня. Дикхэлас кэ э Лула бешелас андо кото по скамин, ай аба локхогхэс суспинилас. Ай щутяпе во англе, ай ля ла Райка катар пехки Дей, ай спидяла зораса по пато. Э Райка цыписардя, ай э Лула камля те нашел лате, фери о Лоти хутилдя ла пала васт, ай зуралес маладя ла па муй!. Ле асва прастенас анда лакэ якха ворта пел пхаля. Э Райка, сар о баро кокоши гхуряйля пел зэя ле Лотехкэ, ай астардя те марэл лес ле дукхуменца. Э Мелева пале астардя ла Райкаки чунгха, ай ля те цырдел ла ли дуе вастенца.
Э Лулуди бешелас андо кото ай ровелас : Лулуди : « Дяма палма па муй, ай солохадя кэ шогха лехко васт чи арэсэла манн! Девлале, со акана авела аменца? Со те кэрас, Девлале?». О Лоти май ек дата пашуля кал жювля, астардя те цыпил, те мангэл ле те на марэнпе, фери лес кхоник чи камелас те ашунел . Атунчи во анклистя аври, ай ля андел васт э барии глажа, кай сас анде лате о зайзари: Лоти : -« Аба доста! Даранпе ле Девлестар!»,- цыписардя о Лоти. Ле жювля пе ек цигха ащиле муто, ай пурме пале щудепе ек пе екхате. Лоти : –« Дале!..» цыписардя о Лоти, ай э Мелева дикхля пехкэ якхэнца, сар лако Щав, лако циногхо Лоти, лако пуицы, кас май бут савогхэндар камелас лес лехко Дад о Ёшка, ваздя опрэ э глажа, ай пиля ЗАЙЗАРО!..
35). Анде больница.
Анде больница, кай анде ле Щавес, о доктори ашундя о дивано, со ворбисарде лехкэ э Лулуди, тай э Райка, халадя лехко ди, дя лес варисо те пел, ай чогхохо Лоти, дяпе те совел, кэ зор аба нас лес кханчехки. Ле жювлянгэ о доктори пхендя, кэ трубул те ингэрэн ле насвалес андо Форо. Согхо рят о Лоти пхаболас, сар о бов, ай э Лула щёлас пе лехко чикат о кинго пишкири. ** . Не помогали жаропонижающие, и влажные простыни, которые постоянно меняла Лула. Горело всё внутри. Казалось, бушевал костер, раскалёнными углями прикасаясь к нежным тканям гортани, желудка, печени, и как в проснувшемся вулкане, раскалённая лава медленно опускалась по многострадальному кишечнику, как по руслу небольшой горной речки. Сознание вдруг возвращалось…** О Лоти аракхля ла Лулудяко циногхо васт , ай пхендя : Лоти : «Атхадилем, Луло… Камлем те даравав ла…,
« Дема лубяница! Ся пхабол андрэ!
Райка : -« Кай те аракхес ивенде лубяница ?» Э Райка ся мангэлас ла Щя: Райка : « Жя те гходинис эк цыгха, тхо ту те совес, ай ме коркогхо бешав паша Лоти. Зуралес ме дарав пала туте - Щей, ай ся давпе годи, сар аме туса дуй жене ингэрэдям ле Щавес? Сар ваздям лес по вурдон? Ай Тукэ аба сыго трубул те бианес! Мек те аракхэл Ту о Дел!», ( - гхудилас ле Девлес э Райка. Мязолас, кэ кадя рят чи накхэл шогха!
Дидимняцы о доктори гхрамосардя варисохкэ гхыртии, ай традя ле гхомен по вокзали, те бешен по дежеш, ай те траден анде больница ле фороски. Э пхурёгхы рота, кай ингэрэлас лен жико дежеш, кадя зуралес издравелас, кэ э Райка дарайля, те на бианел э Щей ворта котце, андо дром.
