Йокъанах а, йочанах а лаьцна.
Забаре хабарш.
Юьртарчу наха, белхий а бина, моллийна ломахь дуккха а йол хьаькхна хилла. Амма т1еиха дийладеллачу дог1анаша и йол д1алехьа ца дуьтуш, йол яхкалуш хила.
- Йочана маца соцуръютехь? – хоьттуш хила моллига юьртарчу наха.
- Кестта совцур ю. Саг1аш дохур ду вай, олуш хила моллас. Амма, бежнаш а дайина, саг1аш даьхчи а, йочана соцуш ца хила.
Моллин йол а кхоччуш яхкаелла. Догдаьтт1а 1аш хила молла.
- Маца совцур ду х1ара дог1анаш? – юха а хаьттина наха моллига.
- Совцур а дац! – т1ечевхина, девне ваьлла молла, – кх…ха баьтт1а стигалан!
***
Дог1анаш севцна, йокъана х1оьттина хила Макажахь. Шовданаш лекъна, хиш жимделла, б1арзбелла хьийзаш хила ч1ебарлой.
- Х1ун де оха? Дойуш ду-кх тхо цу йокъано? – генарчу моллина т1е бахана нах.
- Саг1аш даха деза, бежнаш а дойуш, - хьехара дина моллас.
Ч1ебарлоша саг1аш даьхна, амма мархаш, гучу а евлла, аренга охьа яхана, дог1а а эцна.
Юха а саг1аш даьхна ч1ебарлоша, амма мархаш юха а гучу а евлла, Суьйличу д1аяхана, цигахь дог1а 1анийна.
Саг1аш мел доху а, мархаш гучу а йовлий, лулахошна йоьлхуш хила, дог1а а оьций.
Юха а моллина т1е бахана ч1ебарлой. Дерриге а д1адийцина.
- Аш ма-дарра ца дуьйцу, суна шу девза, - аьлла моллас. – И саг1аш шайн бежанаш а дойуш, дахал аш, лулахойн лечкъийнарш а ца дойуш. Т1аккха дог1а шуна а дог1у ду…
***