Ейтталг1аниг б1аьсте суна сайн еъна,
Ягаръешшехь х1уттуто т1ехьовса ерш,
Дегнийн аьзнаш махке дар нийса декъна,
Хьозарчаша кегдеш бенна б1аьллангаш.
Олхазаран ирс соь кхача - стигалах,
Рег1ан басенах чухьада т1емашца,
Некъа девлла к1айн зезагийн хазаллах
Йог1у мехкаршлахь йо1 ела, со гича.
Заза иэт1аш, бошмех юьйлуш марзалла,
Ц1ен зазанаш хьоьсту поллин дезаш са,
Лела, лела, 1ома т1ехь ц1езах санна,
Ейтталг1аниг суна б1аьсте сайн еъна!
@