36). По вокзали. Палай фелястра аба тердиле барэ ивендехкэ шила, фери ле гаже анде Русия чи даран ле шилендар. ** За окном стоял декабрь, но когда стихали порывы сильного колючего ветра, дышать было легко, ведь сибирские морозы переносятся гораздо легче, чем где-нибудь в средней полосе. На перроне маленького сибирского полустанка теснилось очень много людей, пытавшихся согреться на морозе, разминая озябшие ноги, прохаживаясь мимо наваленных кругом чемоданов, узлов, сумок и баулов. Дети носились по платформе, играя в "казаки- разбойники". Вся привокзальная площадь была, как бы наполнена легкой дымкой марева, возникшего от горячего дыхания многолюдной и многоликой толпы. Клубы паровозного дыма известили, наконец, о приближении поезда и сразу всё пришло в движение, перемещаясь на край платформы. Кое-кто уже держал в руках чемоданы, чтобы успеть забраться в вагон раньше других. Рёв охрипшей сирены крытого брезентом грузовика, с надписью «скорая помощь» и красным крестом, намалёванном на борту, огласил привокзальную площадь и зарулил прямо на платформу. Санитар долго объяснялся с начальником поезда, размахивая перед его носом выписками, направлениями документами и, подхватив вместе с водителем и проводником носилки, расталкивая народ, затащил Лоти вместе с Лулой и Райкой в переполненный вагон. **
О Савка тай о Милош, канна авиле кай пехки Дей по Кричуно, диляйле, канна атярде со кэрдиляпе андо кхэр кай Милева. Канна вон атярде, кэ ленги Дей нащи те пхенел ленгэ кханчи, катар э Гомеш ашунде вон, кэ ле Щявес ингэрде анде больница. Нашандой традине анде больница, ай котцар по вокзали ка дежиш, фери о дежиш аба гэлятар: Савка : -« Девла, Девла! Со кэрдян Ту амарэ пхралеса? Со кэрдян Ту аменца, Девла?»,- ровелас о Савка андо думо ка Милош.
37). Андо дежеш.
О дежеш сас пхердо гаже, амборим анда кодо нас кадя шил. Котце, кай пашлёлас о Лоти, э Райка щутя пел кафиногха, кай сас марде андо зыдо, пехко дикхло, вущадя котцар эл гажен, ай о Лоти пашлиля пехкэ, сар Рай баро. Во совелас, ай андо суно суспинилас. Э Райка тходя пе лехко шеро о кинго пишкири, ай гэля те дикхэл пе Лула, кай бешелас на дур по скамин, ай инкэрэласпе пала пэх ли дуе вастенца. Бут ваздя вой адес пхаримос, зуралес издравелас ла э рота. Райка : –« Девла, ажютисар амен!»,- гхувдиласпе э Райка, ай мангэлас ле гажен те ден тхан ла Щякэ те пашлёл. Варикон щутя пе Лула тато дикхло, ай Щей пхандадя ле якха. Ви э Райка аракхля пехкэ тцан. Лакэ пунгхэ пала антрэго дес шувлиле, лакэ якха пхандадёнас, кэ вой чи сутя аба дуй ратя: «Делу ив, тай ви перэл… Делу ив, тай ви перэл… Делу ив…»,- ашунеласпе лакэ анда суно э гили, кай гилабенас ла ле роты эл дежишескэ.
Э Лулуди суспинилас андо суно. Лакэ сас ви шил, ай ви щуделас ла андел пая. Ви андо суно дукханас лакэ зэя, дукханас лакэ васт, катар э пхари кожница ле хабенаса. Ви андо суно вой чёгхогхы мунчилас… Па чери жялас о ив, ворта кодо ив, андай Москеа, кана пашуля лате лако Лоти, ай пхендя, кэ нащил би лако те траил. Лула дикхэл андо суно: ** С неба падал снег - тот самый! Ярко светил фонарь на столбе, и от его луча снег таял, обнажая ярко зелёную траву, усыпанную ландышами, васильками, пурпурными маками, золотыми одуванчиками и белоснежными ромашками. Она ( во сне ) швырнула тяжёлую сумку и бросилась в этот оазис, в этот оранжевый круг.- «Саворэнгэ Ивенд, а мангэ Тамна!»(у всех зима, а у меня весна),- и на лице появилась слабая улыбка. Это был её оранжевый круг!
