Уггаре мерза хьан са д1ахьуш,
Стигларчу хаьштигна к1елваьхьча,
Ткъес тоьхна, дитт кагдеш, тата хьуш, -
Висча, хьуо мила ву хаьа-кха...
Бацала зезагаш кегдан г1уш,
1аьржачу мохано дог1а хьош,
Цаьпцалгаш гонаха кхийсалуш,
Хьозано деттачохь т1оман пхьош.
Докан хьун елхаеш, селасат,
Маьхьаре, къийгашца тебча д1а,
Хьайгахь ахь сецийнарг сел хала -
Садаьхьнарг мила ву ца хиъча…
Хьасанах хаддалла мерза са
Лардешшехь, лазабарах кийра,
Д1адедча - и х1унда дедда-ца
Хааза валаверг - вац г1ийла?..
@