Адкуль узяўся?
…І адкуль той Пугач узяўся? Паняцця ня маю! Еду ў аўтобусе позна, і тым часам Пугачы трапляюцца вельмі рэдка.
А тут… Матэрыялізаваўся, як з паветра, непасрэдна перад адчыненымі дзвярыма аўтобуса, калі ўжо ўсе ахвотнікі выйсці - выйшлі, а заходзіць збіраўся адзін Пугач. І стаяў ён там на ўсю шырыню дзвярэй у сваім сіне-жоўтым апярэнні. А я як раз сядзела перад гэтымі дзвярыма. З двума пакетамі, поўнымі старых часопісаў.
І не было сэнсу цяпер ускокваць і несціся да дзвярэй, збіваючы ўсіх на сваім шляху.
Ну, што ж, прыйдзецца плаціць штраф. І я стала абыякава глядзець у вакно.
А Пугач увайшоў, агледзеўся і пайшоў направа, наперад, потым вярнуўся і да жанчыны, што сядзела насупраць мяне праз праход:
- Талон не сапраўдны, плаціце штраф.
- Не буду я нічога плаціць! - загаласіла жанчына. - сто кіламетраў з вёскі ехала! Талоны нідзе не прадаюцца! І вы са сваім штрафам! Шкадаваць людзей трэба!!!
У выніку Пугачы ні з чым пакінулі аўтобус…
Так яны з голаду повыміраюць.