Её и Лоти, и больше ничей!. Лула упала в цветы, прижимаясь к ним всем телом, ласкала, гладила, целовала и лелеяла их , как матери лелеют маленьких деток. Ароматы весны наприч одурманили её светлую головку и без того измученную свалившимся на неё горем. Наконец, она подняла глаза – вокруг падал снег, только снежинки превращались не в мотыльков, летящих на свет , а в больших птиц, круживших в лучах света, Они собирались в огромную стаю и неслись, издавая страшные звуки, прямо на неё.
Лулуди стало страшно, и она хотела оказаться поближе к свету, она протягивала к нему руки, ища спасения. Вдруг, ей на плечо опустился жаворонок и, глядя прямо в глаза, спросил: «Сар акхарэн ту, щеё?»(как зовут тебя, милая?) Лула сразу узнала своего Лоти, хотела взять жаворонка в руки, но он выпорхнул из её рук и полетел ввысь, к свету. Очень высоко взлетел жаворонок, долетел до самого фонаря, обжёг об его огонь свои быстрые крылышки и камнем упал к ногам любимой. Лулуди с испугом смотрела, как обезумевшие птицы взвивались в вышину. Огромная чёрная ворона, перестав махать крыльями, остановилась перед Лулой: «Фери муро щав шога чи хохавел!»( только мой сын никогда не врёт!),- простонала она и упала на землю, даже не попытавшись подняться к свету.**
Вущиля э Райка анда кодо, кэ зуралес цыписардя э Лула. Савогхэ лине те сокотинпе. Варисохки гажи- пурёгхы ле пишкиренца андел васт, англа лате - э бради ле тате паёгхэса, ай э Райка ся прастелас катар э Лула ка Лоти, лащярэлас лехкэ по чикат кинго пишкири, спиделас ле гажен ригате, те на ден лес якхало. Аба дичёлас, кэ манай зор ви кай э Лулуди. Лако ди дукхалас ся май зуралес, ай паше, пе кавер пато суспинилас андо пхаро суно о Лоти: Лоти : «Атхадилем Луло. Камлем те даравав мугха Да…» ,- ворбилас о Щав. Соде кадя нашляс э врямя, кхоник нашти те пхенел, канна пел вагоя ашундиля, сар цыписардя э глатуца. -: « Сыночек !»,- пхендя э пхурёгхы гажи кадя, ворта вой коркогхо биандя ле щавогхэс. Андал якха ка Райка гэле ле асва, ай вой гэля нашандой те пхенел ле тэрне Дадехкэ, кэ аракхадиля лесте Щавогхо! О Лоти пашлёлас по пато. Э Райка ля лес пала васт, ай анде лако шеро астарде те « марэн ле чокая!..» Лехко васт сас аба шудро!.. Лехкэ якха сас инкэ путэрде, фери аба нас анде ленде траё. Муля о Лоти!!! Ся о ди ла Райкако ровелас, ле асва тасавенас ла, фери вой халас ле данденца пехкэ вушт, те на цыпил зуралес, те на даравел пехка Щя. Э Лулуди пашлёлас по пато, ай о рат прастелас анда лате. О Доктори, кай аракхле лес эл гаже андо дежеш, ай э пхурёгхы гажёгхы сокотинаспе, марэнаспе ла мартяса пала траё ла Лулудяко, фери о траё локхогэс жяластар анда Щей.
Пхурёгхы гажи : « Царство ей небесное ! Отмучилась бедняжка!»
Доктори : - « Мы сделали всё, что смогли! »,- пхендя о Доктори, ай азбадя о думо ла Райкако.
