Пра цытрын мутантаў
- Гэта што за цытрыны такія?!!
Я паглядзела. Цытрыны як цытрыны.
Доўга я іх выбірала ў скрынцы, каб былі крамяненькія, не вельмі вялікія і без плям.
- А што такое? - пытаю.
- А ты сама паглядзі!...
Гляджу больш уважліва. Лупіна ў іх не роўная, а некалькі грудкаватая. І ў некаторых месцах гэтыя выпукліны досыць моцна вытыркаюцца.
Раней я купляла цытрыны з гладкай лупінай.
- Гэта, напэўна, сорт такі, з грудкаватай лупінай - кажу я няўпэўнена.
- Табе ўпарылі гэтыя цытрыны! А ты і паверыла! Які сорт?!! Гэта хвароба нейкая!!! Дураць у нас народ, а ўсё вераць! Як з гэтымі лаймамі! Прадаюць дробныя, зялёныя, няспелыя цытрыны, а кажуць "лайм"! Калі б табе падсунулі маленькі зялёны банан і сказалі, што гэта не банан, а бананіта. Ты б таксама паверыла?!!
- Калі б пераканаўча сказалі, то паверыла б, - прамармытала я…