Кест -кеста хеза вайна новкъахь а, адам вовшахкхеттачохь а: «Хьалха, вай кегий долуш, баккхийчара олура: «ЙогIур ю цхьа хан, веллачух валаза висинарг хьоьгуш!» - олий.
Сайна цахуург хоттур ду-кха ас аьлла луларчу юьртахь Iаш, Мохьмад цIе а йолуш волчу стагана тIе вахара со. Соьга хьоьжуш ша Iаш хилча санна, велавелла, векхавелла дуьхьалвеана, могаш-паргIат хаьттина, ша волчу хIусаме кхайкхира Мохьмада соьга. Сан бIаьргаш чохь ша дешча санна соьга элира:
- Дика хаттар ду хьан коьртехь дерг – аьлла. ( Тхойшинна хьалха рицкъа а диллина, чуьра араелира хIусамнана, оьшучунна хьажа неIарехь жимха а витина).
Ас динчу хаттаре ла а доьгIна, Мохьмада элира:
- Ас цхьа дийцар дуьйцур ду хьуна, эвлаяаша вовшахкхеттачу хенахь дийцина, сайна хезна.
Мацах, дуккха а шераш хьалха, цхьа миска стаг хилла, хьуьнхахь дечиг а лахьийна, цIа вогIуш – чIогIа гIелвелла а, къанвелла а, дуьненах ечу ойланаша а гIелвина – хIор денна дечиге лелаш, доьзална рицкъа даккха гIерташ.
Кест -кеста ойла йогIу мискачу стеган коьрте:
- Маржа яI! Ма бакъахьа хир дара –кх со велча. ХIун дисина суна кху дуьненахь. Хуьлуш хIума а дац – хIор денна дечиг кхоьхьу, цIа вогIу, юу, вуьжу, гIотту – юха а селхана хилларг - тахана … .
Сан куьйгаш эгош ду, ницкъ дIабаьлла, бIаьрса а гIелделла – хIун чулацам бу сан вахаран?».
Доккха са а даьккхина, элира мискачу стага:
- ХIай са оьцу Мулкалмот!- хIораннан са эца догIу - кха хьо – хийла диканиг, хазаниг, жима а, воккха а, къеста а ца веш, дIавигна Ахь! ХIунда латтайо ахь соьгахь хIара къизалла, вигахьа со Хьайца дIа, кхачахьа хIиннца!
Цхьана а адамана кхайкхича ца догIу Мулкалмот, бакъду, мискачу стага гIийлачу озаца кхайкхича, деана схьа-м хIоьттира!
БIаьрзе болчу стеган бIаьргашна гира иза, хаьттира: «Хьо мила ву, – аьлла.
- Ахьа кхайкхира соьга! Со хьан валар ду!
Кхеравелира стаг,дуьйжира дог
- Аса-м хьоьга суо б1арзвелла дела кхайкхира, бакъдерг аьлча-суна лаа-м ца лаара хьо дог1ийла!
Хан кхаьчча дог1у валар, кхайкха а ца оьшуш.
Оцу мискачу стага валаре кхайкхаран цхьа бахьна дара- ойла нисъелла ца
хилар !
Хьал долу стаг валаре кхойкхур вац-массо а вала а велла, шаьша дуьсур ду моьтту дукхахболчарна!