Бабулька ў чырвоным пледзе
Сёлета зіма была адносна цёплая, нават у лютым маразоў вялікіх не было.
І амаль кожны дзень, па дарозе ў гастраном, я бачыла ў суседнім двары бабульку на лаўцы.
У любое надвор'е яна сядзела на лаўцы, загарнуўшыся ў плед, і драмала.
Тут яе і заспеў снежны шквал, які ўсхадзіўся ў сакавіку.
І я, вяртаючыся з працы, бачыла як гэту бабульку, закасцянелую ў сідзячым становішчы, спрабавалі пакласці на насілкі. І побач стаяла машына "Хуткай дапамогі".
Потым, кожны раз, калі я праходзіла міма пустой лаўкі, я ўспамінала гэту бабульку.
А ў канцы красавіка іду, як звычайна, у гастраном і бачу: сядзіць бабулька на лаўцы, у чырвоны плед захутаўшыся.
Значыць, выжыла. Вось, добра.