Бяссонаў
Трохгадовая Валька выйшла ў двор пагуляць.
У двары дзве яе старэйшыя сёстры, Лілька і Анька, гулялі з мячом у "Я ведаю пяць імёнаў". Вакол іх круціўся Анькін аднакласнік, першакласнік Бяссонаў.
Бяссонаў быў такі вялікі, што Вальцы даводзілася высока паднімаць галаву, каб паглядзець яму ў твар:
- Ідзі дамоў, - строга сказаў Бяссонаў Вальцы.
Валька знервавалася, але паслухмяна павярнулася і пайшла дадому.
- Што ты так хутка вярнулася? - здзівілася мама, - ідзі гуляй на вуліцу, не замінай мне ўборкай займацца.
І Валька зноў паслухмяна павярнулася і пайшла на вуліцу. А там Бяссонаў:
- Ідзі дамоў!...
- Не звяртай на яго ўвагі, - сказала Анька, спрытна адбіваючы мяч ад зямлі.
- Ідзі дамоў!!!, - яшчэ стражэй сказаў Бяссонаў.
І Валька зноў павярнулася і пайшла ў пад'езд.
Але дома - мама. І сказала не замінаць ёй.
І Валька не пайшла дамоў, а стала з пад'езда назіраць за Бяссонавым.
А калі ён адвярнуўся, Валька ціхенька выслізнула з пад'езда.
Ад Бяссонава яна старалася трымацца далей.
Строгі Бяссонаў.