Предисловие:
«Сказание о блаженном представлении великого государя, царя и великого князя Бориса Федоровича, всея России» является первой публикацией из рукописи Молотковской летописи, которая была частично опубликована Р.Г. Игнатьевым в газете «Новгородские губернские ведомости», но позднее была потеряна.
В следующих публикациях мы постараемся предоставить более полное изложение содержания Молотковской летописи.
А. Одиноков
Р.Г. Игнатьев
ИЗ РУКОПИСИ МОЛОТКОВСКОЙ ЛЕТОПИСИ
СКАЗАНИЕ
О
БЛАЖЕННОМ ПРЕСТАВЛЕНИИ ВЕЛИКОГО
ГОСУДАРЯ, ЦАРЯ И ВЕЛИКОГО КНЯЗЯ
БОРИСА ФЕОДОРОВИЧА
ВСЕЯ РОССИИ (1)
В лето 7113 представися Государь, Царь и Великий Князь Борис Феодорович и плакася о нем мнозии его же от ны представление сице бе, и житие его таковое. Сий оубо благочестивый Государь, Царь и Великий Князь Борис Феодорович родися от Болярского рода Годуновых, правоверну родителю пречестну, сын болярина Феодора и матери Александры. Бысть той род Годуновых велик сый и славен, имуще же первоначальника своего некого Ординского.
Князя глаголемого Чета, во святом крещении Григория. Сей оубо благочестивый Царь и Бедный Князь Борис Феодорович, отцу его оставльшу житие мира сего и принявшу небесные кровы, млад сый яко лет 9, с любимою им сестрою юнейшею, именем Ириною, остася. Абю возлюбимы быва блаженный, вечнодостойные памяти Царя, Государя и Великого Князя Иоанна Васильевича всея Русии Самодержца, и бывает яко отец, любовь им всякую показуя и повелевая им у себе в палатех Царьских пребывати. Тако убо возрасте младый Борис Феодорович и еще млад верстою, но духовных прилежаше паче мирских пустошных и страмословных, мирстих бесед всячески отметовашеся и не творяще, а страмных глагол не любляше и злонравных человек не любяше, со благыми точию творяще слово право и писаний Божественных послушающе, паче же всего неубо подобает ми молчания, яко всякого неправедного ухищрения, убойства и крове всячески чуждашеся, злобою яко младенец сый, умом же яко мужу доблему подобает; сего ради набольшею к собе любовь благочестивого Государя и Великого Князя Иоанна Васильевича всея Руссии подвизается.
Сице убо и сестра его, младая сущи отроковица Ирина, всякими добродетелеми украшенна бывает; не единою убо красотою женскою, но и всякою благодатию Божию преукрашенна являющеся. Сего ради возлюбленна бывает Царем паче дшерей иных от честнейших болярских родов, и сего ради абие вдает по браку благоверный, благочестивый Государь Царь Иоанн Васильевич всеа русии и в жену сыну своему благоверному, благородному Царевичу Феодору Ивановичу вдает; всего же Государя Царя и Великого Князя Бориса Феодоровича единым от советник своих, аще и млада суща, поставляет, и бывает яко един от честнейша сунклита Царьска.
Егда же убо приспе время блаженные кончины благочестивого Царя и Великого Князя Ивана Васильевича всеа русии, абие наречен бывает единым от правителей Царьства русского, немощи ради Царевичевой иже и бысть. Любезенъ же бывает Царю Феодору шурин его, яко правитель мудр и милосердец, нищия питая, обидимые поборая, яко бо Саул Царь Израиля, повинные повсегда милуя и неповинный любляше, яко отец сирым бяше, яко исполнитеся писанию: вмале был верен, над многими поставлен, в радость Господа своего ниде, и иному писанию глаголющу: око слепым, нога хромым, столп и страж и мерило, известно к свету правя подвластные, от Вышнего промысла правление приим роду человеческу, всяко смитение мира исправляше, высокопарный орел, огнь попаляя нечестие, баня омывающая скверну, гумно чистоте, ветр плевелу, одр по бозе трудившимся, трубо спящим, воевода мирный, венец победы, плавающим пристанище, корабль богатству, на враги оружие, стена ненарушима, мечь ярости, зломыслящих сеть, степень неразрушимым, зерцало житию, с Богом все творя.
Паче вся сия рещи подобает, яко зело пекущеся о христианстве. По летех же довольних, представшуся благочестиву Государю Царю и Великому Князю Феодору Ивановичу, абие всею руською землею избираем бывает Царем и Государем всея руссии Борис Федорович.
