Хурматли Михаил Сергеевич!
Совет халки Сизнинг Коммунистик партия Бош котиби этиб сайланганингизни жуда катта кувонч ва ифтихор билан кутиб олди.
Михаил Сергеевич Сизнинг ёшингиз 54 да. Айнан В.И.Ленин шу ёшида вафот этиб пролетар, ишчи-дехконлар давлатини етим колдирганди. Буни карангки, Сиз 54 ёшингизда давлат тепасига келдингиз, бунда олам-олам хикмат бор. Сиз Парвардигор томонидан В.И.Ленин орзу килган давлат ва жамият куришингиз, марксизм-ленинизмнинг энг ёркин гояларини илгари суриб совет халкини бахтли келажак сари етаклашингиз лозим булади.
Факат Михаил Сергеевич Сиздан илтимос, менинг мана бу гапларимни доим ёдингизда саклашингизни илтимос килиб сурайман.
Михаил Сергеевич азизим, дунёни Худо яратган, У абадий яшаяпти, олдин хам булган бундан кейин хам булади. Энг асосийси, Сизнинг бундай юкори мартабага эришивунгизда Парвардигорнинг кули борлигини унутмасангиз булди.
Сиз бунаканги катта давлат бошкарувини кулга киритган энг ёш рахбарлардан бирисиз. Сизда ижобий, реформаторлик энергияси жуда куп.
Михаил Сергеевич эсингиздами Грузияга борганингизда Эдуард Амбросивич билан денгиз буйида дам олдиларинг, шунда Эдуард Сизни денгиз буйига етаклаб, бундай деди:
–Ты знаешь Михаил Сергеевич, всё сгнило!
Сиз шунда унга караб, эътироф этдингиз:
–Эдуард Амбросевич я с тобой согласен. Надо начинать реформы.
Мана уша гап бугунги кунда амалга ошиб, Сиз компартиянинг Бош котиби булдингиз. Ура, ура, ура!
Михаил Сергеевич, сиз ишни черковларни, синагогаларни, мачитларни, будда ибодатхоналарини тикламокчи булган кишиларга халакит бермасликдан бошланг. Бу КГБчилар одамларни эътикодидан ажратаман дея халкни роса чалгитди. Умуман КГБ тугрисида салбий гаплар жуда куп. Нега Андропов даврида КГБ билан МВД урушиб колди? Нега прокуратура билан суд тизими урушмади-да, айнан КГБ билан МВД урушиб колди? Айтайми? Чунки, иккаловида хам юрист булмаган кадрлар жуда куп. Улар конунларни билмайдилар. Билмаганларидан инсон хак-хукуки нималигини хам, узлари инсон хак-хукукларини бузаётганликларини хам билишмайди. Бу ташкилотдан эхтиёт булинг! Совет тизими умуман Варшава шартномаси давлатларининг барчаси ана шу жазоловчи курол КГБнинг шубха-гумон, игво-гийбатлари асосида курилганди.
Мен Сизга шунчалик ишонаманки, якинда Сизнинг ёрдамингизда КГБ узининг шубха-гумон, эркин фикрловчи одамларни пойлаш принципларидан воз кечиб, том маънода халкка жабр-ситам утказаётган, одамларни хамманинг олдида ураётган, сукаётган, мафиози, коррупционерларни йук килишга сарфлайди.
Михаил Сергеевич жуда мухим бир гап. Мана, деярли етмиш йилдан буён совет халки социализм, коммунизм куриш орзусида яшамокда. Бу даврда жуда куп кишилар халкпарварлиги учун катагон килинди, ота боласи учун, бола отаси учун камалди, сургун килинди. Хакикий ахвол яширилди. Энди Сиз бугилиб ётган хакикатни эркинликка чикармокчи буляпсиз. Бу жуда савобли иш. Сиз яна арокхурларга карши курашмокчи буляпсиз. Эхтиёт булинг! Сизнинг азиз бошингиз халкка керак. Узингизга миллионта душман орттириб оласиз. Чунки, сизнинг атрофингиздагиларнинг купчилиги хакикатни ёмон курувчи арокхурлардир!
Бу масалада Сизга битта маслахатим: купрок Яратган Эгамга богланинг. Унинг конунларини яхши тушунадиган унинг сузлари ёзилган Китоблар- Таврот, Забур, Инжил, Куръонни яхши тушунадиган раввинлар, епископлар, поплар, шайхлар, мухаддисларнинг Форумларини утказиб, жамият тарккиётида Парвардигор оятларини куллаш имконини килиб, дунёда Ёлгиз Унга богланинг ва суянинг, хар куни яхшилклар килишга шошилинг. Агар Сиз Парвардигор айтган сузларнинг асл мохиятини англаб, У билан богланишни эплаёлсангиз Сизга миллионта душман каршилик килмайдими, барчаси енгилиб хор-зор булади, совет халки эса бахтли хаёт кечиради.
Сизга мустахкам соглик ва омонлик тилайман. Ленин, партия, комсомолга шон-шарафлар булсин! Ленин партияси етакчиси Михал Горбачевга шон-шарафлар булсин! Ура!!!
1985 йил 25 март.