(верлибр)
Тахана ловзар ду.
Нохчийчоьн еа а маь11ера
К1ант кхиънехь - цунна йо1 кхиъна,
Стиглара, х1ордт1ера,
Ламт1ера, г1умт1ера – Лаьттара,
Къонаха нохчо хелхара х1отта,
Тахана ловзар ду,
Йистйоцчу дахаран хьаьттара.
Ма 1елаш, ма 1елаш,
Хелхарехь баийта б1агор,
Ангалин озанах делалуш,
Ирсанна к1айн пхьег1а отуш,
Нускалан дареша дагадеш,
Ондачу Безамна Дош олуш!
Ахь ала Безамах нохчочун илли:
Д1атийна гармана аренаш,
Холамах хьалха ду баьрзнаш,
Къоламца дехки те олхазарш!
Гуо юккъе ваьлла,
Безамна мерза, ахь илли ала.
Цуьнан аз –
Даго ланза х1ун дисна езачух!
Цуьнан аз –
Ц1ийн хьаса, легашкахь хедачух!
Карор дац дуьнен т1ехь кхин зевне ц1уз,
Дог1ур дац адмашка кхин хьоме зуз.
И лекха акхтаргаш леста,
Йиш яц-кх уьш куьг хьоькхуш хьеста!
Олучух иллино хьагийна
Нуьраца езарго хьоьстушверг,
Къонахий, мехкарий, - дайн дика! –
Ловзар ду нохчашна дуьсудерг!
Безаман ох1ла - Дада ваккха хелха,
Цу Дадас шех гуо хьуш йоккхаен йо1,
Тохалаш т1араш, вайн дайн шовкъах лехна,
Х1орс-тоъ-х1орс, х1орс-тоъ-х1орс, хьовзае йо1!
@