Он же не хотяще велицей сей сан Царьский прияти, немощи ради на долзе отрицашеся, едва умолен бывает от Святейшего Патриарха Иова и всего освященного Собора и всех Князей, боляр и всякого чина и возвраста людей молением. Прият же Царьство Государь Царь Борис в лето 7106, в неделю мясопустную, в среду и по времени хотящу ему венчатися на Царьство, абие бывает варварское нашествие от зловерных, безбожных Огарян и повелевает абие Царь, Государь Борис Феодорович рати христианстей собратися и восхоте ополчитися и сам, никакоже о себе брегий, идоша со тщанием во град Серпухов, идеже рати собранней бывшей.
Абие же Божиею помощию смятошася Огаряне и устрашишася рати христианской, без брани вспять отъидоша; людие же христианские тако свободни быша, идоша во свояси, славя Бога и мудрость его, на Государя Царя и Великого Князя Бориса Феодоровича свыше низпосланную. Венчася же на Царьство Великий Государь Царь и Великий Князь Борис Феодорович во святей велицей церкви Честного и Славного Успения пресвятые Владычицы нашей Богородицы в славнем царствующем велицем граде Москве в лето то 7106 месяца майя в 11 день. Гладу же велику бывшу, грех ради наших и напрасной смерти на людие на лежащей, измираше всяк пол и возвраст яко злак косцем урезаемый, и плачь и сетование во всей земли руськой. Тогда убо благочестивый Государь, отверзая хранилища и житницы, гладные питая и скорбящие утешая, яко отец о чадех пекущеся; нача тако его попечением хлебная цена низитися
Бысть же благочестивый Государь Царь Великий Князь Борис Феодорович зело благочестив, устроя церкви Божие мнози, и чин Духовный всячески ущедряя; старцы, иноки и инокини питая и милостыню многую обителем подавая.
Бывает же многая смута боярская, греху пособствующу и бысть треволнения мнози и под Царем гибели искаше, обаче исправляемы бывают паче правдою, нежели жестокосердием. Но сия бысть меншая начало злу, а горшая совершишася.
В лето 7113, иуния в 24 день, прииде на Русь вор Гришка-розтрига, бывый черный диякон обители святого Чуда Михаила на Москве; назвася той вор Царевичем Димитрием Углицким и прииди в землю Литовскую, прельсти многих, и тамо к Латином и Лютором пристав, волшебный хитрости научившися, абие идяху на Русь полонити и христианство от земли руськой до конец искоренити, церкви Божие изтребите, а костелы да божницы Латинские, Люторские, да Жидовские повсюду поставити; таеже все сие до времени. Прельстися же тиим вором и богоотступником руськая земля, мняше яко истый суть Димитрий, сын Царя Иоанна Васильевича; начата мнозии приходите к нему и хрест тому вору целовати, Боляре же тому нача радети и многие грады ему без боя отдавати, яко Царю. То видев Благочестивый Государь, Царь Борис Феодорович, зело скорбяше, созывает Святейшего Отца своего Патриарха Иова совсем освященным Собором, и всех боляр и всякого чина людей, да упразднится смута великая и да явится истинна пред всеми людми, да познают прелесть дияволю.
Абие освященный Собор повелевает быти рати, а всякого чина людям ополчитеся на того злодея Гришку, его же Собором анафем предаше, но ничто же успевает той совет Богоугодливый, но пач в людиех молва бывает. Прииди же он вор Гришка-розтрига под град Нижний, глаголемый Северский и тамо рати бывшей одоле Гришка и идоша к Москве, но мудролюбным попечениемъ Царя и Государя Бориса Феодоровича побежден бывает под Комардинскою волостью и едва не полонен, беже паки в Литву. Но человеколюбец Бог, хотя людей своих тяжко испытати и сего ради он вор Гришка паки силу Литовскую собирает и паки ако волк на русь грядет, и паки измены бывают и нестроения в людех мнозии.
Паки Царь, Государь Борис Феодорович о людиех соболезнуя, мнозии советом добрым увещевает; посылает же и ратных полки тому Гришки во сретение и с ними воеводу большего Петра Басманова, но и той, дияволю его запятшу, по времени изменник и противник святей церкви являшеся, от благоверного, благочестива Царя к вору, изменнику разтриге приходит, яко от света к тьме и огню гиенскому, и тем печаль и гибель христианскому роду конечную устраивает; Богу тако изволившу зане, взыдоша греси наша на плещи, правды и всякому делу благу от земли истребляхуся; хотя бо человеколюбец Бог, спасение наше устрояя, вмале казнити людии, да велицих благодеяний усподобятся. Се на лютейшее и на печаль большею прелагается: во дниишя тыя приспе время отшествия к свету невечернему, благочестиву Царю и Великому Князю Борису Феодоровичу всея руси.
