Вовшашка дуьйцучух цакхетаруо йоккху адамана юкъара марзо дIа, хуьлуьйту мостагIий, цакхетам совбаьлча юьжу дегнаш чу оьгIазгло…
Цхьаьнакхетта вогIура виъ стаг новкъа: Iаьрби, туркуо, гIажари, грек.
Царна новкъахь цхьа дика стаг дуьхьал кхийтира. Цуо царна ахча деллера и зуламе хир дуй ца хууш…
ГIажаричо элира:
- Дахийта вай базара, оьцур ю ангур!
- ДIадала, йовсар! –эккхийтира Iаьрбичо, - ца оьшу ангур, оьцур эйнаб!
Хабарна юкъаэккхаш элира туркочо:
- Стенна йо аш гIовгIа, хIай деган доттагIий?! Хир дацара гIолехь вай эцча узум?
- Раббана, тхан Дела! ХIун адамаш ду - техьа шу? Эцийтийша стафил, юур вай Iаббалц, – грек а веара къамела юкъа.
Цхьаъ дуьйций-м хаьара … дуьйцучух ца кхеташ, летир-кха вовшех!
Цахааро оьгIазлуо яьккхира сов…, эгийра цергаш, кегдира пIендарш… .
Э, маржа яI! БIе маттах кхеташ верг нисвеллехь, цхьана дашца бийр бара цуо царна юкъа машар!
Эр ма дара цуо:
- Шун ахчанах оьцур ас оьшшург массарна а, доьазза даздеш, декъа ца декъахь а, машар а бийр бу чехкка шуна юккъе! Декъа ца декъча а, шун соьмах хир ю оьшшург массарна!
Цахуучун хабаруо Iаьржа тIом бахьа, ткъа сайчаша – барт, машар,
сихха схьабалор!