Пхурёгхы гажи : - « А голосочек сыночка - то услыхала милая!»,- май пхендя э пхури, ай кхосля ле пая па чикат. . Э Райка парни, сар э фаца ла пэринаки, тэрдёлас паша зыдо, андо кото, ай чи атярэлас, со май кэрдиляс! Вой даралас аба те дикхэл пе пехки Щей.** Только монотонный перестук колёс разрушал установившуюся в вагоне мёртвую тишину и, вдруг, как церковный набат, зазвенел мощный, разрывающий всем грудь и сердце голос Райки. Её рыдания, вой и причитания были слышны и в соседнем вагоне. Она билась головой об стенку, целовала окровавленные простыни, целовала любимые глазки, целовала маленькие холодные ножки и спрашивала ответа у Бога: Райка : «Со кэрдян ту Девла, кам дав ту армая? Андо ек дес лян о траё мурэ глатенго? Гуряйле ле дуй голумбя анде ек дес? Апо пхен, сар мангэ те траив акана пе кадя люмя. Мангав ту, Девла! Аба ле ви муро траё, кэ гэлятар туте мугхы парамичи, ай ме нащи би лако те траив…».
Зуралес астардя те ровел о Щявогхо. Э Райка хутилдя лес андел ангаля , ай астардя те пхиравел лес англе, тай палал, фери э глата ся ровелас, атунчи э Райка спидя лехкэ андо муй пехки чучи, ай о Щавогхо пеля те совел.
Акэ кадя пе лумя аракхадилем ме!
38). Р. S.
« О Пэтру Дэмэтро, тай э Роза Джелакаева гилабен Гхомане гиля андал ся ле тхэма». - сас грамосардо пел афиши андо форо, кай арати аме гилабадям.
По концерто кидяпе ся о форо, авиле ся ле Рай ле Барэ, пала концерто кэрде аменгэ « хамос- пимос». Ся накхля зуралес мишто, фери дидимняцы нащивас те ваздав о шэро, кана варикон локхогхэс мардя андо амаро вудар.
Пэтру :- «Коника адава?»,- ( пущлем ме , ай мугхо гласо чи десар чи камелас те ашунел ма) Гхом -: «О Пэтру катце траил?». Э Роза амболдяпе пе кавер прашав, ай ме гэлем те путрав о вудар. Пе манде дикхэлас тэрно, шукар, ай мишто гхурядо гхомано Щав : Гхом :-« Ме ашундем арати, Сар туме гилабадян, мангэ зуралес плачая, ай ме камав те кэрав Туменгэ Патив! Ме ажюкэрав Туме теле», - ( пхендя о Гхом, ай мукляпе теле андо ресторано). Пе скафеди сас о «Биняло, барёл тё ди!». Гхом : « Те авен бахтале, тай зуеале, тай барвале!»,- ( щёрэлас э мол андел поагха о Гхом). Чи жянав состар, фери ме дикхавас пе кадя барвали скафеди, пе кадо шукар Щавогхо, ай ваздем о поагхо, ай ви пхендем: Пэтру : « Камав те жянав, касса те пяв?». ( О Гхом вущиля катар э скафеди) :
Гхом : - « Ме сым о непото ле Карчулохко!». - ай ля те ворбил лунго дивано, кэ пел Щаве пашлёл э дош ле Дадески, кэ пе ленго кырдо дя э бибах, кэ динеле ле Гхом армая, кэ кхоник андал гхом чи камел леса те дел дума, ай со во, аба нащи кадя те траил…». Ме ся ашунавас кодо, ай мязолас мангэ, кэ ме ашунав лехко гласо дедурал…, андо шеро марэнас ле чокая…Англа мугхэ якха гхуряйля антрэго траё мугхэ Папоско, мугха Мамяко, мугхэ Дадеско, мугха Дако…
Гхом : - « Ме камав адес, катце те мангав тутар эртимос, пала мугхо Папо!»,- ( ваздя о Гхом пехко поагхо). Э Роза атярдя, со кэрдиляс манца, ай астардя талай скафеди мугхо васт.- Пэтру : « Чачес! О Щяв - най дошало пала песко Дад, фери мангэ трубулас акана те щунгардав аде тё шукар кало муй!»,- ( пхендем ме, тходем о поагхо палпале пе скафеди, ай гэлемтар аври).
Тумаря пативакэ, Гхомале!
Ме сым о Пэтру Дэмэтро андай Москва андо бэрш 2009.