Дукхе – дукха хьалха, бакхийчу паччахьийн зама йолчу хенахь Хиндустанехь урду къомах стаг хилла, ГIалиб цIе а йолуш, гIараваьлла воккха яздархуо- илланча..
Ша паччахь хоьттина де даздеш кхайкхина паччахьуо ГIалибе а шен хIусаме тойне.
Ваха кечвеллачу ГIалибе доттагIаша элира:
- Ма гIуохьа, тхан доттагI, хьайна тIехь долчу духарца. Хьанна вевзар ву хьо, хьанна хуур ду хьо мила ву? Хьена бу моьтту хьуна ши бIаьрг, ахь яздинарг довза? Хьангахь бу моьтту хьуна бустам, дуста хьан дог? Хьан дог чу хьовса ю моьтту хьуна церан хан? – духахьа, оха бохург а дай, хьайна деана духар тIе, сел беркъа духар а доьхна, хьо кевне хоьттича, хьан цигахь лаьттачара мах а хадор бац, эккхо а там бу!
- Сан дац кхин духар, хIара доцург - элира ГIалиба шена тIерачу беркъа духарх куьг а хьаькхна, - ткъа аш деана духар ас тIедуьйхича иза нийса хир дац. Неханиг суна хьашт дац, сайниг - сан ду, неханиг – нехан ду. Нехан духар дуьйхина со хилча, соьгахь сингаттам хир бу, со паргIат лела а лур вац. Сайн долчу духарца гIур ву со, хирг хир ду-кха!
Ша кхайкхинчу паччахьан гIала кхаьчча кевнехь лаьттачу хехочуо, чекхбовлучу нахана юкъара ГIалиб билгал а ваьккхина, кIоршаме элира:
- Собар дел цкъа! - аьлла.
ТIе дуьйхина деза духарш долу нах чекх а бовлийтина, юха тIечевхира ялхо ГIалибна:
- Шен меттиг хаа еза массарна а! ХIара паччахьан цIа ду! Мича вала гIерта хьо, кху нахана юкъехула?
Воьхначу ГIалиба элира:
- Со - м ца гIерта бертаза чуваха, соьгахь паччахьо даийтина кехат ду, кхайкхар тIехь а долуш, - кехат дIа а кховдош.
Кехате а хьаьжна, ялхочуо элира:
- Цхьаннан лачкъийна хир ду ахь иза! ДIавала кхузара чехкка, юха а ма вола! Хьераваьлла ву хьо, кху хIусаме гIерта?
ЧIогIа дог эшна, цIехьа вирзира ГIалиб.
ДоттагIаша элира:
- Ала ма элира оха хьоьга! Тхуна хаьара иштта иза нислур дуй, цунна ма деанера оха хьуна хIара духар!
Юха ,, хIан – хIа,, ца элира ГIалиба. ЦIена духар тIе а дуьйхина, юха паччахьан кевне кхечира иза. Тохаралера ялхо вара лаьтташ…, кхийтира шалха…, кхайкхира паччахьан хIусаме, шуьйрра куьг а ластош… .
«Цхьанна а ца го-кха хьан са, тIедуьйхина духар доцург!» - ойла йира цуо.
Паччахь волчу хIусаме чоьхьа ваьлча, доухьал а веана, кхунна мара а иккхина, шена юххе охьахаийра паччахьо ГIалиб.
Юург-мерг хьалха йиллича цецваьккхира ГIалиба паччахь - ша юург ца юуш, шена тIера духарна рицкъа дао хIоьттира иза -
- Яалаш, яалаш - бохуш.
Эххар а, Iен а ца велла, паччахьо хаттар дира ГIалибе:
- КъинтIера валалахь суна, ГIалиб! – сан гIулkакх-м дацара хьоьга хеттарш дан, делахь а, алахьа соьга, айхьа яа а ца юуш, мала а ца молуш, тIерачу духарна яо стенна гIерта хьо?
ГIалиба элира:
- ГIалиб цкъа веанера кхуза тахана - и чу ца витира. Юха ца веара ГIалиб, ткъа хIинца чудитинарг духар ду - нийса хир дарий ас кху духарна яа а, мала а ца кховдийча?
ТIаккха дийцира ГIалиба тахана шена кевнехь хилларг.
Эххар а ша цIа кхаьчча дайра цунна паччахьо шена даийтина деза совгIаташ!