Талай заман ётсе.., кесинг джангъызлай къалсанг.., сагъышларынг сеннге тынгыларгъа унамай чыгъыб тебреселе башындан…
Кёзлеринги къысыб, джашауунгу кёзюнге кёргюзтсенг ангылайса.. кимсе сен.. кимге керексе.. сагъышларынг.., кишини алдаяллыкъ тюлсе… ышарыр, ышаныр адамынг да джокъ…
Джангызлыкъ.. сагъышларым сууукъ боран болуб, тынгымы тынчлыкъсыз этедиле.. , тёгерек тебсеуде бурадыла…
Бурула келиб, туура джюрек тамырыма чанчыладыла. Не къарыуну да салыб, джыламукъларымы тыяргъа кюрешеме.. Алай а…
Хо, хо, да.. Менден къарыулулада къарыу эталмагъандыла анга…
Бир кесек сабырлыкъ келди..
Уллу аурлукъну бойнумдан атханча, сабырлыкъ басды джюрекни…
Терезеден узакълыкъгъа къарай, терен солуй, джюрекни джангыдан соруула бла тынчлыгъын бузама.
Хар атламымы бир джерге джыя, къайда джангылгъанма..? Нени терс этгенме..? Джангыдан башлар мадар болса..? Алай а…
Кёб да излемейме - бир кесек джылыучукъ.. Тынгылыкъ..
Мадар болуб талай кюнню уянмай бир джукълар эди.. Алай а болалмайды.
Сагъат чексиз къызыу барады… Танг да белги бере, ангылайса.. амалсызлыкъны…
Къайдама мен?
Кеч болгъанды.. Поездинг кетген болурму..?