Не шукайце заганаў у тых,
Каго Бог пасылае вам лёсам,
Хай пануе ў сэрцы ўзнёсласць,
То не грэх, адчуваць маладым…
Не шукайце спагады ў тых,
Хто не чуе чужога болю,
Пакiдайце яго ў спакоi,
Покуль крыўда не ўдарыць пад дых…
Не шукайце адказаў тады,
Калi свет вар’яцее ад войнаў,
Толькi час нас рассудзiць,
Ён вольны, ад хлуснi, палiтычнай маны.
Не шукайце зiмы ў вясне,
Не чакайце, што сыйдзе каханне.
Лепей смейцеся, плачце, спаткайце,
Покуль у сэрцы надзея жыве…