Мне б забыць Вас...

         
           стихи на белорусском языке

 Мне б забыцца на Вашыя вочы,
 Мне б не піць іх азёрную сінь…
 Вашым голасам вецер шапоча,
 Вабіць водарам з поля палын.

 Мне б забыць усе словы прызнанняў,
 Размінуцца, не бачыцца з Вамі,
 Каб не ведаць такога кахання,
 Што спакой забірае начамі…

 Мне б забыцца на Вашыя вочы
 І не памятаць вуснаў тых смак…
 Толькі сэрца за Вамі зноў крочыць …
 Мне б забыць Вас… Скажыце мне, як?!

© Copyright: Надежда Верас, 2012
 Свидетельство о публикации №112101110089