Охирги пайтларда олиб борган кузатишларим натижасига караганда, жамиятда тартиб интизомга риоя килиш хаёт тарзига айланаётган сохалар пайдо булмокда.
Масалан, Тошкент шахрида бензин куйиш шахобчаларида канистрага бензин куйдиришга йул куйилмаяпти.
Ёш келин-куёвлар медицина куригидан утганда Спидга оид маълумотларни пулга тугрилаб булмаяпти.
Талабаларнинг тест синовлари натижаларини аниклашда хам тартиб-интизом кузга ташланмокда. Тест билан оз-моз боглик кишилар, тест синовлари натижалари буйича Марказ ходимларининг халоллигини эътироф этишмокда.
Тадбиркорларимиз ёки тадбиркорликка бир оз алокаси булган кишилар уз вилоятида камчил булган, баъзида эса Республикамизда мавжуд булмаган махсулот, ишлар, хизматлар турларини купайтириш, худудимизда мавжуд булмаган техника воситалари, асбоб-ускуналарни келтириш хакида лойиха тузмокдалар.
Архитектура сохасига ёшлар уртасида кизикиш кучаймокда, китоблар дизайни, кийимлар дизайни, пардалар, кучалар, боглар дизайнига эътибор берилмокда. Баъзи сохаларда, масалан аэропорт чипталарини сотиш, туризм сохаларида тил билмасангиз таниш-билиш хам ишга олинмаяпти. Хусусий корхоналар ишлаб чикарилаётган махсулотлари учун, масалан колбаса чикариш учун гушт топшириш графиги тузилиб, шунга мувофик машиналар уз вактида келиб, графикда белгиланган хом ашёни олиб кетмокда, кискаси ижобий ишлар кузга ташланмокда.
Буларнинг барчаси халкимиз устига барака ёгилаётганидан дарак. Буни яна бир холат билан аниклаштиришим мумкин. Худога шукурким, маст-аластлар Тошкент кучаларида умуман кам, метродаям, автобусдаям арок ичиб сасиб юрган йуловчини жуда кам холатларда курасиз. Майли, бундай ишлар доимий булсин.
Аммо, шу билан биргаликда... Маънавий таназзул холатлариям учраб турибди. Оддий кишилар уртасидаги келишмовчиликлар, локайдлик, уз фукаролик бурчини бажармаслик холатлари уз йулига, лекин давлат мансабида утирган кишиларнинг локайдлиги, уз еяётган нонини окламаслиги, Юртбошимиз олиб бораётган сиёсатни тушунмаслиги одамларни уйлантириб куймокда.
Бир вилоятда чет эл инвестори улуши бор замонавий корхонада 10 ойдан буён электр энергияси узиб куйилган. Бу хакда вилоятда хамма билади, Республика микёсидаги рахбарларга айтсангиз улар бу гапга ишонишмайди. Чунки, Президент сиёсати, Вазирлар Махкамаси сиёсати инвестиция киритишни энг долзарб вазифа килиб куйганлигидан, уша вилоят рахбарлари Президент сиёсатига, Вазирлар Махкамаси олиб бораётган сиёсатга карши чикиши мумкинлигига Республика Рахбарлари ишонишмайди.
Чекка вилоятдан келган киши Тошкент вилоятидан бир ховли сотиб олибди. Уч йил утгач, бировлар унинг уйига кириб олишибди. У уйдан чикинглар деса, “уйимиз йук, жойимиз йук, сиз вилоятдан кепсиз, яшаб турайлик”-дейишибди. Кунгилчан вилоятлик киши, уларга яна беш йил тегмапти. Кейин, “уйни бушатинглар”-деса. Кириб олганлар “кулингдан келганини кил”-дейишипти. Чунки улар бу муддат ичида турли-туман сохта хужжатлар тайёрлаб олишган экан. Шундан сунг судлашув жараёни бошланиб, суд нак олти йил давом этибди. Чет вилоятликнинг хужжатлари конуний булганлиги олти йил деганда исботланибди. Суднинг карори ижрога утипти, ижрочилар сохта уй эгаларини уйдан чикариб, хакикий эгаларини жойлапти.
Хакикат ва адолат карор топибдими? Йук. Уйдан чикариб юборилган, ноконуний эгалар куч билан бостириб келиб, уйга яна кириб олишибди. Суд ижрочилари яна уларни, энди иккинчи марта чикариб уз вазифаларини бажаришибди. Лекин улар яна кириб олишибди. Кискаси суд ижрочилари хаётлари давомида эмас, оталари давридаям булмаган суд карорига беписандликни айтиб хайронмишлар. Агар бу гапларни биронта каттарок рахбарга айтсангиз ишонмайди. Аммо, бу хакикат.