Бысть же сие яко по малей болезни ко исходу своему приближается и призывает к одру своему отца своего по дусе Сватейшего Патриарха Иова совсем освященным Собором, такожде Царицу свою и чада и всем последнее прощение свое изрекает, повелевая без печальным быти, яко Богу тако взволившу, поучая же и чада своя довольно, о Господе жити повелевая; завещаже царствовати по себе сыну своему благоверну, благородному Царевичу Феодору, младу сущу, но разумну яко старцу подобает, и того поучив довольно.
Моли же благочестивый Государь, Царь и Великий Князь Борись Феодорович Святейшего Патриарха и весь освященный Собор, да сподоблен будет мнишеского чину, и абие Святейший Патриарх и совсем освященным Собором вся та скоро исполняет, возлагают нань святую, великую схиму и нарекают его Боголепом, совершают же над ним вся по чину Святыя церкви и тако предает дух свой о Господе Бозе и Спасе нашем Иисусе Христе, иже живыми и мертвыми обладает, яко исполнитися слову Пророка Исаия, глаголюща: успе сильный во Иизраили, тако успе на Руси Царь Государь и Белый Князь Борис Феодорович всея русии, и бысть плачь по всей земли руськой: плакаша бо над ним Князи и Боляра, архиереи, архимандриты и игумены, попы и дияконы, черноризци и весь народ от мала до велика. И принесоша тело его во храм Святого Архангела Михаила, надгробное пение над ним совершиша и погребоша его с плачем многим у гроба Государа Царя Великого Князя Феодора Иоанновича и близ гроба Царя Ивана Васильевича.
Паки реку, како бысть люти днии тыя, егда преставися сей Великий Государь, Царь и Великий Князь Борис Феодорович всея русии, паче рещи, злии быша днии тыя, не хощу же братия повествовати, почто быша смути велиции на руси по честней, праведней и блаженней его кончине, но слову нисания, кладу перст воустне моя, яко удобие молчанию есть, паче нежели глаголам.
Воистину реку, кто не восплащет зря его от нас, блаженное преставление! — кто убо пребудет чужд тыя велицей печали и какового лишихомся властителя благокормчего земли руськой правителя, попечителя добрым добра, орла высокопарного, все премудростию и благостию полезное строя.
О Господи. Боже! Вся бо премудростию строя, приими убо во Царствие своем в мире сего благого правителя и Царя Христианска и сопритчи его к твоему избранному стаду, достоин бо сей есть во все времена пети тебе со гласы благоугодившими в вечном, неизглаголанном царствии твоем, аминь.
Издавая эту повесть, я все-таки, даже более основываюсь и утверждаюсь в той мысли, что летопись Молотковская действительно есть сборник из разных списков, как я и объяснял в 32-м номере Новгородских ведомостей прошлого 1849 года.
В другом месте этой же самой летописи сказано: «умре Царь Борис сам ся отради ядом (неции же глаголют яко изморен от ворог своих) и пронесеся о нем на Руси таковая речь и прочее...
Настоящая же повесть, по-моему, мнению относится к самому событию; она могла быть написана каким-нибудь современником Царя Бориса, разумеется, лицом духовным тотчас же после кончины Царя Бориса, до низвержения Феодора и появления Лжедимитрия: все акты этого времени писаны в таком духе, что усматриваем из изданных в актах Археографической Экспедиции окружных посланий и грамот Патриарха Иова Духовные были все от души преданы Годунову, все были взысканы его благодеяниями, начиная от самого Иова.
Приняв все это в соображение, можно судить о духе повести и вывести из всего этого самый справедливый и неложный результат: его-то и повергаю на суд здравой исторической критики.
Скажу еще, что вставка об измене Басманова могла быть сделана после.
Руфъ Игнатьевъ
_____________________
Примечания:
(1) Из приложения к списку Новгородской летописи, называемой Молотковской. Об оценке самой рукописи было уже говорено прежде. Другое место из этой же летописи, под заглавием: Сказание о побоище на Усть-реце идеще Весь белая, было нами помещено в 23 номере.
Текст настоящего «Сказания…» представляется по оригиналу, опубликованному Р.Г. Игнатьевым в газете «Новгородские губернские ведомости». 1850. Часть неофициальная. № 32. С. 197–200.
В текст внесены следующие правки: 1) исключены знаки «ъ»;
2) изменены окончания слов: «я» на «е».
Текст публикации подготовил А. Одиноков.