Нанас дена вешшехь к1охцалх ира хьо ца винехь,
Ловзуш, кхуьуш, беран яхь беранна ахь еллехь,
Нагахь тахна харцлуьйчеран бартбан дош ахь аьллехь,
Вайшин седа баьгна баьлла алалахь.
Кху дуьненна 1ехавелла - могаш ца висанехь,
Декхарийла б1аьргаш цхьанна когашка хьежнехь,
Хьайн жималлах тоамаза - юхайоло хьегнехь,
Вайшин седа баьгна баьлла алалахь.
Хьайн дахарехь, нагахь цхьанна ямарта хьо хиллехь,
Нах пебетта хьуна болчу ара хьо ваьллехь,
Кар-кара луш дечигпондар, иллехь нахехь нислахь,
Вайшин седа баьгна баьлла алалахь…
@