Далийнера мацах Хиндустанера, махкара вай махкахь гина а, я хилла а доцу пийл.
Хоттийнера иза бодане божал чу дIа.
Ха дан хIоттийначуо, шена хIонц елча, чу бохуьйтура нах тамашийна долчу пийле хьовса.
Бодашкахь, бIаьргана гуш хIума а доцуш, куьйга эшара и ган гIертара чубаханарш… .
ЦIом карадеанера цхьанна, цунах куьг хьаькхна, элира юххерчуьнга:
- Хьажахьа, хьенех, тхов тIера ладар чудогIучу биргIанах тера ду-кха хIара! – аьлла.
Ткъа вукхуьнан карахь пийлан лерг хиллера, и теллина ваьлча, цуо элира:
- Ахь дуьйцург дош дац! – мох тухучу хIуманах тера ду хIара, – аьлла.
КхозлагIниг вара пийланан ког толлуш:
- Дера ду хIара акхаро бIогIамах тера!
Аре санна шуьйра пийланан букъ теллина ваьлча элира воьалгIачуо:
- Аш дуьйцург цхьа а дош дац – биргIий…, бIогIаммий… къорIанора дац-кха – со волчу чуьра тахьтанах тера ду-кха! – аьлла.
Дуьйцура хIорамма а хет-хетарг…, церан къийсам цахааро кхоьллина бара… .
Хиллехьара цаьргахь чIурам, серлонгахь гур ма дара царна бакъдолу сибат… .
Хуьлу-кха нах, куьйга лаьцнарг бен бакъ хIума а дац моьттуш…, олу-кха дош, цуьнан тIаьхье муха хир ю а ца хууш… .