у цябе ёсць душа!
гэта неяк раптам уварвалася ў маё разуменне...
у цябе ёсць душа ... такая далікатная і ранімая...
скажы толькі як? як да гэтага я магла жыць, не усведамляючы, не разумеючы такой простай рэчы?
што наогул гэта такое па сваёй сутнасці - душа?..
хто вызначыў гэта паняцце і даў яму вызначэнне?
дзе? скажы мне, калі ласка, дзе ты яе хаваеш?
так, я б не адмовілася зрабіць табе трэпанацыю, але толькі для таго, каб, нарэшце, убачыць твае думкі.
а ведаеш, я б нават стала вучоным, каб вынайсці які-небудзь кабель падлучэння да цябе. ўяўляеш, ты кладзешся спаць, а я твае сны гляджу. не, не так як у нас часам бываюць адны сны на дваіх, а ўвесь час каб і ў дакладнасці...
а часам я думаю, што нядрэнна было б забрацца ўнутр цябе самой, нацягнуць на сябе тваю скуру... і быць можа тады я змагу адчуць і, нарэшце, зразумець цябе...
але твая ж душа вельмі далікатная... шкада, можа ж не вытрымаць такіх эксперыментаў...
таму давай так, я зараз зраблю кавы, мы выйдзем на балкон, прыкурым цыгарэты, і ты мне сама ўсё-ўсё раскажаш!