Мой сынишка дал повод для написания этого рассказа. Однажды мы вышли с ним немного прогуляться, и он спросил меня:
– Хочешь, я расскажу тебе анекдот?
– Конечно, хочу, – сказал я, и он рассказал два или три сразу.
– Тебе они показались не смешными, правда? – спросил он немного погодя.
– Почему же, они хорошие, – возразил я, улыбнувшись.
– Ладно, – ответил сынишка, – я расскажу тебе анекдот, какой сам придумал.
– А ну-ка, давай!
Сказать по правде, о том, что мой малыш может рассказать что-либо интересное, я знал давно. Но что он сам автор анекдота – слышал впервые. И удивленный, я был на сей раз внимательным.
– Когда маленький сын и мама зашли в магазин, – начал он рассказ, – сынишка попросил свою маму:
– Купишь мне чупа-чупс?
– Куплю, если хочешь, – ответила она.
– Нет, не чупа-чупс, я хочу киндер-сюрприз, – вдруг заявил мальчик.
– Хорошо. Можно и так.
– Нет, шоколадные конфеты, что в коробке!
– Конечно, куплю, мой малыш.
– Нет, лучше торт купи, вот этот, – сказал он, ткнув пальцем на самый большой.
– Трот, так торт, – ответила вновь мама.
– И вот этот в придачу, – указал он.
– Если хочешь, сынок, – ласково ответила мама, – и чупа-чупс, и киндер, и шоколад, и торт – все куплю.
– Нет, – возразил на это сынишка, – ничего не хочу!
– А что ж так?
– Я уже наелся...
Когда он это рассказал, я опять не рассмеялся. Так сильно меня поразило то, что услышал.
– И этот анекдот не очень смешной, да? – спросил меня он.
– Нет, кажется, он смешной.
– Да, но ты не смеялся.
– По-моему, он смешной. Но если ты сомневаешься, у меня много друзей – твоих ровесников. Я расскажу его им. И так мы точно узнаем, смешной он или нет, – дал я слово своему мальчику. Поэтому сейчас и пересказал вам его анекдот.
Къысфэщэфыба
Мы Iотэжьыр зыпкъ къикIэу стхыгъэр сишъау. БэмышIэу, тIэкIу зыкъэтплъыхьанэу тыдэкIыгъэу, мырэущтэу къысэупчIыгъ:
– Нарэ горэ къыпфэсIотэна?
– Сыда къэмыIотэн? – зысэIом, къыригъажьи, зытIущ горэ къыIотагъ.
– Щхэны дэдэх пIонэу щытыхэп, арыба? – ыIуи, къыкIэупчIэжьыгъ.
– Зи ялажьэп, боу дэгъух, – сыщхыпцIыгъ.
– Ащыгъум, – ыIуагъ сишъао, – сэр-сэрэу къэсыугупшысыгъэ горэ къыпфэсIотэщт.
– КъэIуатэба адэ.
Шъыпкъэу пIощтымэ, шъэожъыем гъэшIэгъон горэхэр къызэриIотэн ылъэкIыщтыр бэшIагъэ зысшIэщтыгъэр. Ау джынэс нарэ къэсыугупшысыгъ ыIуагъэу зэхэсхыгъэпти, гущыIэ блэсымыгъэкIэу седэIугъ.
– Янэрэ ыкъорэ, – къыригъэжьагъ сишъао, – тучаным зычIахьэхэм, шъэожъыер ным еупчIыгъ:
– Чупа-чупс къысфэпщэфына?
– Къыпфэсщэфын, – къыриIожьыгъ адрэм.
– Хьау, ащыгъум киндер-сюрприз сыфай, – кIэгъожьыгъ шъэожъыер.
– Арыми дэгъуба.
– Хьау, шоколад конфетхэу къэмланмэ адэлъхэм сафай!
– Дэгъу, сицIыкIу.
– Хьау, мыщ фэдэ тортмэ нахьышIу, – ыIуи, анахь иным Iапэ фишIыгъ.
– Дэгъу, – ыIуагъ янэ джыри.
– Мары, мыри игъусэу, – ригъэлъэгъугъ.
– Уфаемэ, сишъау, – къыриIожьыгъ янэ, – чупа-чупси, киндери, шоколади, торти къызэдэсщэфын.
– Хьау, – ыIуагъ ыкъо ар зызэхехым, – зыми сыфэежьэп.
– Сыда адэ?
– ЗызгъэшхэкIыгъах...
Къызеухым сыщхыгъэп, сыда пIомэ зэхэсхыгъэр лъэшэу згъэшIэгъуагъэ.
– Ари щхэн дэдэп, арыба? – ыIуи, къысэупчIыгъ.
– Хьау, щхэнын фае.
– Ары шъхьае, о ущхыгъэп.
– Сэ щхэны къысшIошIы. Ау угу джэнджэш илъымэ, уилэгъухэу ныбджэгъубэ сиI, ахэмэ къафэсIотэнышъ, къэсшIэщт щхэными мыщхэными, – Iуагъэ дэсшIыгъ сишъао. Ары мыр джыдэдэм къызкIышъуфэсIотагъэри.