Мука яла1 малаза, на чеченском языке

               

                "Мука яла1 малаза" -
                Шок лоькху мох,
                Дара хьоь алаза
                Дош цхьа-ши-кхоъ…



                Берда т1е етталу тулг1е санна,
                Х1орд ловзорг - хьуо моьттуш - дарц дицдина,
                Кхоьхкуш ву хударх хьо, лоппаг хилла,
                Херсешна луш йолу диларш хила.



                "Мука яла1 малаза" -
                Шок лоькху мох,
                Сагатдан цхьаллиг цхьаъ
                Вуй хьан, я мохк?



                Шена ахь са д1алург къона волуш -
                Хьо саннарг марахьург, ахча долуш.
                Хьаьрса г1умлаьттан оран кошана
                К1ус тилла кад кховдор - эхь нохчашна!


 
                "Мука яла1 малаза" -
                Шок лоькху мох,
                Дуьсур ду дааза,
                Малаза хьох!



                Дагна хьан хьистинчух хилча бала,
                Хилла г1ан дисинчух набархвала,
                Ара ваьнволчул къанойх куй тилла - 
                Самацавалар хьо г1олехь дара!



                "Мука яла1 малаза" -
                Шок лоькху мох,
                Салам д1алолахь сан –
                Т1ехдалахь хьох!..

                @