Тенгизни чайкъалгъан тауушу…
Акъыртын къулагъынгы сылай, бир хапар айтыргъа излеб шыбырдагъанча.. Кюн да батаргъа башлаб, таякъларын джыйыб, хазыр болуб джылтырайды..
Ол заман бир сейир заман тюлмюдю? Хар бирибизге джылы ышара, «ашхы кечели» дей ашыкъмай ташаяды.
Ол ышармакълыкъ бетимде талай заманнга бегий, тенгиз хауаны солуй, кесими сезимлеге, сагъышлагъа бере, суу джагъада айланама. Чууакъ кёкде кюн къоюб кетген къызгъыл сызла, огъесе тенгизден ургъан тузлу хауамы бередиле джюрегиме бир басымлыкъ, тынчлыкълыкъ..?
Алай а, джюрек, бир сахнада кёб туруб туралмайды. Джангы сезимле излей, кесими ангыларгъа излейме…